Според извори во Државна болница на Клиниката за хематологија е згрижена 40-годишна битолчанка со хемолиза (разградување на крвта), болест што ја добила откако примила крв чувана во кесите на “Бакстер

СЛУЧАЈОТ СО БИТОЛСКИТЕ РЕЗЕРВИ КРВ СЕ ИСКОМПЛИЦИРА ВО СКОПЈЕ

Според извори во Државна болница на Клиниката за хематологија е згрижена 40-годишна битолчанка со хемолиза (разградување на крвта), болест што ја добила откако примила крв чувана во кесите на “Бакстер”, додека во Прилеп се лекува пациент со иста дија

Двајца пациенти се заболени откако примиле крв чувана во кесите “Бакстер”, кои пред една недела беа повлечени, па повторно пуштени во употреба во болниците во Битола и Прилеп. 40-годишна битолчанка е донесена во Скопје со дијагностицирана хемолиза, додека другиот пациент се лекува во Прилеп од истото заболување. Тоа е болест која ја разградува крвта на пациентот.

Според извори во Државна болница, жената на Клиниката за хематологија е донесена пред две недели како итен случај, откако во Битола лекарите утврдиле дека има разградување на крвта. Според нив, болеста била тешка реакција на неправилно чуваната крв. Таа во Скопје, како што стои во медицинската докуменатција е донесена со витално загрозено здравје, поради што и е определен специјален третман.

За да и го спасат животот лекарите морале да нарачуваат посебни скапи лекови од странство. Лекарите од Клиниката за хематологија убедуваат дека пациентката се опоравува, но не прецизираат какви ќе бидат последиците по нејзиното здравје.

Болеста и кај двајцата пациенти била откриена непосредно по јавното обелоденување на информацијата дека кесите за чување крв во медицинскиот центар во Битола се наводно неисправни, поради лошо складирање.

Случајот беше откриен пред 14 дена кога хирург одби да оперира пациент во Битола затоа што му биле сомнителни кесите за чување крв. На барање на лекарите во болницата кесите на “Бакстер” кои ги дистрибуира веледрогеријата “Зегин” беа повлечени од употреба и подложени на испитувања за исправност. Анализите покажаа дека кесите се исправни и безбедни за користење. Но, и натаму трансфузилошките центри и во Битола и во Прилеп одбиваат да складираат крв во овие кеси.

Неофицијални извори од битолската болница велат дека и покрај анализите лекарите и натаму се сомневаат во квалитетот на кесите од причина што во нивната досегашна пракса ниту една кеса за крв не била без датум и рок на употреба, напротив задолжително на секоја имало печат до кога може да се користат. Дотолку повеќе што овие кеси се трослојни, а не четирислојни како што секаде се користат. Од прилепската болница никој не сака да зборува за пациентот со хемолиза, ниту да каже каква е неговата здравствена состојба. Прилепскиот центар ги повлече кесите на “Зегин”, ден по откривањето на случајот во Битола.

А.Стојановска ***

Зегин со фен го тестирал квалитетот на кесите за крв

Газдата на “Зегин” Благоја Механџиски по откривањето на случајот дошол во Битола и пред лекарите правел сопствен тест за издржливоста на неговите кеси. Тој земал фен и почнал да ги дува кесите со дарувана крв на битолчани, за да покаже колку можат да издржат топлина. На тоа изреагирале неколку лекари, кој го потсетиле Механџиски дека не треба да си игра со крв што некој ја дарувал за да спаси живот.