Свет
78-годишна старица од САД третпат ограбила банка

Полицијата во Мисури соопшти дека пензионерката Бони Гуч е уапсена во врска со нејзиниот трет грабеж на банка.
Гуч влегла во банката „Гоперт“ и ѝ дала белешка на вработена на шалтер, од која барала илјадници долари во готовина.
Гуц веќе има две пресуди за грабежи на банки зад себе. Последниот пат кога организирала грабеж во 2020 година нејзиниот син рекол дека излегла од куќата лута, а му оставила порака дека ќе ограби банка. „Извини, не сакав да те исплашам“.
Бони Гуч сега е во затвор, а нејзината кауција е одредена на 23.000 долари.
Bonnie Gooch (78) is facing bank robbery charges for the third time in her life this week. The first was in 1977. This time she handed over a robbery note demanding 13,000 small bills, adding ‘thank you sorry I didn’t mean to scare you’. At least she was polite about it. Pleasant… pic.twitter.com/Pm2mtwf9np
— Rose (@901Lulu) April 10, 2023
Носејќи црна маска N95, црни очила за сонце и гумени ракавици, таа влегла во банката минатата среда и на вработената на шалтер ѝ подала белешка на која пишувало „Предајте 13.000 долари во мали апоени“, според судските документи до кои дојде „Канзас сити стар“.
Надзорната снимка покажува дека Бони Гуч удира на шалтерот во еден момент наредувајќи им на вработените побргу да ги предадат парите, соопштија обвинителите.
Полицајците од полициската управа одговориле на повиците за грабеж и ја нашле Бони Гуч во свпето возило „наполнето со алкохол“, со готовина расфрлана на подот.
„Кога полицајците првпат ѝ пријдоа, беа некако збунети… Излезе малата старица“, изјави началникот на полицијата, Томи Рајт, за „Канзас сити стар“.
„На почетокот не бевме сигурни дека ја имаме вистинската личност“.
Првиот грабеж на банка на Бони беше во Калифорнија во 1977 година, а вториот во 2020 година, каде што наводно на вработена на шалтер ѝ подала роденденска честитка, на која пишува „Ова е грабеж“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Трамп: Да не беше Америка, денес сите ќе зборуваа германски

Американскиот претседател Доналд Трамп пристигна на сцената во воената база Форт Браг во Северна Каролина, каде што беше пречекан со овации од насобраната толпа.
„Сабота ќе биде голем ден во Вашингтон“, рече Трамп, без да образложува повеќе.
„Овие денови, другите земји ја славеа својата победа во Првата светска војна“, продолжи тој. „Единствените што не славеа беа Соединетите Американски Држави – а ние бевме тие што ја добија војната. Да не бевме ние, сите сега ќе зборувавте германски.“
Зборувајќи за силата на американската војска, Трамп рече дека за непријателите на САД „нема поголем страв од американската војска“.
„Имаме најголема сила во светот, поголема од кој било друг на Земјата“, рече тој.
Додаде дека како претседател, му е посебна чест да им се заблагодари на сите што служеле во војската.
Трамп објави дека ќе ги врати оригиналните имиња на голем број американски воени бази кои беа преименувани во последните години.
Европа
Зеленски за поддршката на Орбан за Русија: Тоа е историска грешка

Украинскиот претседател Володимир Зеленски ги опиша антиукраинските политики и пораки на десничарскиот унгарски премиер Виктор Орбан како „историска грешка“.
Во интервју за унгарскиот медиум „Валас онлајн“ објавено денес, Зеленски го обвини Орбан дека користи пропаганда против Украина за свои домашни политички цели.
„Тој ја користи Украина за свои изборни цели“, рече украинскиот претседател. „Тој не разбира дека ова ќе има многу посериозни и поопасни последици. Со тоа што не ни помага, му прави услуга на Путин. Затоа реков дека Виктор прави сериозна, историска грешка“.
Со недели, владата на Орбан води кампања со транспаренти против помошта за Украина и против пристапувањето на земјата во Европската Унија. Главната порака на кампањата е дека помошта за Украина ќе ја вовлече Унгарија во војна и ќе ја оштети економијата.
На транспарентите се прикажани и портрети на Зеленски. „Како може да го користи моето лице за своите избори? Не му дадов дозвола да го стори тоа“, рече Зеленски.
Зеленски потсети дека во мај оваа година, Безбедносната служба на Украина (СБУ) уапсила двајца Украинци од унгарска етничка припадност осомничени за шпионажа за унгарската воена разузнавачка служба KNBSZ. Тој рече дека се пронајдени докази кои не се објавени јавно.
Како одговор, Унгарија уапси шпион за кој се тврди дека работи за Украина, а кој е близок до лидерот на унгарската опозиција, Петер Маѓар.
Унгарскиот министер за надворешни работи, Петер Сијарто, ги отфрли критиките, потврдувајќи дека политиката кон Украина ќе биде централно прашање на унгарските парламентарни избори во 2026 година.
Зеленски сака „марионетарна влада“ во Унгарија која ќе испраќа пари, војници и оружје во Украина и ќе „ја поддржува самата војна“, рече Сијарто, според унгарската новинска агенција МТИ.
„Парламентарните избори во 2026 година ќе бидат за тоа дали Унгарија ќе има воено настроена, проукраинска марионетска влада или национална влада која го поддржува мирот и дистанцата на Унгарија од војна“, рече тој.
Унгарија, земја членка на ЕУ и НАТО, треба да одржи парламентарни избори на почетокот на 2026 година. Орбан, кој е на власт од 2010 година, е под притисок бидејќи новата унгарска конзервативна партија на Маѓар, Тиса, води на анкетите.
Европа
Макрон: Ќе ги забраниме социјалните мрежи за лица под 15 години

Францускиот претседател Емануел Макрон во понеделник изјави дека земјата ќе ги забрани социјалните медиуми за деца под 15 години во рок од „неколку месеци“ доколку тоа не се направи на ниво на Европската Унија, објави „Еуроњуз“.
„Мора да ги забраниме социјалните медиуми за лицата под 15 години“, изјави Макрон за „Франс 2“ откако 14-годишен ученик избоде член на персоналот на влезот во средно училиште.
„Давам неколку месеци да започнеме европска иницијатива. Во спротивно… ќе почнеме да го правиме тоа во Франција. Едвај чекаме“, рече тој.
Ученик смртоносно избодел член на училишниот персонал за време на рутинска проверка на чанти во основно училиште во источна Франција, потврдија официјални лица. Тинејџерот бил уапсен на местото на настанот.
Полицискиот службеник кој помогнал во проверката на торбите бил полесно повреден при апсењето на осомничениот, кој го користел истиот нож во двата напади, според Националната полиција. Не е јасно дали нападот е поврзан со нешто што студентот го видел на социјалните мрежи, пренесува „Еуроњуз“.