Свет
Ќе се лекува кој прв ќе стигне
Болните од рак, пациентите со леукемија и сите оние кое се лекуваат од други малигни заболувања ќе останат без лекови.
СУРОВИ РЕФОРМИ
Според проектираниот буџет за догодина на најголемата здравствена установа во земјава – Клиничкиот центар ќе нема пари за потребните операции, па на хируршки стол ќе легне само оној што ќе го фати редот, што значи дека дека интервенции без пари ќе до
Болните од рак, пациентите со леукемија и сите оние кое се лекуваат од други малигни заболувања ќе останат без лекови. Пари ќе нема ниту за потребните операции, па на хируршки стол ќе легне само оној што ќе го фати редот. Тоа значи дека интервенции без пари ќе добијат само оние осигуреници кои, за жал, ќе се разболат меѓу првите, додека државата дава пари. Така на пример на Клиниката за очни болести за догодина е предвидено, согласно парите што ќе ги добие болницата, да може да се направат само 15 операции на перде. Оној пациент кој ќе стигне 16 ќе мора сам да си плати или за да помине само со плаќање партиципација ќе треба да ја чека наредната година.
Според проектираниот буџет за догодина на најголемата здравствена установа во земјава – Клиничкиот центар пари едвам ќе има за плати на вработените, тешко дека ќе се купат и основните лекарства, а за некаква инвестиција или реконструкција и не станува збор. Државна за некој месец ќе треба на сите 30-тина клиники да им подели за 2006 година околу 3 милијарди денари или 50 милиони евра. Со тие средства болниците ќе треба да исплаќаат плати на вработените, да купуваат лекови, потрошен медицински материјал, да применуваат најмодерни техники на операции.
” Проекторите на новиот , во споредба со овогодинешниот го намалиле буџетот за најмалку 30 проценти. Тоа е ужас, ако се земе в предвид дека и овие пари едвам стасуваа за основните потреби. Буџетот за 2006 година е правен без никаква претходна анализа или контрола на теренот. Зборуваат дека го зеле просекот од 2004 година, што е бесмислено, оти таа година е нереална, од причина што она што го бараа клиниките никогаш не го добиваа и работеа само со половина од потребното. Сега кога и тоа е скратено, кој знае што ќе се случува по ходниците на Државна”, коментираат лекари од Клиничкиот центар.
Паника за намалување на парите веќе почнала да ги фаќа голем дел од лекарите по болниците, кои за да се спремат за новите услови веќе добиле упатства за враќање пациенти.
„ Добивме упатства за селективно однесување кон болните. Тоа значи дека лекарот, односно медицинското лице има право од амбуланта да врати пациент со полесна дијагноза. Доколку лекарот оцени дека за таа болест може да се погрижи и друг негов колега од понизок ранг, тогаш слободно може да не го прими болниот на преглед. Не фаќа страв како на тоа ќе реагираат сите, но посебно пациентите од внатрешноста кои спасот го гледаат тука, кај нас. Секој ден очекуваме некој инцидент со некој револтиран пациент”, велат вработените од Очната клиника.
Во оваа болница во моментов нема обични капки за очи, на Хирургија нема завои и конци, во клиничките лаборатории одамна не се прават над 80 отсто од неопходните анализи…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелците со тенк убија пет свои војници во Газа
Петмина израелски војници загинаа во пријателски оган во северниот дел на Појасот Газа, а тројца се тешко ранети, соопштија израелските одбранбени сили.
Според израелските медиуми, војниците загинале вчера во пријателски оган од израелски тенкови за време на судирите со милитантите на Хамас.
Извештаите велат дека тенк удрил во зграда во бегалскиот камп Џабалија каде што биле сместени војници.
Според податоците на израелската армија, од почетокот на војната во Газа, во борбите загинале 626 војници, а околу 3.500 се ранети.
Свет
Тинејџер исчезна во Алжир во 1998 година, по 26 години пронајден е жив во шталата на соседот
Алжирецот кој исчезнал пред 26 години бил пронајден во шталата на соседот, на само неколку минути пешачење, објави оваа недела Министерството за правда на земјата.
Човекот, идентификуван само како Омар Б., исчезнал на 19-годишна возраст, за време на граѓанската војна во Алжир во 1998 година, а неговото семејство претпоставувало дека бил киднапиран или убиен, пренесува „Си-би-ес“.
Сега, на 45-годишна возраст, тој бил пронајден меѓу стоговите сено на само околу 200 метри, откако братот на киднаперот се пожалил на социјалните мрежи за спор околу наследството.
Алжирските медиуми објавија дека кога членовите на семејството почнале да ја пребаруваат куќата на осомничениот, тој станал напнат кога се приближиле до стогот сено и на крајот го пронашле Омар Б. како седи под него во тишина.
Соседот (61) на семејството на Омар е приведен откако се обидел да избега, соопшти Министерството. Алжирските медиуми објавија дека жртвата изјавила дека не можел да повика помош „поради магијата што ја фрлил врз него неговиот киднапер“.
Киднаперот на тинејџерот е обвинет и дека го убил своето куче со отров, јавуваат алжирските медиуми.
Министерството соопшти дека истрагата се уште е во тек, додавајќи дека мажот добил медицинска и психолошка нега по злосторството, кое беше опишано како грозоморно.
Алжирските медиуми објавија дека мажот бил прегледан од лекар и префрлен во специјално психолошко одделение.
Свет
Заздравувањето на Фицо е доведено во прашање, на напаѓачот му пречела и владината политика кон Украина
Здравјето на словачкиот премиер Роберт Фиц се уште е тешко и рано е да се каже дали ќе закрепне, изјави неговиот заменик Роберт Калинак, ден по атентатот што ја шокираше Европа.
„За жал, сè уште не можам да кажам дека победуваме во напорите да го спасиме животот на Фиц, ниту дека прогнозите се позитивни бидејќи последиците од повредите предизвикани од четирите прострелни рани се такви што одговорот на телото на нив ќе продолжи да биде многу тежок“, рече Калинак.
Миријам Лапуникова, директорка на Универзитетската болница Рузвелт во Банска Бистрица, каде што се лекува премиерот Фицо, рече дека 59-годишниот премиер бил подложен на петчасовна операција во која учествувале два медицински тима за да ги санираат повеќете прострелни рани.
„Во овој момент успеавме да ја стабилизираме неговата состојба, но сепак е многу сериозна. Тој ќе биде задржан на интензивна нега“, изјави таа за новинарите.
Министерот за внатрешни работи Матус Сутај Есток на прес-конференција рече дека напаѓачот кого полицијата го товари за обид за убиство, дејствувал сам и дека претходно учествувал во антивладини протести.
„Станува збор за волк-самотник кој се радикализирал неодамна, во периодот по претседателските избори одржани во април“, изјави Сутај Есток.
„Како причини за нападот осомничениот ја наведе политиката на владата кон Украина, плановите за реформа на јавниот сервис и распуштањето на специјалното обвинителство“, рече министерот за внатрешни работи.
Словачки експерти во средата ги критикуваа безбедносните мерки преземени за заштита на премиерот по обидот за атентат врз Фиц.
„Самиот Фицо пред неколку недели зборуваше за опасностите од пукање врз политичарите“, изјави поранешниот началник на словачката полиција Стефан Хамран за весникот „Денник Н“ во четвртокот.
Тој се запраша кој ја анализирал потенцијалната опасност и ја проценил заканата. Хамран ја критикуваше реакцијата на телохранителите по пукањето.
Поранешниот шеф на словачката единица за обезбедување на заштитени лица, Јурај Забојник, исто така ги критикуваше телохранителите на премиерот.