Свет
Затајувачите плаќаат данок и ги кодошат соработниците
Отворени се над 100 истражни постапки против затајувачите, а веќе за наредниот месец се очекува да паднат и првите судски пресуди
Државниот јавен обвинител е задоволен од истрагата и расветлувањето на случаите во пирамидата
Отворени се над 100 истражни постапки против затајувачите, а веќе за наредниот месец се очекува да паднат и првите судски пресуди
НИНА НИНЕСКА-ФИДАНОСКА
“Не е точно дека спласнала работата околу големите даночни пирамиди. Напротив, голем дел од случаите се расветлуваат, а истрагата околу овој даночен криминал тече многу успешно”. Вака вчера за „Утрински весник” државниот јавен обвинител, Александар Прчевски, ги коментираше тврдењата кои сў погласно можат да се слушнат во јавноста, а се на линија дека на површина нема да испливаат конкретни резултати од овој мегаданочен скандал, кој беше објавен на големи врати пред неколку месеци. Тоа создаде впечаток дека првичниот бум полека стивнува, а јавноста никогаш нема да биде „почестена” со имињата на крупните риби кои ја изигрувале државата.
Според Прчевски, моментално Обвинителството работи на огромен број предмети од даночниот криминал. Сега во фокусот на вниманието е втората пирамидална шема, која беше објавена пред околу еден месец, а донесе 50-ина нови кривични пријави, тешки околу 17 милиони евра.
„Во Обвинителството се работи интензивно на овие предмети. Сега сме во фаза на вештачење на доказните материјали кои ги имаме на располагање против затајувачите. Имаме одлична соработка со другите државни органи надлежни за овој вид криминал”, тврди државниот јавен обвинител.
Неофицијални извори велат дека голем дел од бизнисмените кои сега се под истрага, веќе се третираат или наскоро ќе добијат третман на соработници на правдата. Тоа значи дека кога биле фатени во тесно, а со цел да ја спасат сопствената глава, на даночните затајувачи воопшто не им пречело да ги кодошат своите доскорешни компањони, оние со кои до пред неколку месеци заедно ја „краделе” државната каса. Токму тоа во голема мера ја олеснувало истрагата, односно се добивале информации за откривање нови играчи вплеткани во даночниот криминал.
Прчевски е задоволен од она што досега го сработиле државните институции. Иако не се поведени обвиненија, отворени се над 100 истраги, за кои во моментов течат истражните постапки.
Државниот јавен обвинител е оптимист дека веќе наредниот месец ќе „падне” и првата судска пресуда против некои од оние што прикривале данок.
Како успех во битката против даночниот криминал, Прчевски го наведува фактот државата досега успеала да наплати дури 90 отсто од затаените даноци, од кои средствата веќе се слеале во националната каса. Тоа значи дека речиси сите оние што биле фатени во овој скандал веднаш потрчале да си го платат данокот. Инаку, од досега објавените официјални податоци од државните органи, првата пирамида тежеше околу три милиони евра, додека втората, пак, на која се работи моментално, изнесуваше многу повеќе, односно околу 17 милиони евра.
Сепак, јавниот обвинител ни вчера не сакаше да открие барем дел од имињата што ќе одговараат за даночно затајување. Тие ќе се знаат кога ќе бидат изречени судските пресуди против сторителите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Невреме и обилни врнежи во Србија: пет воспитувачки евакуирани од градинка, во Суботица избувнал пожар по удар на гром
Припадници на Секторот за вонредни состојби при две интервенции евакуирале 10 лица поради невреме и обилни врнежи во Србија.
Како што е наведено во соопштението на српската полиција, пет воспитувачки биле евакуирани од градинка.
Во соопштението се наведува дека 57 пожарникари-спасувачи со 26 возила и 12 пумпи биле ангажирани во 11 операции за испумпување на вода во Врање, Лесковац и Мионица и во гаснење пожари по удар на гром во Суботица и Врање.
Пожарникарите-спасувачи им помагаат на граѓаните и во отстранувањето на паднатите дрвја во Заечар, Књажевац, Ужице, Чачак и Лесковац, како и отстранување на делови од лимени покривни конструкции пишуваат српските медиуми.
„Во моментов службените лица се ангажирани во Лесковац за отстранување на паднато дрво зад Центарот за култура, како и во Лазаревац за отстранување на паднатите дрвја и за испумпување на вода од домаќинствата во Лазаревац и Крушевац“, се наведува во соопштението.
Свет
(Видео) Судар меѓу автобус и воз во Словачка: има загинати и повредени, локомотивата се запалила по несреќата
Најмалку четири лица загинаа денеска, а пет се повредени во судир на автобус и воз на железнички премин кај градот Нова Замка, во реонот на Нитра, соопшти Оперативниот центар за итна медицинска помош.
🚨Another serious accident on the railway. This time in Slovakia, where an EC train from Budapest to Prague collided with a bus at a level crossing near Nové Zámky this afternoon.
Video source:
Facebook/katarina.molnarova.37 pic.twitter.com/hTdFhAVs6N— Czech Rail Guide (@CzechRailGuide) June 27, 2024
На местото на несреќата биле испратени пет возила на брза помош и два хеликоптери, јави „ТАСР“.
Според портпаролот на сопственикот на железничката инфраструктура ЖСР Владимир Бахилов, несреќата се случила нешто по 17:00 часот на железнички премин опремен со бариери и светлосна сигнализација.
Свет
Големо невреме во Словачка: поплавени улици, дрва паднаа врз куќи
Невремето и обилните врнежи предизвикаа хаос и голема материјална штета во Словачка во средата, објавија денеска словачките власти.
Окружната болница мораше да биде затворена поради поплави, многу патишта беа поплавени, а железничкиот сообраќај беше во прекин.
Дрва паднаа врз куќи, искршија градини и игралишта, јави тв станицата „ТА3“. На некои места за само неколку часа падна дожд како за еден месец.
Метеоролошката служба предупреди за денеска дека доаѓа ново невреме со обилни врнежи.
„Штетите на јавниот и приватниот имот се многу големи“, изјави градоначалникот на Нитра за агенцијата ТАСР. „Но, барем можам да кажам дека досега нема жртви и цврсто верувам дека така и ќе остане.
Пожарникарите најавија дека канализацијата во Нитра не може да се справи со големото количество дожд.
Поради ова поплавени биле улици, подруми и пониски делови од згради во градот и околните населени места.
Понатаму на југ, поплавите парализирале болница на околу 100 километри од Братислава. Пристапот до посетители и нови пациенти бил забранет и сите операции биле откажани.