Свет
Законот направен по мера на дилерите на дрога
Само дилерите на дрога ќе можат да ја избегнат казната затвор со тоа што ќе ја платат. Сиромашниот народ ќе лежи во затвор и за најмал прекршок оти ќе нема пари за да плати казна од две илјади денари.
Мери Јордановска
Само дилерите на дрога ќе можат да ја избегнат казната затвор со тоа што ќе ја платат. Сиромашниот народ ќе лежи во затвор и за најмал прекршок оти ќе нема пари за да плати казна од две илјади денари.
Вака професорот по кривично право Ѓорѓи Марјановиќ ги коментира новините во Законот за кривична постапка, кои предвидуваат затворската казна од една година да може да се замени со парична.
– Луѓето одат во затвор и тогаш кога треба да платат казна од две до три илјади денари оти немаат пари. Смислата на законот е да се растоварат затворите, но со ова што го направија само ги ослободија дилерите на дрога, затоа што само тие ќе имаат пари за да ја откупат затворската казна – вели Марјановиќ.
Судиите од Апелацискиот суд деновиве интензивно ги разгледуваат дополнувањата во кривичниот закон, бидејќи тие ќе бидат надлежни да одлучат дали обвинетиот ги исполнува условите за да плати казна а да не оди во затвор. Извори од судот велат дека законот се уште не им е целосно јасен, но дека едвај 0,3 отсто од обвинетите би можеле да си дозволат да ја отплатат затворската казна.
– Цената за откуп на затворската казна е многу висока, бидејќи една глоба изнесува најмалку 20 евра дневно. Во законот се вели дека дневните глоби не може да бидат помали од 50, што значи дека дневно осудениот ќе треба да плаќа по 1.000 евра. Глобите се користеа само во Словенија, но и таму полека се напуштаат – велат извори од Апелацискиот суд.
Од овие причини, на судиите им е нејасно за која категорија граѓани се воведува законот, кога само најбогатите ќе можат да платат 90.000 евра за да избегнат тримесечна казна затвор.
Професорот по кривично право Владо Камбовски го критикува законот и вели дека тој би го направил уште поостар.
– На советувањето во Охрид ги изложивме забелешките за законот и сметаме дека е неспроведлив и нејасен. Мислам дека треба да се измени и да се вметне нова одредба според која еден ден затвор ќе може да се заменува со една просечна плата. Па тогаш кој има да плати, нека плати – вели Камбовски.
Меѓу правните експерти се шпекулира дека законот бил донесен за да се амнестираат пирамидалните затајувачи, кои наместо да одлежат казна затвор, едноставно ќе ја платат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ го посети повредениот полицаец, му честиташе за неговата смиреност и храброст
Претседателот на Србија, Александар Вучиќ денеска го посети повредениот припадник на Жандармеријата Милош Јевремовиќ (34), кој откако беше ранет од самострел, беше опериран и е во стабилна состојба.
„Пресреќен сум што Јевремовиќ Милош се чувствува добро по операцијата. Му честитав на Милош за неговата извонредна храброст, неговата смиреност и успешно завршената задача во борбата со терористот. Србија нема да има милост кон терористите“, напиша Вучиќ на фотографијата со ранетиот полицаец.
„Им честитам на командирите и на сите во полициските сили за исклучителното однесување на Милош Јевремовиќ, ќе му се оддаде почест штом ќе ја напушти болницата. Важно е што нашиот херој Милош е жив и здрав, покажа како треба да се реагира во таков момент“, изјави претседателот на Србија.
Непознато лице денес со самострел тешко го рани припадникот на жандармеријата кој бил на должност да ја обезбедува израелската амбасада.
Припадникот на жандармеријата употребил оружје во самоодбрана и го победил напаѓачот, кој од здобиените повреди починал.
Министерот за внатрешни работи на Србија Ивица Дачиќ изјави дека во Белград е уапсено уште едно лице под сомнение за терористичко здружување.
„Во Белград е уапсено уште едно лице осомничено за терористичко здружување. Станува збор за лице од Белград, родено 1999 година, кое веќе беше уапсено пред две години бидејќи бил администратор на неколку милитантни групи на Интернет кои повикувале на џихад“, соопшти Дачиќ.
Тој објасни дека случајот против него и понатаму се води, а тој е пуштен од притвор.
Регион
Голем шумски пожар на планина во северниот дел на областа Атика
Голем шумски пожар избувна на планината Парнита во северниот дел на областа Атика, поширокиот регион на Атина. Интервенираат противпожарни сили од копно и воздух, а силниот ветер дополнително го отежнува гаснењето, додека пак, иако пожарот е во планински дел, сепак од бројот 112 за итни случаи е испратена порака до жителите на околните населени места да бидат во состојба на готовност за евентуална евакуација.
Во гаснењето помагаат волонтери, цистерни и камиони од периферијата Атика и војската.
Планината Парнита беше зафатена од големи пожари лани во август, како и во текот на летото во 2021 година.
Регион
Непознато лице тешко рани припадник на жандармеријата пред израелската амбасада во Белград
Непознато лице, чиј идентитет се утврдува, со самострел тешко ранил припадник на жандармеријата кој бил на должност да ја обезбедува израелската амбасада.
Вицепремиерот на Србија и министер за внатрешни работи Ивица Дачиќ го посети повреден припадник на Жандармеријата. Дачиќ претходно изјави дека неидентификувано лице, чиј идентитет се утврдува, денеска околу 11 часот пукал со самострел во припадник на жандармеријата и го ранил во вратот.
Припадникот на жандармеријата М.Ј. (1990) употребил оружје во самоодбрана и го победил напаѓачот, кој од здобиените повреди починал.
„Специјалното обвинителство го презеде случајот, иако идентитетот на лицето не е утврден, но нема сомнеж дека се работи за терористички акт насочен и против државата Србија и против припадниците на Жандармеријата. Дали поединец делувал сам или групно ќе дознаеме наскоро… Превентивно уапсивме други лица кои беа во близина на полицискиот објекти. Некои сомнежи се веќе присутни и има индиции дека се работи за луѓе кои се познати на безбедносните служби и се работи за вахабистичко движење, но тоа не е потврдена информација. Ги зајакнавме сите безбедносни мерки во градот. Напаѓачот имал и нож. Заклучокот е дека станува збор за терористички напад во кој се вклучени лица кои имаат врски со вахабистичкото движење“, рече министерот Дачиќ.