Свет
Масовни демонстрации во Франција

Синдикатите во Франција денеска организираат генерален штрајк и демонстрации поради лошата економска политика на Владата
Синдикатите во Франција денеска организираат генерален штрајк и демонстрации поради лошата економска политика на Владата.
Синдикалците очекуваат голем одѕив како резултат на напнатоста што се повеќе се зголемува во државата.
Според очекувањата, на вработените во јавните претпријатија ќе им се приклучат и голем број вработени во приватниот сектор.
Синдикатите, преку протестите, сакаат да извршат притисок врз претседателот Никола Саркози, кој изјави дека “нема да презема нови мерки во борба против кризата“.
Клучни сектори од кои се очекува одѕив се училиштата, болниците, поштата и јавниот превоз.
Некои од синдикалните барања се зголемување на најниските плати, повeќе мерки за заштита на работните места, зголемување на данокот за оние со големи примања и запирање на планираното укинување на работните места во јавниот сектор.
Штрајкот во сообраќајот започна синоќа, но службите во јавниот сектор не очекуваат запирање на автобусите и линиите на метро во центарот на градот, туку само линиите кои возат во предградието на Париз./крај/ме/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Макрон: Нема разговори за прекин на воената помош за Украина за време на прекинот на огнот

Францускиот претседател Емануел Макрон јасно стави до знаење дека Франција нема да се согласи да ја суспендира воената помош за Украина, дури ни за време на евентуално 30-дневно примирје.
„Нема предуслови. Испораките на оружје за одбрана и отпор на Украина нема да престанат“, рече Макрон, обраќајќи се до претседателот Володимир Зеленски.
Тој додаде дека доколку Русија не се придржува до предложеното примирје, таа мора да ги сноси последиците. „Во тој случај, ќе следат нови, посилни санкции и дополнителна поддршка за Украина. Треба да подготвиме нов пакет санкции – тоа не смее да биде рутинска мерка, туку нешто многу порешително“, нагласи тој.
Макрон претходно беше прашан што ќе сторат Украина и нејзините сојузници доколку Русија побара прекин на воената помош како услов за прекин на огнот. Кремљ повеќе пати ја отфрли идејата за едномесечно примирје, тврдејќи дека Западот ќе го искористи за дополнително вооружување на Украина.
Европа
Кремљ: Изјавите на европските земји се контрадикторни и конфронтирачки

Кремљ ги обвини европските земји за давање контрадикторни и конфронтирачки изјави, објави новинската агенција Интерфакс, откако европските лидери го поддржаа американскиот план за 30-дневен прекин на огнот во Украина и ѝ се заканија на Русија со „масовни“ санкции доколку не го почитува договорот.
„Слушаме многу контрадикторни изјави од Европа. Тие генерално се од конфронтациска природа и не се насочени кон обид за обновување на нашите односи. Ништо повеќе од тоа“, изјави портпаролот на Кремљ, Дмитриј Песков, според Интерфакс.
Европа
Зеленски: Имаме добар договор со Америка, помошта не запира

Украинскиот претседател Володимир Зеленски изјави дека Киев и САД постигнале „многу добар договор“ за продолжување на воената соработка. „Можеме да сметаме на американска поддршка, не само од владата, туку и од приватниот сектор“, рече тој.
Тој особено ја истакна улогата на поранешниот претседател Доналд Трамп.
„Трамп не ја запре испораката на воена помош или размената на разузнавачки информации, што е клучно за одбраната на нашето небо. Тој не ги укина санкциите против Русија. Веруваме дека тој ќе продолжи да ја поддржува Украина.“