Свет
Над 500 планирани терористички напади, лани, во ЕУ

Вкупно 515 терористички напади биле преземени или планирани во државите на Унијата во 2008 година, соопшти Еуропол
во 2008 година, соопшти Агенцијата за спроведување на законот Еуропол.
“Заканата од исламистички, како и етно-националистички и сепаратистички тероризам до државите-членки на ЕУ, останува висока“, изјави синоќа заменикот-директор на Еуропол Мариано Симанкас.
Тој додаде дека агенциите за спроведување на законот мора и натаму да се подготвени со цел да превенираат и да се обидат да ги разбијат терористичките групи и структури.
Вкупно 397 од нападите биле сепаратистички движења, од кои 97 проценти се одвивале во Шпанија и Франција.
Во 2008 година, четири лица, загинаа во државите на ЕУ како резултат на терористички напади што ги преземала басиската сепаратистичка група ЕТА во Шпанија, наведува Еурoпол.
Франција се соочува со корзиканскиот сепаратистички тероризам, додека во Грција, употребата на насилство од страна на групата Револуционерна борба, ескалира.
Ирскиот национализам и натаму предизвикува загриженост со убиството на двајца британски војници и полицаец, годинава, од страна на различни групи што произлегоа од ИРА, соопшти Еуропол./крај/ео/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Елина Валтонен: Финска ќе биде дел од коалицијата да и пружи помош на Украина

Финска дефинитивно ќе биде дел од секоја коалиција што може да помогне во поддршката на безбедноста на Украина, изјави денеска финската министерка за надворешни работи Елина Валтонен за британскиот Радио Тајмс.
„Дефинитивно сме дел од коалицијата на подготвените и го разгледуваме збирот ресурси и способности што треба да ги донесеме на маса за да и помогнеме на Украина да ја обезбеди својата безбедност“, рече таа, според Ројтерс.
Како што истакна таа, мора да се обезбеди и остатокот од Европа.
Свет
Брисел: Почестени сме од желбата на Канаѓаните да влезат во ЕУ, но тоа не е остварливо

Брисел е почестен од резултатите од истражувањето кое покажа интерес на Канаѓаните за влез во Европската унија, изјави денеска Пола Пињо, портпарол на претседателката на Европската комисија Урсула фон дер Лајен, но нагласи дека идејата не е остварлива.
Истражувањето, спроведено на крајот на февруари од истражувачката компанија „Абакус Дата“, покажа дека 44 отсто од канадските испитаници веруваат дека нивната земја треба да се приклучи на ЕУ, додека само 34 отсто се против идејата, објави Политико.
Прашањето за општа поддршка за пристапување во европскиот блок наиде на одобрување од 46 отсто од испитаниците.
Свет
Поранешен советник на Путин: Русија стравува од едно сценарио во прекинот на огнот

Владимир Путин најверојатно планира да одговори на предлогот за прекин на огнот со свое барање, изјави неговиот поранешен советник Сергеј Марков.
Зборувајќи за SkyNews, Марков рече: „Русија стравува дека периодот на прекин на огнот ќе се искористи за целосна милитаризација на украинското општество од страна на НАТО“.
Поради ова, тврди тој, Путин најверојатно ќе бара ембарго за испорака на оружје на украинската армија од други земји.
Но, кога еден новинар го прашал за можноста за испраќање мировници од европските земји, Марков се насмеал.
„Британските и француските трупи се дел од војната“, рече тој, додавајќи дека мировниците обично се од неутрални земји.
„Сите војници од европските земји би се сметале за окупатори, а руските војници би ги убиле сите бидејќи дошле да ја ослободат Украина.
Тензиите се зголемија кога беше прашан дали Русија ќе ги смета британските мировници за непријатели и учесници во војната.
„Да, затоа што Британија е учесник во војната“, одговори Марков, мислејќи на воената помош што Обединетото Кралство и ја дава на Украина.