Двајца мажи и една жена се уапсени денеска, откако ранија полицаец во центарот на Игало во Црна Гора.

Инцидентот се случил околу 13.30 часот кога врз полицаец со огнено оружје пукало едно од трите лица од Косово, кои се приведени бидејќи не поседувале документи за идентификација, пренесе „Вјести“.

Службеникот М.Л, припадник на граничната полиција, се здобил повреди опасни по живот, а за време на апсењето на осомничените еден од нив е повреден.

Најмалку 10 лица загинаа во пожар во фабрика во близина на Дака, што е втора ваква несреќа во Бангладеш за помалку од една недела.

Пожарот избувна во вечерните часови во фабрика за вентилатори во областа Газипур во Дака. Десетте тела биле извлечени откако пожарникарите го ставиле огнот под контрола, рече началникот на прптивпожарната служба, Мамунур Рашид.

Неколку лица се повредени, додаде тој, пренесува „АП“.

Не е познато колку работници имало во фабриката за време на избувнувањето на огнот, ниту причините за пожарот.

Во пожар во фабрика во близина на Дака во средата загинаа најмалку 15 лица.

„Сараево сити центар“ е евакуиран поради дојава за поставена бомба, соопшти Оперативниот центар при Министерството за внатрешни работи во БиХ.

Дојавата за поставена бомба во трговскиот центар телефонски е упатена во 16.55 часот, по што припадниците на полициската управа на Кантонот Сараево почнале со претрага, пренесе „Клих“.

„По дојавата за поставена бомба, објектот е евакуиран за да се изврши КДЗ преглед, што е дел од вообичаената процедура“, се наведува во соопштението и се додава дека прегледите почнале од последниот кат на кој имало многу посетители.