Свет
Ахмадинеџат победник на иранските претседателси избори

Актуелниот ирански претседател Махмуд Ахмадинеџад, е победник на претседателските избори со освоени 64,8 проценти од гласовите
Актуелниот ирански претседател Махмуд Ахмадинеџад, е победник на претседателските избори со освоени 64,8 проценти од гласовите.
Ова го објави иранското министерство за внатрешни работи, по пребројани 32 од 37 милиони гласови.
Противкандидатот на Ахмадинеџад, реформистот Мир Хосеин Мусави, освои 32 проценти од гласовите, што е изненадувачки резултат за аналитичарите, кои не очекуваа толку голема разлика во освоените гласови меѓу Ахмадинеџад и Мусави.
Мусави ја обвини владата дека манипулира со пребројаните гласови, како и дека на избирачките места немало доволно гласачки ливчиња, а на дел д луѓето им било оневозможено да гласаат.
Аналитичарите за сега не можат да предвидат каква ќе биде реакцијата на приврзаниците на Мусави, но полицијата веќе ќе засили безбедносните мерки во Техеран, каде забрани масовни собирања.
Мусави беше фаворити на Западот, бидејќи се сметаше дека со него полесно ќе се решеше иранското нуклеарно прашање, како и напнатите односи со Израел. /крај/хр/мс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сијарто: Унгарија нема да го поддржи пристапувањето на Украина во ЕУ

Унгарскиот министер за надворешни работи Петер Сијарто денес изјави дека Унгарија нема да го поддржи пристапувањето на Украина во Европската Унија без оглед на, како што изјави, заканите на украинскиот претседател Володимир Зеленски.
Коментирајќи го говорот на Зеленски на состанокот на амбасадорите претходниот ден, Сијарто на прес-конференцијата рече дека украинскиот претседател одржува „непријателски став кон Унгарија, и унгарската нација“, пренесува МТИ.
„Јасно е дека тој се однесува кон Унгарија и Унгарците како кон непријатели“, рече Сијарто.
Регион
(Видео) Голем пожар во Грција: наредена итна евакуација

Поради големиот шумски пожар што избувна денес во Грција, властите на таа земја наредија евакуација на неколку села западно од Атина, објави противпожарната служба, пренесуваат медиумите во регионот.
Повеќе од 180 пожарникари, 15 авиони и 12 хеликоптери се вклучени во гаснењето на шумскиот пожар што ја зафати боровата шума во планините во близина на Коринт, пренесува АП.
Massive fire in Corinthia Greece . Villages evacuted.
Seen firefighters battle major blaze today.
115 firefighters including three commandos unit, with 25 aircraft assisting . pic.twitter.com/5X4DECwXUp— Samiran Datta (@SamiranDatta5) July 22, 2025
Временските услови се особено тешки за пожарникарите, со оглед на тоа што Грција беше погодена од топлотен бран што донесе температури до 40 степени Целзиусови во многу делови од земјата.
Порано денес, противпожарен хеликоптер се урна во морето и потона додека се обидуваше да се наполни со вода за да се справи со друг пожар во близина на Атина.
Тројца членови на екипажот на хеликоптерот беа спасени и однесени во болница, според написите.
Фото: принтскрин
Свет
Почина Ози Озборн: легендата на хеви металот и фронтмен на групата Блек Сабат

Британската хеви метал легенда Ози Озборн, фронтмен на бендот Блек Сабат, почина на 76-годишна возраст, соопшти денес неговото семејство.
„Со неопислива тага мораме да објавиме дека нашиот сакан Ози Озборн почина утрово. Тој беше опкружен со семејство и љубов“, напишаа неговата сопруга Шерон и децата, објавија медиумите.
Пејачот, кој го доби прекарот „Принц на темнината“, страдаше од Паркинсонова болест неколку години.
Озборн, чие вистинско име беше Џон Мајкл Осборн, беше вокалист на хеви метал бендот „Блек Сабат“ по заминувањето на големиот Рони Џејмс Дио, тогаш популарен соло музичар.
Од 2002 година, тој е ѕвезда на реалното шоу „Озборнови“, кое прикажува секојдневни сцени од животот на неговото семејство.
Фото: принтскрин