Свет
Наркобосот Влада Тот од Скопје осуден на седум години затвор
Македонскиот државјанин Владимир Тотовски-Тот (70) од Скопје, водач на криминална група, која во импровизирана фабрика произвела скоро милион таблети амфетамин, завчера бил осуден на седум години затвор
ВО СРБИЈА И ЦРНА ГОРА
Македонскиот државјанин Владимир Тотовски-Тот (70) од Скопје, водач на криминална група, која во импровизирана фабрика произвела скоро милион таблети амфетамин, завчера бил осуден на седум години затвор. Пресудата ја изрекол Специјалниот суд за борба против организираниот криминал во Белград. Ова била прва пресуда за организирано и масовно производство на дрога изречена од белградскиот Специјален суд.
Судскиот совет, со кој претседавала судијката Маја Ковачевиќ-Томиќ, покрај Тотовски, ги осудил и преостанатите членови на бандата, Мирољуб Савиќ (37) – на четири и пол години затвор, Лука Станковиќ (44) – на четири години и Дејан Димитриевиќ (38) – на две години затвор.
Според образложението на пресудата, Тотовски во 2003 година изнајмил стан на улицата Озренска во Белград, каде што сместил машини и суровини за производство на таблети амфетамини.
Станковиќ бил хемиски техничар, задолжен за подготовка на смесата од која се правела дрогата, а Савиќ ги одржувал машините.
Групата до јануари минатата година, кога била уапсена, произвела околу 150 килограми дрога, од кои биле направени 900.000 таблети.
Вредноста на околу 9.500 таблети, кои биле запленети при полициската рација во фабриката, заедно со машините за производство на дрогата, бола околу 100.000 евра.
Најмногу таблети Тот однел во Македонија, од каде што подоцна се префрлувале во трети земји.
Судскиот совет не ја прифатил одбраната на обвинетите, кои тврделе дека не знаеле оти во просториите се произведувала дрога.
Судијката Маја Ковачевиќ-Томиќ изјавила дека Судскиот совет при одредувањето на казната за Тотовски ги имал предвид и неговите години, но и претходната осудуваност.
Скопјанецот Владимир Тотовски-Тот беше уапсен во јануари минатата година во Бугарија. Тој во мај беше екстрадиран од Бугарија во Србија и Црна Гора. Тотовски го уапси бугарската гранична полиција, на 24 март минатата година, при влез во Бугарија, на граничниот премин Ѓуешево.
Српското Министерство за внатрешни работи на 5 февруари минатата година распишало потерница по Тотовски, кој се барал за производство и за трговија на дрога. Екстрадицијата била извршена по налог на бугарскиот Основен суд во Ќустендил, од 19 мај 2004 година.
Управата за борба против организираниот криминал на српското МВР во јануари минатата година во центарот на Белград ја открила фабриката за производство на дрога, која била сопственост на Тотовски. Полицијата ја открила наркогрупата кога обвинетиот Савиќ му продал околу 12.500 таблети на Димитриевиќ, кој подоцна планирал да ги продаде за по 60 центи за таблета.
Дрогата најверојатно била наменета за пазарите на Блискиот Исток.
Според српската полиција, фабриката произведувала таблети амфетамин со втиснато лого “каптагон”.
Според полициски извори, Тотовски најверојатно, освен во Србија, отворил неколку мали фабрики за производство на синтетичка дрога и во другите делови на Балканот. Во македонското МВР велат дека по Тотовски, како сторител на кривично дело, во земјава не е распишана потерница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Се појавија првите снимки од денешната средба: разговорите меѓу САД, Украина и Русија во Абу Даби ќе продолжат утре
Трилатералните разговори меѓу САД, Украина и Русија, што се одржаа денес во Абу Даби, беа оценети како продуктивни и ќе продолжат утре, објави Скај њуз. Оваа информација беше потврдена и од американски и од руски извори.
На социјалната мрежа Икс се појавија и првите снимки од состанокот меѓу Русија, Украина и САД во Абу Даби.
🎥 First footage from the talks between Ukraine, the US and Russia in the UAE pic.twitter.com/ga2LT82r7F
— MAKS 25 🇺🇦👀 (@Maks_NAFO_FELLA) January 23, 2026
Соопштение од Белата куќа
„Денешната трилатерална средба во Абу Даби меѓу САД, Украина и Русија беше продуктивна. Разговорите ќе продолжат утре“, изјави функционер на Белата куќа за американската мрежа NBC News.
Според руската државна новинска агенција ТАСС, страните се согласија и да ги продолжат разговорите утре.
Европа
(Видео) Зеленски: Разговорот веќе се одржа, долго време немало ваков трилатерален состанок
Украинскиот претседател Володимир Зеленски во своето видео обраќање извести за клучните дипломатски напори, ситуацијата на фронтот, енергетската криза и мерките за економска поддршка.
Тој стави посебен акцент на трилатералните разговори за завршување на војната што се водат во Обединетите Арапски Емирати, за кои извести на социјалната мрежа X.
❗️Ukrainian, American, and Russian delegations in the UAE: there has already been a conversation, they are discussing the parameters for ending the war, – Zelenskyy.
“As for the content of the negotiations, it is still too early to draw any conclusions today – we will see how… pic.twitter.com/BOJAI1J653
— 🪖MilitaryNewsUA🇺🇦 (@front_ukrainian) January 23, 2026
„Денес имаме многу задачи, вклучително и оние на нашиот дипломатски тим. Речиси секој час добивам извештаи од украински претставници. Тие моментално се во Обединетите Арапски Емирати, каде што денес се украинската, американската и руската делегација. Разговорот веќе е одржан и беше важен, бидејќи долго време немало таков трилатерален формат на состаноци“, рече тој.
„Тие разговараат за параметрите за завршување на војната. Сега треба да добиеме барем дел од одговорот од Русија. Најважно е што Русија е подготвена да ја заврши оваа војна што самата ја започна. Позициите на Украина се јасни. Јас ја утврдив рамката за дијалогот за нашата делегација. Делегацијата е во постојан контакт со мене. Рустем Умеров, Кирил Буданов, Давид Арахамија и Сергеј Кислиција учествуваат во преговорите“, додаде тој.
„Утре, генерал Хнатов, началник на Генералштабот, како и претставникот на Главната дирекција за разузнавање Скибицки ќе се приклучат на преговорите. Што се однесува до содржината на денешните разговори, сè уште е рано да се извлекуваат заклучоци. Ќе видиме како ќе продолжат разговорите утре и какви ќе бидат резултатите. Потребно е не само Украина да сака да ја заврши оваа војна и да постигне целосна безбедност, туку слична да се појави и во Русија“, рече украинскиот претседател.
Европа
Италијанскиот министер за надворешни работи го критикуваше говорот на Зеленски во Давос
Италијанскиот министер за надворешни работи, Антонио Тајани, ги критикуваше изјавите на украинскиот претседател Володимир Зеленски за Европа. Зборувајќи на маргините на бизнис форумот Италија-Германија, Тајани се осврна на говорот на Зеленски на Светскиот економски форум во Давос.
„Ми се чини дека тој не е многу фер кон Европа. Ми се чини дека Европа ја гарантираше независноста на Украина правејќи сè што е можно за да ѝ обезбеди на таа земја политичка, финансиска и воена поддршка“, рече тој.
Што рече Зеленски?
Во својот говор во Давос, Зеленски даде неколку критички оценки за Европа. Тој особено ги критикуваше, како што наведе, недоволните мерки на Европската Унија во сузбивањето на руската „флота во сенка“.
„Европа сака да дискутира за иднината, но избегнува да дејствува денес, а токму денешните акции одредуваат каква иднина ќе имаме. Тоа е проблемот. Зошто американскиот претседател може да ги запре танкерите од флотата во сенка и да ги прекине испораките на нафта, а Европа не може“, праша Зеленски.
Тој, исто така, потсети дека стравот од руска одмазда ја спречил Европската комисија да го спроведе својот оригинален план за заем за воени репарации за Украина, кој би се базирал на користење на замрзнати руски средства.
Зеленски, исто така, го критикуваше пристапот на Европа кон безбедносните прашања, вклучително и прашањето за Гренланд, нагласувајќи дека европската политика премногу често останува на ниво на дискусии, без конкретни чекори.
Тошковски: СДСМ и ДУИ се длабоко заглавени во сопственото политичко мочуриште, во кое партиските калкулации се ставаат над човечките животи
Министерот за внатрешни работи, Панче Тошковски, преку свој статус на фејсбук се огласи по повод денешното изгласување на Законот за...
Со фалсисифкување документи го оштетил РЕК Битола за речиси 90.000 евра: кривична против управител на приватна фирма од Новаци
СВР Битола, до Основното јавно обвинителство Битола, поднесе кривична пријава против 46-годишниот М.Т. од Битола поради постоење основи на сомнение...
Најавен прекин на товарниот сообраќај на граничните премини од понеделник: МВР ќе обезбеди непречен сообраќај за патничките возила и автобусите
Министерството за внатрешни работи – Оддел за гранични работи и миграција известува дека до Министерството за внатрешни работи е доставена...
(Видео) Левица за „Безбеден град“: Глобите да се пресметуваат според примањата
На денешната седница на Собранието, координаторот на пратеничката група на Левица, Борислав Крмов, најави дека во Законот за прекршоци, преку...
Фатон Сељами избран за нов Народен правобранител
Со поддршка од 89 пратеници, Собранието денеска во рамки на 65. седница го избра Фатон Сељами од Тетово за нов...
(Видео) Тренчевска: ВМРО-ЗНАМ ги одби сите амандмани на кривичниот законик, меѓу кои и членот за злоупотреба на службената положба
На денешната комисиска расправа, владејачката коалиција ВМРО-ЗНАМ ги одби сите амандмани на СДСМ за измените на Кривичниот законик, соопшти потпретседателката...
Системот „Безбеден град“ стартува од 1 февруари – Собранието ги усвои законските измени
Со 81 глас „за“ и 19 „против“ и воздржани, Собранието денеска го изгласа Предлог-законот за изменување и дополнување на Законот...
Филков: Случајот со апелациониот судија не е само скандал, тоа е симбол на длабока системска слабост
Министерот за правда Игор Филков на денешната прес-конференција се осврна на актуелните состојби во правосудството и пристапот на Министерството за...
Нема подигање пратки од Пошта, вработените протестираат за плата: ги минаа празниците и најдолгиот месец во годината без пари
Вработените во Македонска пошта од целата држава денес излегоа на протест преку кој побараа да им се исплати платата која...
Мицкоски: Без одржлива струја нема развој на вештачката интелигенција – градиме гасни интерконектори со две соседни држави
Македонија ги зајакнува преносните линии за електрична енергија и за гас, во однос на вештачката интелигенција. Се гради еден гасен...
СДСМ со пакет амандмани: промена на членот за злоупотреба на службената положба, без рок за конфискација и 48 часа за снимките од „Безбеден град“
Пратениците на СДСМ поднесоа повеќе амандмани на Предлог-законот за изменување и дополнување на Кривичниот законик. Како што соопштуваат од партијата,...
(Видео) Бурата „Ингрид“ пустоши низ Франција: бранови како згради, ветерот носи сè пред себе
Бурата „Ингрид“ денес донесе силни ветрови, обилни врнежи од дожд и крајбрежни поплави во западниот француски департман Финистер во регионот...
Аракчи му порача на Зеленски: На светот му е доста од збунети кловнови
Министерот за надворешни работи на Иран, Абас Аракчи, му порача на претседателот на Украина, Володимир Зеленски, дека „на светот му...
Јанкулоска: СЈО и сите таму беа „црпнати“, водеа политички прогон и билдаа партиски рејтинзи
Поранешната министерка за внатрешни работи, Гордана Јанкулоска, го коментира застарувањето на предметот „Талир“ на некогашното специјално обвинителство. Таа обвини дека...
Трамп до канадскиот претседател: Ја повлекувам вашата покана до најпрестижниот Одбор за мир
Претседателот на САД, Доналд Трамп, денес ја повлече претходната покана до Канада да се приклучи на Одборот за мир, иницијатива...
Путин се сретна со Американците, им рече дека не се откажува од украинските региони
Русија објави дека денес ќе одржи безбедносни разговори со САД и Украина во Абу Даби, предупредувајќи по средбата на претседателот...
САД, Украина и Русија на преговарачка маса во Абу Даби
Првите трилатерални мировни преговори меѓу Соединетите Американски Држави, Украина и Русија ќе се одржат денес во Абу Даби, потврди Кремљ....
Незаконски e суспендирана првата обоистка Татијана Петрушевска од МОБ, објави Синдикатот на културата кој повика на заштита од министерот Љутков
Обоистката од Оркестарот на Националната опера и балет (НОБ) Татијана Петрушевска незаконски е суспендирана од работа од страна на генералниот...
„Постои нешто магично во оваа земја“: Проштална порака на Агелер до македонските граѓани
Американската амбасадорка Ангела Агелер ѝ се обрати на јавноста со отворено писмо по повод завршувањето на нејзиниот тригодишен мандат во...
(Видео) Мицкоски од Давос: „Бошков Мост“, „Чебрен“ и „Галиште“ ги привлекоа инвеститорите
Премиерот Христијан Мицкоски од Давос соопшти дека имал уште еден успешен ден со бројни билатерални средби и настапи, во рамки...
