Јужната команда на поморските сили на САД потврди дека воениот брод „Фридом УСС Детроит“ потонал во западниот дел на Атлантикот.

Бродот потонал при распоредувањето во подрачјето на одговорност на Јужната команда на поморските сили на САД.

Пловилото сега претставува опасност за пловидба во тој дел на океанот.

Се претпоставува дека на бродот претходно избил пожар и оти членовите на екипажот го напуштиле.

Албанските медиуми денеска пренесоа информаации за сведочењето на 23-годишнот македонски државјанин, киднапиран во Тирана од двајца разбојници, кои под закана со оружје барале 250.000 евра за негово ослободување.

„Македонецот Давор В. во полиција изјавил дека бил присилен од двајца жители на Тирана, на возраст од 41 и 42 годин да влезе во нивниот автомобил попладнето на 6 декември. Во главата му впериле пиштол барајќи 250.000 евра, а потоа насилно го втурнале во возилото“, пренесува албанската агенција „Балкан веб“.

Од албанската полиција потврдиле дека на 6. декември добиле дојава оти вооружени лица кружеле со автомобил „Бе-ем-ве“ и присилно внеле маж во возилото.

Веднаш биле ангажирани припадниците на специјалната полициска едница. На предупредвањето да го запре возилото, возачот ја зголемил брзната, но подоцна било пресретнат во близина на седиштето на Архиепископијата во Тирана.

Приведените ги отфрлиле обвиненијата дека не станува збор за киднапирање, туку рекле дека вршеле притисок врз 23-годишникот да им врати долг.

„Целото сценарио за киднапирањето е расветлено од страна на полицијата кога Давор В. споменал за 50-годишник од Струга кој играл улога на посредник меѓу двајцата киднапери и неговото семејство за добивање на парите“, пишува албанската агенција.

На двајцата албански државјани веќе им е одредена мерка притвор, додека стружанецот ќе се брани од слобода под обвинение „непријавување на кривично дело“.

Во полициска акција спроведена пред почетокот на денешните протести во Хонгконг, уапсени се 11 лица кај кои е пронајдено оружје.

Полицијата соопшти дека се уапсени осум мажи и три жени кои поседувале големо количество оружје, меѓу кое и огнено, како и над 100 куршуми.

Специјалните служби претпоставуваат дека групата планирала да го употреби оржјето за време на денешните собири и на тој начин да ја дискредитира полицијата.

Осомничените се уапсени поради поседување огнено оружје без дозвола, носење предмети кои можат да причинат штета, за поседување забрането оружје и за незаконско собирање.

Првпат од почетокот на протестите е одземен пиштол, што предизвикало вознемиреност меѓу органите на редот и мирот. Одземени се и палки, ладно оружје, солзавци и два панцира.

Илјадници луѓе излегоа денеска на улиците на Хонгконг за да одбележат половина година од портестите против властите на оваа автономна кинеска територија и поранешна британска колонија, пренесува агенцијата АП.

Според информациите, демонстрантите, извикувајќи „Борба за слобода“ и „Заедно за Хонгконг“, формирале огромна поворка низ центарот на градот.