Свет
Почина кралот на поп музиката – Мајкл Џексон
Кралот на поп музиката Мајкл Џексон, почина синоќа, потврдија лекарите од болницата каде беше примен во длабока кома
Кралот на поп музиката Мајкл Џексон, почина синоќа, потврдија лекарите од болницата каде беше примен во длабока кома.Веста, како што пренесува Макфакс, ја објави весникот Лос Ангелес Тајмс (Л.А. Тајмс), повикувајќи се на извори од градските власти.Џексон починал во четвртокот пппладне по локално време во 15,15 часот.Џексон (50) бил хоспитализиран во „UCLA Medical Center“од страна на пожарникарскиот болничарски отсек на Лос Ангелес.Претставник на пожарникарите Стив Руда изјави дека болничарите одговориле на повикот од домот на Џексон во 12:26 според локално време, и кога пристигнале го нашле Џексон во коматична состојба. „Болничарите пристапиле кон вештачко дишење а потоа го однеле во болница“, изјави Руда за Л.А.Тајмс.Си-Ен-Ен, потврдувајќи ја веста за смртта на поп ѕвездата, соопшти дека Џексон бил хоспитализиран поради кардиолошки проблеми, но дека не станува збор за срцев удар. Американските медиуми известуваат дека најблиското семејство итно пристигнало во болницата каде бил хоспитализиран поп кралот Џексон, додека пред болницата се собрале голем број на негови верни обожаватели.Мајкл Џексон, е еден од најпопуларните уметници на сите времиња со најголем број продадени албуми.Џексон, својата кариера ја започна во раните години од неговиот живот како лидер-пејач на „Џексон 5“, бенд кој го основа со неговите браќа во доцните 60-ти години од минатиот век. Во 70-те, како соло уметник,постигна успех со албумите “Off the Wall”, вклучувајќи ги сингловите “Rock With You” и “Don’t Stop ‘Til You Get Enough”.Во 1982, го објави албумот „Трилер“, во чии рамки имаше седум хит синглови и со кој година дена подоцна на 25 годишнината на „Motown Records“ го зацементира статусот на најголемата ѕвезда во земјата. Големиот успех го продолжи со албумот „Bad“ од 1987 година и „Dangerous“ од 1991 година, од кој ќе остане запаметен синглот „Black or White“ со кој долго време беше на самиот врв на ранглистите.Во јули 2008, Џексон најави враќане на сцената по тригодишна пауза, со серија концерти во „London’s O2 Arena“, при што за четири часа беа продадени 750.000 карти, но истите поради влошена здравствена состојба беше приморан да ги откаже. /крај/лат/цнн/ем/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ја нападна Сирија: „38 лица загинаа во Алепо, меѓу кои и членови на Хезболах“
Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското Министерство за одбрана.
Израелските воздушни напади беа насочени кон неколку области околу Алепо околу 1:45 часот по локално време, се вели во соопштението на Министерството.
Во израелските напади врз сирискиот град Алепо во петокот рано наутро загинаа 38 лица, меѓу кои пет членови на либанската милитантна група Хезболах, изјавија два безбедносни извори за Ројтерс.
Нападите се совпаднаа со нападите со беспилотни летала изведени од градот Идлиб и западниот рурален дел на Алепо, за кои Министерството рече дека биле извршени од „терористички организации“.
„Нападите резултираа со смрт и голем број ранети цивили и војници и предизвикаа материјална штета на јавен и приватен имот“, се наведува во соопштението за медиумите.
Министерството не го прецизираше точниот број на загинати или не појасни дали жртвите се резултат на напади на израелска или милитантна група. Вчера две лица беа повредени во израелски воздушен напад во регионот околу сириската престолнина Дамаск, се наведува.
Израелската армија одби да ги коментира наводите за напади. Според Ројтерс, од нападите на Хамас врз израелските цивили и војници во октомври минатата година, Израел ги ескалирал нападите врз, како што тврди, упоришта на милициите поддржани од Иран во Сирија. Ја погоди и воздушната одбрана на сириската армија и некои сириски сили.
Израел со години извршува слични напади во Сирија, каде што влијанието на Техеран се зголеми откако почна да го поддржува претседателот Башар ал Асад во граѓанската војна што започна во 2011 година. Борците поврзани со Иран, вклучително и Хезболах, сега имаат контрола над огромни делови од источна, јужна и северозападна Сирија и неколку предградија околу главниот град.
Израел и Хезболах разменуваат оган преку израелско-либанската граница откако изби војната во Газа, што е најголема ескалација од едномесечниот конфликт во 2006 година, потсетува агенцијата.
Европа
Украина се обидува да ја убеди Индија да застане на страната на Киев, а не на Москва
Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.
Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.
Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.
Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.
Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.
Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.
Русија ја отфрли таа украинска дипломатска иницијатива.
Европа
Лавров: Украинскиот план е бесмислен, вклучува повлекување на нашата армија од освоените територии
Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на неприфатливи идеи како што е повлекувањето на Москва од териториите што ги окупирала.
Во интервју за московскиот весник „Известија“, Лавров рече дека мировниот самит предложен од Украина нема да успее додека не се променат неговите основни постулати, вклучително и тоа дека на него треба да биде дозволено учество на Русија.
„Во секој случај, ние сме подготвени да разговараме, но не врз основа на „мирната формула“ на Зеленски“, рече Лавров.
Тој, исто така, се прашуваше како некој сериозен политичар во Вашингтон, Брисел, Лондон, Париз или Берлин „може да каже дека нема алтернатива за формулата на Зеленски“.
Лавров ги отфрли како неприфатливи одредбите од украинскиот мировен план, со кои, меѓу другото, се бара Русија да се повлече од териториите што ги окупираше, вклучувајќи го и Крим, анектиран во 2014 година.
Украинскиот претседател Володимир Зеленски отфрла каква било помисла за преговори со Москва на која било основа освен мировен план, забележува Ројтерс.
Лавров рече дека се сретнал со официјални претставници и дипломати од Швајцарија кои го увериле дека мировниот самит, на кој Берн се согласи да биде домаќин, ќе ја вклучи Русија и ќе се одржи под „реални услови“.
„Ние разбираме дека ништо не може да се реши без вас, тоа е неправедно“, ги цитира Лавров зборовите на швајцарските претставници.