Владејачката социјалдемократска партија на Финска ја избра новата премиерка 34-годишната министерка и пратеничка Сана Марин. Таа ќе биде најмладата претседателка на финската влада во историјата.

Марин, која е трета жена на чело на финската влада, го победи синоќа со тесно мнозинство противкандидатката Анти Линдман. Таа ќе го наследи Анти Рине, кој поднесе оставка во вторникот, поради кризата предизвикана од штрајк во пошта.

За Марина гласале 32 членови на Советот на Социјалдемокраската партија на Финска, а за Линдман 29. Марин досега била потпретседателка на социјалдемократите и министерка за сообраќај и комуникации.

Рине поднесе оставка бидејќи партијата на центарот ја повлекла поддршката на неговата влада, наведувајќи како причина недостигот на доверба.

Партијата на центарот го критикувала управувањето со земјата на Рине, во пресрет на двонеделниот штрајк на работниците во државната пошта, кој се прошири и на другите индустрии.

И денеска продолжува штрајкот во Франција, а со тоа и хаосот во сообраќајот. Вчера, во четвртиот ден од штрајкот на вработените во железницата, повеќето француски возови останаа во станиците.

Штрајкот на француските железници РАТП и париските железници СНЦФ, затвори 14 линии на метрото, со само две линии кои работат на автоматски возови без возачи. Според француските медиуми, денеска се очекува да биде исклучително тешко.

СНЦФ ги советуваше корисниците да ги избегнуваат станиците денеска поради безбедносни причини и потенцијалот за голем метеж.

Сообраќајот на брзите метро линии во Париз, исто така, ќе биде нарушен бидејќи 10 од 16-те линии ќе останат затворени, објави француската радио станица Франс енфо.

За да се избегнат поголемите застои, обичните возила ќе им се овозможи денеска да користат жолти ленти резервирани за градски сообраќај и такси, но само на приодите кон Париз, а не и во самиот главен град.

СНЦФ и РАТП штрајкуваат околу реформите во пензискиот систем што ги објави францускиот претседател Емануел Макрон.
Железничките синдикати, кои веруваат дека реформата предложена од Макрон нуди послаби услови за пензија и присилува одредени категории да работат подолго, изјавија дека понеделник е клучен ден, но исто така подготвени се да го продолжат штрајкот до католички Божиќ.

Едно лице загина, а 20-на се повредени во ерупција на вулкан на новозеландскиот Бел остров (White Island), популарна туристичка дестинација каде се верува дека во време на ерупцијата имало најмалку 50 луѓе.

„Дел од нив беа транспортирани на брегот, и најмалку еден од нив беше во критична состојба“, се вели во полициското соопштение.

Здравствените служби соопштија дека имало дваесетина повредени. Вулканологот Бред Скот изјави пред локална радио станица дека станува збор за силна ерупција.