Свет
Траект удри во пристаниште во Њујорк
Траект со над 750 патници поради дефект не можеше да запре и со цела сила удри во мол во њујоршкиот кварт Стејтен Ајланд
Траект со над 750 патници поради дефект не можеше да запре и со цела сила удри во мол во њујоршкиот кварт Стејтен Ајланд.
При ударот нема загинати, а повредени се 15 лица, јавија денеска агенциите.
Екипажот на траектот, кој ги поврзува Менхетен и Стејтен Ајланд изгубил контрола откако на пловилото му откажале моторите и со полна пареа удрил во пристаништето.
Спасувачките екипи соопштија дека за среќа никој не паднал од траектот, а 15 патници се повредени.
Капетанот на разглас и кажал на патниците дека бродот е без сопирачки и повторувал „Патници држете се!“
Луѓето на траектот тежок 2.700 тони ги фатила паника, но реагирале мудро, собирајќи се во задниот дел на бродот, каде најмалку се почувствувал ударот.
Траект на истата линија се залета во брегот во октомври 2003 година, но тогаш загинаа 11 лица./крај/24/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

