Свет
Германија излегува од рецесија?
Германската економија во вториот квартал од оваа година можеби веќе ја надмина рецесијата
Германската економија во вториот квартал од оваа година можеби веќе ја надмина рецесијата.
Ова го изјави неименуван член на германската влада, додавајќи дека БДП во вториот квартал најверојатно останал непроменет, или забележал умерен растеж во однос на претходниот квартал.
Како што пренесуваат локалните гласила, тоа претставува нормализација на состојбата во стопанството, по неговиот голем пад.
Најголемата европска економија во првите три месеци од годинава во однос со претходниот квартал забележа рекорден пад од 3,8 проценти, а БДП се намалуваше континуирано од второто тромесечје минатата година.
Германската влада за годинава прогнозира намалување на економијата од 6 проценти, во однос на лани, а неодамна објавените показатели наговестуваат дека стопанството почнува да излегува од кризата, најголема по Втората светска војна, која сериозно удри по производителите, сметаат аналитичарите.
Официјалните податоци за стапката на БДП во Германија треба да бидат објавени следната недела./крај/б92/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.

