Најмалку 127 лица, според последите информации на националната противпожарна агенција, загинаа кога патнички авион слета на аеродром во југозападна Јужна Кореја, при што леталото се излизга по пистата на стомакот пред да се запали.

Horrifying footage emerging of a Jeju Air Boeing 737-800 (not a Max) with 175 onboard involved in a crash at Muan International Airport in South Korea — video shows the aircraft attempting a ‘belly landing’ (without its landing gear extended) before impacting the perimeter wall pic.twitter.com/C3JCUz8Iw8

— Alex Macheras (@AlexInAir) December 29, 2024

Две лица беа извлечени живи од урнатините, но спасувачите предупредија дека шансите да најдат други преживеани се мали.

Летот на „Џеџу ер 7C 2216“ од Бангкок со „Боинг 737-800“ превезуваше 175 патници и шест членови на екипажот кога катастрофата се случи на аеродромот во округот Муан.

Главниот извршен директор на „Џеџу ер“, најголемиот јужнокорејски нискобуџетен превозник, рече дека авионот не покажал проблеми пред несреќата.

Што е познато досега:

• Причина за уривањето: И локалните пожарникари и воздухопловните експерти велат дека е веројатно оти дошло до дефект на опремата за слетување. Ли Џеонг-хјун, шефот на пожарникарскиот оддел во Муан, исто така, ги информираше медиумите дека причината „се проценува дека е појава на удар на птица или лошо време
• „Мајдеј повик“: Пилотот на авионот упатил критичен повик до контролната кула околу една минута откако го прифатил барањето на контролорите за промена на пистата за слетување за да се избегне можен ризик од удар на птици, според брифингот од Министерството. Авионот удрил во навигациска опрема на земја пред да се урне во ѕид. Според информациите кобни биле шест минути од првиот повик до уривањето.
• Пронајдена една „црна кутија“: црната кутија за снимање на податоците за летот е пронајдена од комитетот за истрага на несреќата, но уредот за снимање глас сè уште не е пронајден, рекоа официјални лица. „Црните кутии“ им нудат на истражувачите критични факти што се случило.
• Драматични сцени: снимката од несреќата, емитувана од повеќе јужнокорејски медиуми, покажува како авионот се лизга по стомакот со голема брзина, удирајќи во земјен насип и избивајќи во огнена топка. На видео снимката може да се види дека опремата за слетување не е активирана, додека чад се издига од задниот дел на лизгачкиот авион.
• Пол на загинатите патници и националност: Меѓу жртвите има 54 мажи, 57 жени и 11 лица чиј пол не може да се утврди, според Противпожарната служба. Двајца тајландски државјани биле меѓу лицата во авионот, додека останатите биле јужнокорејци.
• „Боинг“: Американскиот авијациски гигант Боинг имаше турбулентно време во последниве години, вклучително и две несреќи на 737 Max. Но, авионот вклучен во последната несреќа, Боинг 737-800, аналитичарите го опишуваат како безбеден работник на небото со исклучително силно безбедносно досие. Компанијата изрази сочувство за загинатите.
• Заднина на политичката криза: Трагичната авионска несреќа доаѓа во време кога владата на Јужна Кореја се соочува со целосна политичка криза, а раководството останува неизвесно. Вршителот на должноста претседател на Јужна Кореја, Чои Санг-мок, кој е на работа само од петокот, отпатува до меѓународниот аеродром Муан каде што се урна авионот.

Претставници на јужнокорејското Министерство за транспорт открија критична секвенца од шест минути пред несреќата, пишува „Јонхап њуз“.

Во 08:57, контролорите на летање го предупредиле авионот што се приближувал за ризик од удар на птица. Една минута подоцна, во 08:58 часот, пилотот прогласил „мајдеј“ (шифра што укажува дека авионот е во непосредна опасност). Авионот се обидел да слета во 09:00 часот, а се урнал во 09:03 часот.

„Авионот првично се обидел да слета на пистата бр.01, кога контролната кула предупредила дека во областа има птици и дека е можен удар. Приближно една минута подоцна, пилотот упатил повик до кулата. Контролната кула му наложила на авионот да слета во спротивна насока на пистата бр.19. Пилотот ги следел упатствата и авионот удрил во опремата за навигација на земја пред да удри во ѕид“, пишува „Си-ен-ен“.

Еден од двајцата преживеани членови на екипажот, наводно, ги потврдил првичните теории за причината, велејќи им на спасувачите веднаш по извлекувањето од урнатините дека авионот претрпел удар на птица.

Министерството за транспорт потврди дека инспекторите го пронашле рекордерот со податоци за летот, додека по снимачот на глас од пилотската кабина се уште се трага.

Националната полициска агенција испрати 169 форензичари за да помогнат во идентификувањето на жртвите. Дополнително, ангажирани се 579 полициски службеници кои помагаат во потрагата и ги придружуваат возилата на брзата помош до местото на несреќата.

Досега е потврдена смртта на најмалку 122 лица, двајца се спасени, а во леталото имало вкупно 181 патник и членови на екипажот. Пожарникарите велат дека голема е веројатноста сите други да загинале во несреќата и не им даваат голема надеж на семејствата за време на спасувачката операција.

Пожарникарите извлекоа 122 тела од местото на несреќата од авионот на меѓународниот аеродром Муан, додека две лица се спасени.

Спасувачките тимови го поделија местото на несреќата во три зони додека ја продолжуваат потрагата по преостанатите жртви. Меѓутоа, пожарникарите ги информирале семејствата на аеродромот дека шансите исчезнатите патници да преживеат се практично нула поради сериозноста на несреќата и пожарот што следел.

Само две лица преживеале откако биле спасени од делот од опашката на авионот. Тие биле итно пренесени во блиската болница со „умерени до тешки“ повреди.

Авионот, „Боинг 737-800“ на летот 7C2216 од Бангкок, се обидувал да слета поради проблеми со опремата за слетување. Авионот удрил во конструкција на аеродромот и се распаднал, при што најголемиот дел од трупот на авионот бил изгорен во пожарот.

Според локалните медиуми, многу од патниците биле семејства кои се враќале од божиќните пакети во Тајланд. На летот имало 175 патници (173 од Јужна Кореја и двајца тајландски државјани) и шест членови на екипажот.