Свет
Околу 13 милиони абортуси годишно во Кина

Околу 13 милиони абортуси годишно се извршуваат во Кина
Околу 13 милиони абортуси годишно се извршуваат во Кина.
Таквата појава делумно е резултат на нискиот степен на познавање на контрацепцијата или полово преносливите болести, но и поради пораст на бројот на младите кои се впуштаат во сексуални односи, јавуваат државните медиуми.
Годишно во Кина, исто така се продаваат околу 10 милиони т.н. „таблети за денот подоцна“, а голем број абортуси се изведуваат во нерегистрирани клиники, поради што не се заведени во статистиката, објаснува Ви Чангчун, директор на одделот за планирање во кинеската влада.
„Сексот во Кина повеќе не е табу тема и младите мислат оти сè можат да научат од интернет. Тоа, меѓутоа не значи дека развиле разбирање или став за сексот“, посочи гинекологот од воената болница, Ју Донгјан.
Речиси две третини од жените кои се одлучуваат за абортус се на возраст од 20 до 29 години и немаат постојани партнери.
Според сегашниот закон, немажените жени не можат да добијат „хуку“, картичка за регистрирање на новородени деца, а без неа е оневозможен пристапот до јавното образование и здравство./крајхи/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско кој беше хоспитализиран поради пневмонија, во писмо повика на прекин на војните и дипломатски решенија за конфликтите.
Во писмото до весникот „Кориере дела сера“, папата рече дека неговата долга болест му помогнала да стане уште појасна „апсурдноста на војната“ и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите, велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска Бакингемската палата потврди дека кралот Чарлс ќе се сретне со папата Франциско меѓу 7 и 10 април, и покрај болеста на католичкиот водач.
Папата (88) беше примен во римската болница Гемели на 14 февруари со тешка респираторна инфекција и оттогаш не е виден во јавноста, пренесува Танјуг.
Регион
Во хрватскиот Сабор едноминутно молчење за загинатите во Македонија

Хрватскиот Сабор денеска со едноминутно молчење им оддаде почит на 59-те лица кои завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието Гордан Јандроковиќ.
Во пожарот што завчера избувна во „Пулс“ во Кочани, загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп-Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека „многу елементи“ од мировниот договор во Украина се веќе договорени со неговиот руски колега.
Во своето ноќно обраќање во понеделникот, украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој, додавајќи дека „секој ден во време на војна значи човечки животи“.