Свет
Опозицијата води на парламентарните избори во Молдова

Четири опозициони партии освоија најмногу гласови на предвремените парламентарни избори во Молдова, соопшти денеска изборната комисија по преброените
Четири опозициони партии освоија најмногу гласови на предвремените парламентарни избори во Молдова, соопшти денеска изборната комисија по преброените 97 отсто од гласовите.
Либералната демократска партија освои 16,4 отсто од гласовите или 17 пратеници, Либералната партија доби 14,4 отсто или 15 пратеници, додека алијансата „Наша Молдова“ освои 7,4 отсто од гласовите или осум пратеници.
Овие три либерални партии, кои претходно најавија дека ќе бидат во коалиција, во идниот парламент ќе имаат заеднички 40 пратенички места.
Демократската партија, на чие чело се наоѓа поранешниот лидер на Комунистичката партија, Марјан Лупу, кој помина во опозиција, освои 12,5 отсто од гласовите или 13 пратенички места.
Доколку партијата на Лупу им се придружи на либералните партии, тие сите заедно во идниот парламентарен состав ќе имаат мнозинство од 53 од вкупно101 пратеничко место.
Комунистичката партија која што до сега беше на власт, со освоените 45,1 отсто од гласовите и понатаму со 48 пратенички места ќе има најмногу пратеници во парламентот.
Опозицијата, меѓутоа исклучи можност за коалиција со комунистите, а можен сојуз со нив отфрли и партијата на Лупу.
Но, ниту една од двете страни нема 61 пратеничко место, колку што е потребно за избор на наследник на комунистичкиот претседател Владимир Воронин, кој претседателската функција ја напушта по два последователни мандата.
Тој вчера изрази надеж дека парламентарните избори ќе ја завршат политичката криза во државата и ќе придонесат за приближување кон Русија./крај/бе/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско кој беше хоспитализиран поради пневмонија, во писмо повика на прекин на војните и дипломатски решенија за конфликтите.
Во писмото до весникот „Кориере дела сера“, папата рече дека неговата долга болест му помогнала да стане уште појасна „апсурдноста на војната“ и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите, велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска Бакингемската палата потврди дека кралот Чарлс ќе се сретне со папата Франциско меѓу 7 и 10 април, и покрај болеста на католичкиот водач.
Папата (88) беше примен во римската болница Гемели на 14 февруари со тешка респираторна инфекција и оттогаш не е виден во јавноста, пренесува Танјуг.
Регион
Во хрватскиот Сабор едноминутно молчење за загинатите во Македонија

Хрватскиот Сабор денеска со едноминутно молчење им оддаде почит на 59-те лица кои завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието Гордан Јандроковиќ.
Во пожарот што завчера избувна во „Пулс“ во Кочани, загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп-Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека „многу елементи“ од мировниот договор во Украина се веќе договорени со неговиот руски колега.
Во своето ноќно обраќање во понеделникот, украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој, додавајќи дека „секој ден во време на војна значи човечки животи“.