Германската авиокомпанија „Луфтханза“, најави дека на патниците финансиски ќе им ги компензира евентуалните врнежливи денови во 36 туристички

Германската авиокомпанија „Луфтханза“, најави дека на патниците финансиски ќе им ги компензира евентуалните врнежливи денови во 36 туристички дестинации кон кои што лета.

„Во случај дождовите да ги уништат соништата за сончево летување“, Луфтханза сака „да го разбистри времето“ со 20 евра по ден од лице, се наведува во соопштението.

Германската компанија прецизно дефинирала што се тоа врнежливи денови: потребно е во текот на денот да паднат најмалку пет милиметри дожд на квадратен метар. Притоа компанијата ќе компензира максимално десет врнежливи денови, односно да врати 200 евра.

Гаранцијата за „убаво време“ важи за сите летови на компанијата од 1. септември до 31. октомври, со враќање најдоцна до 8. ноември и се однесува на неколку градови од јужна Европа (Мадрид, Барселона, Лисабон, Рим, Венеција, Марсеј, Ница), за некои северноамерикански градови, како и метрополи во Африка и Обединетите Арапски Емирати.

Понудата важи за сите билети кои што ќе бидат резервирани до 18. август. Ваквата мерка доаѓа откако голем број авиокомпании, меѓу кои што е и Луфтханза, ги почувствуваа последиците од финансиската криза./крај/хи/амп