Министерот за надворешни работи на Русија, Сергеј Лавров, изјави дека желбата на Западот е да ја заузди Русија, што подразбира желба за нејзин стратешки пораз, а тоа, според него, е слично на намерите на францускиот император Наполеон Бонапарта и на германскиот канцелар Адолф Хитлер, кои за време на нивното владеење се обидоа да ја освојат Европа.

„Тоа е истата желба што постоеше во времето на Наполеон и Хитлер, желбата да се победи, понижи и порази Русија“, рече Лавров во интервју за „Канал 1“, пренесува „РИА новости“.

Лавров истакна дека Западот се обидува да постигне цели што се веќе поставени во историјата посочувајќи дека Русија е соочена со истите амбиции како и за време на претходните војни во Европа.

Зборувајќи за разговорите со Соединетите Американски Држави, Лавров посочи дека за време на преговорите во Ријад, Русија ја нагласила потребата од јасност во врска со иницијативата на Црното Море, во која е вклучен и договорот за снабдување со жито.

Според него, Русија побарала укинување на мерките поврзани со снабдувањето на пазарот со руски ѓубрива и земјоделски производи, кои биле во сила во текот на 2022 и 2023 година, но генералниот секретар на ОН, Антонио Гутереш, според него, се концентрирал на пронаоѓање дупки во санкциите.

Лавров додаде дека преговарачите назначени од претседателот на Русија, Владимир Путин, сакаат да нема недоразбирања во текот на процесот и дека условите за Русија се јасно дефинирани за да се избегнат проблеми какви што имаше порано во врска со Украина и црноморската рута.

Рускиот министер нагласи дека САД сега разбираат оти само тие може да го принудат Киев да ги запре терористичките напади и нападите врз цивили и дека може да ја запрат ескалацијата во Украина.

Воениот аналитичар Маринко Огорец на телевизијата N1 зборуваше за војната во Украина и за состојбата на украинската армија. Тој тврди дека мисијата на НСАТУ е крајот на приказната и дека Хрватска нема што да обвинува бидејќи ѝ помогнала на Украина колку што е можно.

„Хрватска од самиот почеток јасно и недвосмислено застана на страната на ЕУ и НАТО и ја осуди агресијата по сите прашања. Таа ѝ даде максимална помош на Украина во нашите рамки, дури и повеќе од нашата рамка“, рече тој.

Тој смета дека меѓу западните земји се создаваат два дискурса за војната во Украина. „Едниот е на чело на САД за прекин на огнот и за прекин на непријателствата.
Тој е убеден дека во одредена ситуација војната во Украина може да прерасне во трета светска војна.

„Ако таканаречените мировни сили би биле испратени во Украина сега, без прекин на огнот и договор за прекин на огнот, без прекин на воените операции, без договор од двете страни на конфликтот за пристигнување некои неутрални сили што би дејствувале како тампон-зона – тие таканаречени мировни сили, всушност, би биле интервентни сили, кои би биле директно вклучени во третата светска војна.

Тој претпоставува дека Русија би била подготвена за пристигнување на мировните сили, но под нивни услови – само кога ќе завршат сите воени операции.

„Верувам дека, како и сите досегашни операции, кои беа мировни, тие ќе мора да поминат низ Советот за безбедност на ОН. Кога ќе донесат резолуција, веројатно ќе бидат вклучени и земји што не се членки на НАТО и се неутрални во целиот овој конфликт. Или земји што би биле еднакво прифатливи за Украина и Русија“, истакна тој.

За европскиот план за вооружување, тој рече дека Европа уште некое време ќе треба да се потпре на американскиот пазар, кој е многу понапреден. „Надминувањето некаков вид технолошки јаз наеднаш за кратко време, едноставно, не е можно“, рече тој.

„Не се работи само за вооружување и воена опрема. САД имаат многу развиен сателитски систем, систем за набљудување, известување, разузнавачки структури. Сега гледаме во Украина дека оваа разузнавачка поддршка е практично повредна и поважна од испраќањето и испораката на оружје“, продолжи тој.

„Бидејќи, без разузнавачка поддршка, системите на линијата на фронтот се слепи. Тоа ѝ недостига на Европа и треба да го надомести. Дали ќе успее толку бргу? Не верувам“, заклучи тој.

Од улиците на Белград во Србија до Скопје во Северна Македонија, на целиот Балкан, одекнува слоганот „корупцијата убива“, скандиран од студентите револтирани од смртта на десетици луѓе во несреќи за кои се верува дека биле предизвикани од корумпирани системи, пишува денеска француската агенција за печат во написот со наслов „Младите се креваат на Балканот“.

Како што пишува „Франс прес“, првите демонстрации во Србија избувнаа во ноември по уривањето на натстрешникот на новообновената железничка станица во вториот по големина град во земјата, Нови Сад, при што загинаа 16 лица.

Набргу дел од земјата ги виде раката на корупцијата во оваа катастрофа на штотуку реновираната железничка станица, големите трошоци и нетранспарентните договори, пишува „Франс прес“.

Агенцијата посочува дека во цела Србија на транспаренти, беџови и на ѕидови се појавила крваво црвена рака и станала симбол на протестите што ја тресат земјата, најголеми од 90-тите, а чие раководство набргу го презеле студентите.

Во март, пишува француската агенција, црвената рака се појави и во Северна Македонија по драматичниот пожар во дискотека во Кочани, при што загинаа 59 лица. Агенцијата посочува дека дискотеката работела со незаконски добиена дозвола, дека без дозвола била користена пиротехника, која го запалила таванот на преполната сала, дека на концертот на популарна група имало најмалку 600 луѓе, а клубот имал право да прими само 250.

Како што пренесува „Франс прес“, илјадници луѓе демонстрираа во главниот град на Северна Македонија, Скопје, со транспаренти на кои пишуваше „корупцијата убива“, а демонстрантите извикуваа „убијци“ и бараа целосна промена.

„Франс прес“ ги пренесува зборовите на Софија Тодоровиќ, директорката на српскиот разгранок на Младинската иницијатива за човекови права, која вели:

„Младите луѓе се доказ за многу подобро расудување и мудрост од претходните генерации. Тие навистина чувствуваат дека имаат улога, нивните гласови се бројат, ова е клучно за иднината на регионот“, рече Тодоровиќ, цитирана од „Франс прес“.

„Франс прес“ потсетува дека Србија е 105-та на листата од 180 земји за перцепција за корупција на невладината организација „Транспаренси интернешнл“ додавајќи дека Северна Македонија е 88. на таа листа.

Црна Гора, која исто така беше потресена од демонстрации на почетокот на 2025 година кога еден човек уби 13 луѓе на улица на 1 јануари, е 65-та на листата на перцепции за корупција, според агенцијата.

Во Црна Гора беа организирани неколку собири со барање за отпуштање високи безбедносни функционери, реформи во полицијата, конфискација на нелегално чуваното оружје и подобра грижа за менталното здравје.

Како и во Србија и во Северна Македонија, секоја демонстрација се одбележува со неколкуминутно молчење во чест на жртвите, наведува француската агенција. Во Бугарија минатата недела демонстрантите неколку минути молчеа на антикорупциските демонстрации насочени против пратеникот и поранешен магнат Дељан Пеевски, кој е под американски и британски санкции.

Не е исклучок и Грција, каде што властите беа критикувани дека раководат со истрагата за смртта на 57 лица, меѓу кои и многу млади луѓе, во железничката несреќа во февруари 2023 година. Како што наведува агеницијата, стотици илјади луѓе демонстрираа за втората годишнина од оваа катастрофа, што е вистинска колективна траума.