Кина ги обвини Соединетите Американски Држави дека ја прекршуваат Повелбата на Обединетите нации со нивните напади врз иранските нуклеарни постројки и ги предупреди сите страни вклучени во конфликтот да спречат понатамошна ескалација.

„Американските напади врз иранските нуклеарни постројки сериозно ги кршат целите и принципите на Повелбата на ОН и дополнително ги влошуваат тензиите на Блискиот Исток. Советот за безбедност на ОН не може да стои настрана“, рече Лин Џијан, портпарол на кинеското Министерство за надворешни работи, на брифинг со новинарите.

Лин рече дека Кина, Русија и Пакистан предложиле нацрт-резолуција до Советот за безбедност на ОН со која се повикува на „итен и безусловен прекин на огнот“.

„Заедно испративме порака за правда која ја одразува силен апел до меѓународната заедница“, рече Лин.

„Се надеваме дека членовите на Советот заеднички ќе ја поддржат нацрт-резолуцијата и ќе му овозможат на Советот за безбедност да ја одигра својата улога во зачувувањето на меѓународниот мир и безбедност“.

Лин додаде дека „Кина ги повикува страните во конфликтот да спречат ескалација на ситуацијата“ и рече дека Пекинг е „подготвен да соработува со сите добронамерни актери со цел да се подобри комуникацијата и координацијата и да се работи конструктивно за враќање на мирот на Блискиот Исток“.

Американскиот државен секретар Марко Рубио вчера ја повика Кина да влијае на Иран за да не го затвори Ормутскиот теснец по нападот на Вашингтон врз иранските нуклеарни локации. Рубио го упати повикот до Кина, откако иранската Прес ТВ објави дека иранскиот парламент одобрил затворање на Ормускиот теснец, низ кој тече околу 20 отсто од глобалната нафта и гас.

Шпанската европратеничка Ирене Монтеро ја нарече претседателката на Европската комисија Урсула фон дер Лајен „Урсула Бомб дер Лајен“ поради нејзината поддршка за нападот на Израел врз Иран.

Говорејќи за време на пленарната седница, Монтеро ги опиша Соединетите Држави и Израел како „најголеми закани за човештвото“ и рече дека многу лидери на ЕУ „го хранат чудовиштето“.

Монтеро исто така остро го критикуваше германскиот канцелар Фридрих Мерц, кој му се заблагодари на Израел, велејќи дека тие „ја направиле валканата работа за сите нас“.

Spanish MEP Irene María Montero Gil slams “Ursula bomb der Leyen” for backing Israel’s attack on Iran:

Stop bending the knee to Trump and Netanyahu. If you want war, go yourselves. pic.twitter.com/EZppKb5fUZ

— Clash Report (@clashreport) June 23, 2025

„Дали тие се европски вредности?“ – праша Монтеро.

Откако Израел почна масовен напад врз иранските нуклеарни и воени капацитети на 13 јуни – што предизвика размена на напади меѓу двете земји и уби десетици луѓе – голем број лидери на ЕУ, вклучително и Франција и Урсула фон дер Лајен, изразија поддршка за правото на самоодбрана на Израел.

Монтеро, исто така, укажа на двојните стандарди, посочувајќи дека Иран е обвинет за развој на нуклеарно оружје, додека Израел веќе го поседува тоа оружје, а САД остануваат единствената земја што некогаш се осмелила да фрли атомска бомба.

Таа, исто така, се спротивстави на неодамнешниот предлог на НАТО за зголемување на воените трошоци на 5 отсто од БДП на една земја, поставувајќи прашање дали таквата промена навистина ќе ја обезбеди безбедноста на регионот.

Монтеро ја повика Европската унија да престане да клечи пред американскиот претседател Доналд Трамп и израелскиот премиер Бенјамин Нетанјаху, кои, како што рече, го водат светот во Трета светска војна.

Десетици пожарникари втор ден по ред се борат со шумските пожари предизвикани од силните ветрови на грчкиот остров Хиос во североисточното Егејско Море, додека властите евакуираат повеќе села.

Околу 190 пожарникари, со помош на шест авиони, се обидуваат да ги локализираат пожарите и да ги држат подалеку од домовите.

🚨🔥 A major wildfire on the Greek island of Chios has triggered evacuations and an all-night battle against strong winds and flames.

Reinforcements from Thessaloniki and Piraeus arrived at dawn to support efforts, as 190 firefighters and 38 vehicles work to contain the blaze. pic.twitter.com/gCGSYXopLO

— Volcaholic 🌋 (@volcaholic1) June 23, 2025

Налетите на ветрот ги попречија напорите за гаснење на шумските пожари кои изгореа шуми и пасишта и ја прекинаа струјата, принудувајќи десетици жители да ги напуштат своите домови поради безбедност, изјави претставник на грчката противпожарна бригада за Ројтерс.

Како една од најјужните земји во Европа, Грција е особено ранлива на економските и еколошките влијанија од честите шумски пожари во последниве години, за кои научниците велат дека се влошени поради брзо менување на климата.

A fire is currently raging near the 33m2 supermarket — The blaze on Chios is out of control. The situation is very serious. (June 22, 2025)

📍 Location: Chios, Greece pic.twitter.com/CL3XDcDjei

— Weather Monitor (@WeatherMonitors) June 22, 2025

Земјата потроши стотици милиони евра за обештетување на домаќинствата и земјоделците за штетите предизвикани од екстремните временски услови и за набавка на нова и современа противпожарна опрема.

Оваа година властите ангажираа рекорден број пожарникари, очекувајќи сезона полна со пожари.