Свет
Евробарометар – Економската состојба и невработеноста главни проблеми

Економската состојба и невработеноста се главни проблеми во Македонија сметаат граѓаните, кои се склони да веруваат дека
Економската состојба и невработеноста се главни проблеми во Македонија сметаат граѓаните, кои се склони да веруваат дека тие ќе останат главни прашања со кои земјава ќе се соочува во 2030 година.Ова се наведува во Националниот извештај на Македонија во рамките на 71-иот Евробарометар. Седумдесет и првиот Евробарометар (ЕБ71) е спроведен во 27-те држави-членки на Европската Унија и во трите земји-кандидатки –Македонија, Хрватска и Турција, во периодот од 12 јуни до 7 јули 2009.Покрај намалениот оптимизам поради глобалната економска криза, жителите на Македонија и натаму се поголеми оптимисти во однос на иднината на ЕУ (74%) од јавноста во земјите-членки (64%). Истражувањето го потврди позитивниот став што преовладува кај јавноста во однос на членството во ЕУ. Бројот на испитаниците кои го сметаат членството во Унијата за добра работа останал непроменет во изминатите шест месеци (64%). Тоа се однесува и на бројот на граѓаните кои очекуваат придобивки од зачленувањето во ЕУ (74%), што е значително поголем процент во споредба со останатите две земји-кандидатки. Македонија останува на врвот на листата држави според бројот на граѓани кои имаат позитивни чувства кон ЕУ (59%). Слободата на патување, студирање и работа насекаде во Европа е позитивен аспект кој испитаниците во земјава најчесто го поврзуваат со ЕУ. Сепак, во спротивност со позитивната слика за Унијата е чувството кај јавноста за неприфатеност од страна на ЕУ, се наведува во извештајот. Мнозинството испитаници сметаат дека Унијата не ги зема предвид нивниот и гласот на нивната земја. Анкетарите го извршија истражувањето со интервјуирање на вкупно 26,796 испитаници во членките на ЕУ и во земјите-кандидатки. Примерокот на граѓани кои учествуваа во ова истражување е репрезентативен за мислењето на населението на возраст од 15 години па нагоре и претставува индикатор за ставовите и размислувањата на сите социјални, професионални и возрасни групи од урбаната и руралната популација./крајс/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Се урна контролната кула на аеродромот во Мјанмар

Кулата за контрола на летање на меѓународниот аеродром Најпитав во Мјанмар се урна за време на вчерашниот земјотрес, покажуваат сателитски снимки кои ги анализира Асошиетед прес.
Невладината организација Каритас Австралија, која работи со партнери во Мјанмар, исто така извести дека кулата е целосно урната и дека загинале сите вработени кои тогаш биле на должност.
Регион
Во повеќе градови во Бугарија големи протести против злоставувачите на животни: „Сакаме затвор, а не парични казни“

Во повеќе градови во Бугарија и денес се одржа сенароден протест за одбрана на животните.
Во Софија незадоволните граѓани кренаа плакати: „Доживотен затвор за изродите“, Стоп за злоупотреба на животни, Затвор за убијци на животни“.
Демонстрантите повторно побараа затвор за злоставувачите на животни, а не парични казни. Тие носеа и натписи: „Нема оправдување за оваа тортура“.
Во Бургас се одржа втор протест против насилството во сите негови форми. Пред зградата на судот, стотици граѓани, заедно со нивните миленици, се собраа да побараат правда, пренесе „БГНЕС“.
„Ова мора да престане! 360 случаи, 9 обвинети, смешни казни! Потребна ни е контрола, регистар на продадени животни, вистинска превенција и буџет за обука на специјализирани служби. Но што е најважно – треба да знаеме кој ги одложува овие промени ма цивилизирано општество!“, изјави организаторот на протестот Николај Ќучуков.
Во Благоевград десетици луѓе со своите миленици се собраа пред Судската палата со барања да не се игнорираат инцидентите на злоупотреба на животни и сторителите да добијат правична казна.
Во Варна, демонстрантите се собраа пред зградата на општината, а потоа мирно маршираа до Плоштадот на независноста во градот. Луѓето скандираа и држеа плакати со натписи: „Не за агресијата кон бездомните животни“ и „Тие умираат без своја вина“.
Демонстрантите се надеваат дека реакцијата на јавноста ќе донесе правични казни за насилниците, законски измени во корист на животните и нетолеранција кон агресија и насилство во која било форма.
„БГНЕС“ потсетува дека 26-годишната Габриела Сашова и 35-годишниот Красимир Георгиев се обвинети дека за пари снимиле страшни видеа на злоставување животни. Окружниот суд Перник ги стави двајцата обвинети во притвор.
Сашова и Георгиев ги снимале бруталните видеа во име на „клиенти“ од целиот свет и примале плаќање во криптовалути и преку разни онлајн платформи.
Свет
(Видео) Големи протести против Ердоган, десетици илјади луѓе на улиците

Десетици илјади луѓе се собраа во Истанбул за да протестираат против приведувањето на градоначалникот Екрем Имамоглу, главниот ривал на Реџеп Таип Ердоган.
Тие ги послушаа повиците на опозицијата и излегоа на улиците во градовите низ земјата, откако Имамоглу беше приведен минатата недела под обвинение за наводна корупција.
Протестите се главно мирни, но досега се приведени речиси две илјади лица, пренесува Ројтерс.
Protesters have gathered in Istanbul for a mass rally called by Turkey’s main opposition party to protest the arrest of the city’s mayor and party leader, Ekrem İmamoğlu. pic.twitter.com/PHL70jfcKD
— TVP World (@TVPWorld_com) March 29, 2025
Републиканската народна партија (ЦХП) на Имамоглу, најголемата опозициска политичка групација, заедно со остатокот од опозицијата, групите за човекови права и западните држави, веруваат дека случајот против Имамоглу е од политичка природа, обид да се елиминира изборната закана за Ердоган. Владата го отфрла ова, тврдејќи дека не влијае на судството и дека судовите се независни.
📹📸 Turkiye -CHP is holding a protest & early election rally in Maltepe, Istanbul against Imamoglu’s arrest. Rally led by CHP is attended by Labor Party (EMEP), Turkish Workers’ Party (TİP), People’s Equality and Democracy Party (DEM Party) and Left Party, BTP, Homeland Party pic.twitter.com/f6WkU18c2F
— Mete Sohtaoğlu (@metesohtaoglu) March 29, 2025
Десетици илјади демонстранти денеска, носејќи со турски знамиња и пароли, пристигнаа на брегот во областа Малтепе, на азиската страна на најголемиот турски град. Митингот „Слобода за Имамоглу“ беше организиран од ЦХП.
„Ако правдата молчи, народот ќе зборува“, стои на една од таблите на демонстрантите.
„Насоката на економијата, судството, законодавството – сè оди надолу. Затоа сме тука. Ги истакнуваме „правата, законите и правдата“ и тука сме да ги бараме“, рече еден од демонстрантите.
Istanbul protests right now pic.twitter.com/sKYqYkKR3s
— Dennis N (@DennisN) March 29, 2025
ЦХП минатиот викенд одржа прелиминарни избори, каде што го избра Имамоглу за свој кандидат на претстојните претседателски избори. Тие не треба да се одржат до 2028 година, но републиканците сакаат предвреме да излезат на избори, тврдејќи дека владата го изгубила легитимитетот.
Министерот за внатрешни работи Али Јерликаја изјави дека оваа недела се приведени речиси 1,9 илјади луѓе.
Ердоган, владетелот на турската политика повеќе од две децении, ги отфрли протестите како „шоу“, предупреди на правни последици и ја повика ЦХП да престане да ги „провоцира“ Турците. Притворот на Имамоглу, исто така, предизвика турбуленции на пазарот, принудувајќи ја централната банка да реагира со мобилизирање резерви за поддршка на валутата.