Контакт

Свет

93-годишна баба со внукот ги посетила сите 63 национални паркови во Америка, сега планираат патување во Кенија

Објавено пред

93-годишна баба и нејзиниот 42-годишен внук по осум години го завршија предизвикот да ги посетат сите 63 национални паркови во Амеркика, пишува „Дејли мејл“.

dobivaj vesti na viber

Џој и Бред Рајан (42) од водопадите Охајо, почнале со посетите во 2015 година. Бабата Џој дотогаш немала видено планина ниту море.

Дуото во понеделникот го заврши своето патување во Националниот парк на Американска Самоа во јужниот дел на Пацификот, а сега дури и прават планови да патуваат низ светот.

Иако почнале да патуваат во 2015 година, тие почнале да го документираат своето патување на нивниот Инстаграм-профил, каде што може да се пофалат со преку 70.000 следбеници, во 2019 година.

Бред, ветеринар, ја сподели веста за нивната последна авантура на нивниот профил на социјалните мрежи, нарекувајќи го „најголема привилегија“ патувањето покрај баба си.

„Најголемата привилегија во мојот живот беше да бидам на возачкото место за патувањето на баба Џој“, напиша внукот.

„Ние им пркосевме на погрешните претпоставки за ограничувањата на стареењето. Ние им пркосевме на финансиските и логистичките ограничувања. Дури пркосевме и на пандемијата. И можеби сте забележале дека случајно ја направив баба Џој суперѕвезда, како што јас отсекогаш ја знам.
Имаме многу да споделиме со вас од Националниот парк на американска Самоа. Но, денес ја впиваме секоја унца радост што ни доаѓа од целиот свет. Вашата љубов и поддршка беа горивото што не доведе до целта“, вели внукот.

Нивната последна авантура била горчливо одбележана оти се случила само една недела откако починал таткото на Бред, одосно постариот син на Џој.

Бред истакна дека со достигнувањето на последниот чекор во нивното патување, тие му покажале на светот дека „никогаш не сте премногу стари за да се појавите и да го живеете авантуристичкиот живот од вашите соништа“.

Во текот на своето време во нивниот 63-ти парк, Џој и Бред поминале време во прашумата и поминале малку време „еден на еден“ со мајката природа, според нивниот Инстаграм.

Иако го посетија и последниот парк, нивните планови за патување сè уште не се завршени.

Бред и баба Џој изјавија дека сега на нишан го имаат светот.

„Сега кога ги посетивме сите американски национални паркови, погледите ни се вперени во светот, се надеваме дека ќе успееме да стигнеме на сите седум континенти. Се упатуваме кон Кенија за експедиција на National Geographic во јули. Не би ме изненадило да ја видам баба Џој како лета низ вселената или како оди по Месечината. Вака би требало да изгледа 93-та ако имаме среќа да живееме колку што живее таа“, изјави Бред.

Патувањето на бабата и внукот почнало откако бабата открила дека посакувала да патувала повеќе. Така им се родила идејата што ги поттикнала да патуваат.

„Мојот дедо, кој почина пред две децении, беше хранител на нивното семејство. Тој ги правеше сите нивни планови за патувања додека беше жив. Баба Џој му се придружуваше на зимските риболовни патувања до езерото Окичоби во Флорида откако тој се пензионираше, но таа никогаш не ги виде планините. Таа никогаш не патувала на запад. Кога го обработив она што ми го кажа, се сеќавам дека мислев дека никогаш нема да си простам ако умре сама во Охајо без да ги види Големиот Кањон, Јелоустоун, Јосемит и многуте иконски пејзажи на Америка. Беше засадено семе“, вели внукот Бред.

За исполнување на замислата бабата и внукот заедно искачувале планини, биле на рафтинг и спиеле под ѕвездите.
За целиот период, можеби она што било најневеројатно за двајцата, тие станале „најдобри пријатели“, откако повторно се поврзале и ја зајакнале врската што ја изгубиле кога не зборувале 10 години – среде разводот на родителите на Бред.

Џој, исто така, му помогнала на Бред да стане поотпорен. Го поддржувала во борбите за ментално здравје од кои тој страдал пред нивното прво патување во 2015 година.

Во меѓувреме, Џој изјави дека патувањата што ги направиле биле „надвор од сè што можела да замисли во нејзиниот живот“.

Бабата е воодушевена од она што го виделе, објаснувајќи дека и двајцата имале среќа да искусат и да видат работи што другите можеби никогаш нема да ги видат во нивниот живот.

„Останувам благодарен за можноста да му покажам на светот дека без оглед на возраста, можно е да се надополни изгубеното време“, вели Бред.

Тој додава дека баба Џој, која повеќето од нивните ноќи ги поминала во шатор, „ги инспирирала луѓето на нејзина возраст да излезат од столчињата за лулка и да истражуваат“.

Свет

Трамп укинува 3,3 милиони евра помош за ЛГБТ заедницата на Балканот

Објавено пред

Од

Претседателот на САД, Доналд Трамп, сака да откаже речиси 4,3 милијарди евра средства за странска помош и мировни мисии одобрени од Конгресот на САД, вклучувајќи 3,3 милиони евра за „промоција на демократијата меѓу ЛГБТ луѓето на Западен Балкан“, пишува „Њујорк пост“.

dobivaj vesti na viber

Трамп планира да го направи ова преку ретка постапка наречена „џебно повлекување“, правно сомнителна мерка која не е користена 48 години.

Овие средства беа наменети за разни невладини организации и странски влади, а претходно оваа година беа запрени од Канцеларијата за управување со буџетот на Белата куќа (WHOMB), по што беа заглавени во правно „чистилиште“ поради тужба поднесена од Глобалниот совет за здравје, водечката светска организација-членка посветена на унапредување на глобалното здравје.

Како што пишува „Њујорк пост“, администрацијата на Трамп ги истакна трошоците за кои тврди дека се непотребни.

Тие вклучуваат 21 милион евра за „отпорност на климатските промени“ во Хондурас, 2,31 милиони евра за фондацијата „Јужноафриканска демократија“, која „објави радикални расистички статии“, вклучувајќи статија насловена како „Проблемот со белите луѓе“, и 1,3 милиони евра за промоција на уметнички дела од украински сликарки.

Меѓу другите значајни трошоци се 3,3 милиони евра за промоција на демократијата меѓу ЛГБТ луѓето во Западен Балкан.

 

Што е „џебно повлекување“?

„Џебно повлекување“, како што објаснува Канцеларијата за одговорност на владата на САД (GAO), се случува кога претседателот бара од Конгресот да ги прекине (или поништи) средствата многу блиску до крајот на фискалната година – толку блиску што тие средства истекуваат пред да можат да се користат за нови обврски.

„Џебното повлекување“ во суштина го заобиколува авторитетот на Конгресот врз буџетот, според GAO.

Прикажи повеќе...

Свет

(Видео) Украинците дигнаа во воздух два клучни руски моста

Објавено пред

Од

Украинските сили спроведоа генијална операција во која уништија два клучни моста на руска територија, користејќи евтини дронови за активирање на експлозиви што претходно биле поставени таму од самите руски сили. Мостовите во близина на границата со регионот Харков биле користени за снабдување на руските трупи, а Русите ги минирале како мерка на претпазливост во случај на ненадеен украински пробив, пишува CNN.

dobivaj vesti na viber

Уништувањето на клучната инфраструктура на сопствената територија за да се забави непријателот е вообичаена воена тактика. Самата Украина го направи ова на почетокот на инвазијата во февруари 2022 година, кога го забави рускиот напредок кон Киев со уништување на мостови и одбрана на главниот град. Сепак, овој пат Украинците ја насочија руската мерка на претпазливост против себе.

Членовите на 58-та Одделна моторизирана стрелачка бригада, кои ја спроведоа операцијата, за CNN изјавија дека забележале необична активност околу еден од мостовите.

„Стана јасно дека нешто се случува таму. Не можевме да летаме со обичен извидувачки дрон под мостот бидејќи сигналот едноставно ќе исчезнеше, па затоа летавме со дрон опремен со оптички влакна“, рече портпаролот на бригадата.

Снимките од дрон открија куп противтенковски мини и друга муниција скриена под мостот.

„Ги видовме мините и удривме“, додадоа тие. Видеото нагло се прекинува во моментот на ударот, додека друга камера од далечина покажува силна експлозија.

Украинците, исто така, проверија уште еден мост во близина. „Откривме дека и тој е миниран и удривме. Видовме можност и ја искористивме“, рече портпаролот на бригадата.

Портпаролот на бригадата потврди за CNN дека дроновите што се користеле во нападот чинеле помеѓу 600 и 725 долари, што ја прави операцијата исклучително исплатлива. Рушењето на мост вообичаено бара скапа водечка муниција испукана од софистицирани системи како што се ракетни лансери или авиони.

Прикажи повеќе...

Свет

Израелска армија: Подготвени сме да ја започнеме офанзивата врз Газа

Објавено пред

Од

Израелската армија спроведува подготвителни операции во предградијата на градот Газа, објави денес портпаролот на Израелските одбранбени сили (ИДФ) Авичај Адрае, сигнализирајќи дека Израел е подготвен да започне офанзива насочена кон освојување на тој град на север од палестинската енклава.

dobivaj vesti na viber

„ИДФ работи многу интензивно во предградијата на Газа“, рече Адрае. Израел планира целосно да го окупира градот, иако претходно објави дека ќе премести речиси милион луѓе од него на југ од Појасот Газа.

„Ќе ги интензивираме нападите“, додаде портпаролот, нагласувајќи дека целта на операцијата е да се ослободат сите заложници и да се елиминира палестинската милитантна група Хамас.

Жителите потврдија за агенцијата ДПА дека армијата денес ги интензивирала нападите врз Газа. Најмалку 48 лица беа убиени, вклучувајќи 20 во северна Газа, соопштија медицински извори.

Фото: ЕПА

Прикажи повеќе...

Најново

Топ12 часа

Маж ја тепал бремената сопруга: јa притискал за вратот и ја удирал главата од креветот

Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело...

Македонија13 часа

Тројца повредни во пожарот во дискотеката „Пулс“ сè уште се во болница: еден во Истанбул, двајца во „Систина“

Тројца повредени во пожарот во дискотеката „Пулс“, при што загинаа 62 лица, веќе шести месец се на болничко лекување. Директорот...

Топ13 часа

Полово вознемирувал малолетно девојче: уапсен 75-годишен маж од Тетовско

Вчера во 17:00 часот во СВР Тетово е лишен од слобода З.Б.(75) од тетовско. Тој се сомничи за сторено кривично...

Македонија13 часа

Мицкоски: Почнуваме со проектот за третата фаза од пругата кон Бугарија

„Тоа ќе биде од големо значење за нас како држава, за Македонија како целина, бидејќи на тој начин ќе ја...

Македонија13 часа

И без документи, оние што се сомневаат дека биле непотребно оперирани нека поднесат претставка, повика Клековски

Сите што се сомневаат дека биле непотребно оперирани по скандалот дека се правеле операции на срце само за да се...

Македонија13 часа

Николоски: Почнуваме со реконструкција на обиколницата кај Крива Паланка, активно се работи и на граничниот премин

Имаме рекордни инвестиции во инфраструктурата во Крива Паланка и регионот. Само преку Владата, преку двата јавни повици инвестираме преку 200...

Македонија15 часа

(Видео) Шукова: Преку БРТ-системот јавниот превоз во Скопје ќе го решиме до средината на 2028

Јавниот превоз во Скопје е една од клучните слабости на Градот. ДПМНЕ и Арсовска ветуваа нови еколошки автобуси, бесплатен јавен...

Свет17 часа

(Видео) Во пукањето во Минеаполис убиени 8-годишниот Флечер и 10-годишната Харпер

Осумгодишниот Флечер Меркел и 10-годишната Харпер Мојски беа убиени во средата за време на мисата во католичкото училиште во Минеаполис....

Македонија18 часа

„Влен“: Арбен Фетаи ги уништи плановите на ДУИ и на заложниците на Ѓока

„Пропагандната машина на ДУИ и нејзините патерици започнаа ниска кампања на клевети и лаги против вицепремиерот, Арбен Фетаи. Криејќи се...

Македонија18 часа

ВМРО-ДПМНЕ: Сериозно се подготвуваме за претстојните локални избори, целта е историски резултат

„ВМРО-ДПМНЕ за четири години локална власт покажа дека општините може да се управуваат без афери, без криминал, злоупотреба на народни...

Македонија18 часа

Целосно изгаснат пожарот во општина Желино, кој се прошири кон месноста Карпалак

Пожарот кој вчера изби на територијата на општина Желино во атарот на село Церово, а подоцна во вечерните часови се...

Европа20 часа

(Видео) Се урна „Ф-16“ во Полска, пилотот загина

Полски воен авион Ф-16 се урна за време на проба за аеромитинг во Радом, централна Полска, при што загина пилотот,...

Европа20 часа

Мерц: Очигледно е дека нема да има средба меѓу Путин и Зеленски

Германскиот канцелар Фридрих Мерц повеќе не очекува средба меѓу рускиот и украинскиот претседател Владимир Путин и Володимир Зеленски во блиска...

Европа20 часа

(Видео) Амбасадата на САД во Украина за рускиот напад: Трамп беше јасен, убиствата мора да престанат

Руските напади врз украинската цивилна инфраструктура се неприфатливи и мора веднаш да престанат, објави амбасадата на САД во Украина на...

Свет1 ден

Фон дер Лајен: Путин мора да седне на преговарачка маса, Европа ќе ја одигра својата улога

Претседателката на Европската комисија, Урсула фон дер Лајен, денес разговараше телефонски со украинскиот претседател Володимир Зеленски и американскиот претседател Доналд...

Топ1 ден

21-годишно момче загина а две лица се тешко повредени во сообраќајка кај Градско

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко...

Топ2 дена

Битолчанец се удавил во водите на Охридското езеро

Вчера во 12.55 часот во ОВР Струга било пријавено дека во водите на Охридското езеро бил пронајден починат В.Т.(49) од...

Македонија2 дена

Мицкоски до Филипче: Време е да бидат конструктивна опозиција, растот на нето-платата сега е двојно поголем во однос на периодот на Владата на СДСМ

„Добро е да се направи споредба меѓу параметрите што ги прават СДСМ и ДУИ кога тие беа во Владата седум...

Македонија2 дена

Османи: Албанците никогаш нема да прифатат некој друг да одлучува во нивно име

Кандидатот за градоначалник на Чаир од редовите на ДУИ, Бујар Османи, реагираше на последните изјави на премиерот Мицкоски, кој најави...

Македонија2 дена

Арсовска: „Такво време дојде, ем да тепаат жени, ем да глумат жртви дека се тепани“

Градоначалничката на Град Скопје, Данела Арсовска со објава на социјалните мрежи пред утрешното рочиште во Кривичниот суд во Скопје, на...