Свет
Владата три години одговара на пратеничко прашање

Над сто пратенички прашања се заглавени по разни министерства, а пратениците се жалат дека немаат механизам како да ги натерат министрите да ги удостојат со одговор
НЕОДГОВОРНОСТ
]Над сто пратенички прашања се заглавени по разни министерства, а пратениците се жалат дека немаат механизам како да ги натерат министрите да ги удостојат со одговор
Македонскиоте парламентарци со години чекаат од владата да им одговори на пратенички прашања. Над сто пратенички прашања се заглавени по разни министерства, а пратениците се жалат дека немаат механизам како да ги натерат министрите да ги удостојат со одговор. Единствено на секоја нова сесија на пратенички прашања ги потсетуваат министрите дека се уште очекуваат одговори и реагираат процедурално кај спикерот Љупчо Јордановски, но малку фајде од тоа.
Пратеникот Слободан Чашуле тврди дека три години чекаа одговор од владата дали ќе прифати разговори за промена на уставното име. “Тогашниот премиер Бранко Црвенковски ми вети дека ќе добијам писмен одговор и од тогаш одговор нема”, изјави вчера пратеникот Чашуле.
Слично искуство има и пратеничката Славица Грковска, која речиси две години бара одговор од Министерството за образование на прашањето како се трошени парите на Телеком додени на пројекти во образованието, но досега ресорниот министер Азис Положани нема одговорено. “На три прашања долго време чекам одговор од Владата и реагирав процедурално кај спикерот Јордановски”, вели пратеничката Грковска.
За разлика од неа пратеникот Чашуле не инсистирал да добие одговор на неговото прашање бидејќи за него е депласирано за актуелни прашања Владата да одговара писмено. “Смислата на пратеничките прашања е проблемите да добијат на јавност, народот на слуша, и владата да даде отчет за нејзината работа пред парламентот”, вели тој. Според него, во британскиот парламент два пати неделно министрите одговорат на пратенички. “Ако владата не добие подршка за некое прашање од мнозинството, паѓа целиот владин кабинет”, објаснува Чашуле.
Нема начин да се принудат министрите да бидат поекспедитивни во одговарањето на пратеничките прашање, освен да се смени целиот систем смета Чашуле. “Ние се уште живееме во систем на самоуправувањето. Порано беше сочијалистичко, сега е капиталистичко самоуправување”, иронизира тој.
Н.С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Свет
Откриен можниот мотив на убиецот од Њујорк – оставил проштално писмо

Шејн Девон Тамура (27), напаѓачот кој вчера уби четири лица во деловна зграда во Њујорк, пред да си го одземе животот, оставил проштално писмо во кое тврдел дека боледува од хронична трауматска енцефалопатија (ЦTE) и побарал неговиот мозок да биде анализиран по смртта, јавува „Си-ен-ен“.
Во краткото писмо од три страници, пронајдено во неговиот џеб по пукањето, Тамура напишал: „Тери Лонг и американскиот фудбал ми ја донесоа ЦTE, поради што испив литри антифриз. Не можете да се борите против NFL – ќе ве згази.“ Тери Лонг, поранешен играч на Pittsburgh Steelers, беше дијагностициран со ЦTE и изврши самоубиство во 2005 година.
Тамура во пораката додал: „Ве молам, проучете ми го мозокот. Жал ми е. Кажете им дека ми е жал за сè.“
Според извори на „Си-ен-ен“, Тамура во младоста играл американски фудбал, што дополнително го поддржува неговото тврдење дека страдал од ЦTE – болест што најчесто се поврзува со повторувачки удари во глава кај спортисти, дури и без забележани потреси на мозокот.
Според досегашните сознанија, Тамура бил незадоволен од начинот на кој Националната лига за американски фудбал (NFL) со години го игнорира проблемот со ЦTE, кој е потврден кај бројни поранешни играчи по нивната смрт, а многумина имаат проблеми и додека се живи. Полицијата претходно објави дека Тамура имал „историја на ментални нарушувања“.
Тој влегол со пушка во зградата каде се наоѓа седиштето на NFL и почнал да пука во фоајето, а потоа и на 33. кат, пред да си го одземе животот. Еден вработен во NFL е тешко повреден, додека останатите биле навреме евакуирани.
Пријател од училишните денови, Калеб Кларк, го опишал Тамура како „најголемиот шегаџија во одделението, полн со енергија“. „Никогаш не би помислил дека би можел да биде поврзан со насилство. Луѓето му велеа дека е талентиран и посебен, но тој никогаш не кажуваше дека ќе игра во NFL,“ изјавил Кларк.
Во 2015 година, Тамура се преселил во Гранада Хилс и работел во казино во Лас Вегас, каде што поседувал дозвола за носење оружје.
Свет
Кремљ: Путин му се јави на Нетанјаху, разговараа за Сирија и за Иран

Претседателот на Русија, Владимир Путин, разговараше по телефон со израелскиот премиер Бенјамин Нетанјаху, објави прес-службата на Кремљ. Според руските власти, лидерите на двете земји разговарале за напнатата ситуација на Блискиот Исток.
„Руската страна ја потврди својата цврста позиција во корист на исклучиво мирно решавање на проблемите и конфликтите што постојат во регионот“, вели Кремљ. Путин ја нагласи важноста од поддршка на единството, суверенитетот и територијалниот интегритет на Сирија.
Рускиот претседател исто така ја изрази подготвеноста на Русија да помогне во наоѓањето преговарачки решенија поврзани со нуклеарната програма на Иран.