Свет
Вработените на "Рудкоп" обвинуваат дека им суделе нечесни судии
Незадоволни поради неспроведувањето на судските одлуки педесетина работници од Рудкоп вчера протестираа пред Основниот суд во Кавадарци.
Протести пред кавадаречкиот суд
Незадоволни поради неспроведувањето на судските одлуки педесетина работници од Рудкоп вчера протестираа пред Основниот суд во Кавадарци. На повеќето транспаренти работниците имаа испишано обвинувања за судиите што ги водат предметите на “Рудкоп”. “Дафков, давај ги предметите на чесни судии”, пишуваше на еден од нив.
“Дојдовме пред судот во Кавадарци да го изразиме нашиот протест против понижувањето од судии на кавадаречкиот суд и ‘Фени индустри’. Останавме на улица. Ни ги одзедоа машините и опремата и нў отстранија на другата страна од капијата”, ни изјавија револтираните работници.
“Време е да се свестат претседателот и судиите да ги спроведуваат законите или ќе побараме надлежните институции итно да ги разрешат и да поведат кривична постапка и постапка за одземање и конфискување на нивниот личен имот што го стекнале со одземање на машините и правото на овие акционери”, рече Љубица Рубен од “Акционер”.
Делегација составена од Тане Костадиновски, претседател на Управниот одбор на “Рудкоп”, Љубица Рубен и неколку вработени беа примени од претседателот на судот, Јордан Дафков, кој им објаснил дека надлежноста на Основниот суд е успешно завршена и им посочи да ја бараат правдата кај другите институции.
(А.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.