Свет
Прчевски треба да отвори истрага за приватизацијата на "Тиквеш"

ВМРО – Народна партија бара од јавниот обвинител Александар Прчевски да отвори истрага за преземањето на винарската виза “Тиквеш” од страна на групацијата “М6”, поради основано сомневање за сторен криминал
ВМРО- НП СО ПОВИК ДО ЈАВНИОТ ОБВИНИТЕЛ
ВМРО – Народна партија бара од јавниот обвинител Александар Прчевски да отвори истрага за преземањето на винарската виза “Тиквеш” од страна на групацијата “М6”, поради основано сомневање за сторен криминал, изјави Весна Јаневска, претседател на партијата на вчерашната прес-конференција. Според Јаневска, Прчевски во согласност со законот за кривична постапка може да отвори истрага за продажбата на “Тиквеш”, повикувајќи се на неодамнешната изјава на Светозар Јаневски, во која тој практично потврдил дека го купил “Тиквеш” под повластени услови.
– Свето Јаневски потврди дека во процесот на преземање на винарската визба тој преговарал и се договорал со тројца министри во тогашниот состав на Владата, за потоа да го купи “Тиквеш” со голем дисконт. Според Јаневски тој се договорал со премиерот Хари Костов и министрите Петар Гошев и Илија Филиповски. Сметаме дека Прчевски има основа да се отвори истрага, која конечно ќе ги разреши сите дилеми за регуларноста при приватизацијата на винарската визба. Тројцата поранешни владини функционери јавно ги прашуваме дали при продажбата на “Тиквеш” тие преговарале и се договарале и со другите заинтересирани за влез во винарската визба – порача Јаневска.
Таа вели дека ако јавниот обвинител не отвори истрага за приватизацијата на “Тиквеш”, ќе се потврди дека судот не е независен. Според неа, продажбата на “Тиквеш” е спротивна и на правилата на Берзата, бидејќи не биле обезбедени исти услови за сите потенцијални инвеститори.
– Фирмите треба да се продаваат на берза, а не преку влада. Ние немаме ништо против силните домашни компании. Напротив, но не и оние така наречени олигарси кои се силни само во Македонија, бидејќи тука ја имаат поддршката на Владата и бидејќи не плаќаат даноци. Во услови кога трговијата со Србија и Црна Гора во целост е либерализирана, кога има многубројни спогодби за слободна трговија со речиси сите земји во регионот, тие олигарски не прават ништо ни за себе ниту за државата. По се изгледа дека кај нас се уште политички се одлучува кој ќе биде богат, а кој сиромав – вели Јаневска. (А.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зошто нема жртви во еден од најмоќните земјотреси во историјата?

И покрај исклучително силниот земјотрес со магнитуда од 8,8 степени што го погоди рускиот полуостров Камчатка, немаше пријавени жртви. Неколку лица беа повредени.
Руската академија на науките соопшти дека земјотресот е најсилниот што го погодил регионот од 1952 година. Неговата магнитуда од 8,8 степени според Рихтеровата скала го става меѓу 10-те најмоќни земјотреси досега. Исто така, беше најтешкиот од 2011 година кога катастрофален земјотрес со магнитуда од 9,1 степени ја погоди Јапонија предизвикувајќи масивно цунами и нуклеарна катастрофа во Фукушима.
Земјотресот предизвика цунами високо до четири метри, а дел од градот Северокурилск беше потопен. Земјотресот оштети згради и предизвика тревоги и евакуации во неколку земји од Пацификот. Како е можно да нема жртви?
Епицентарот на земјотресот бил во Тихи Океан. Американскиот геолошки завод објави дека земјотресот се случил на длабочина од 19,3 км, околу 125 км од Петропавловск-Камчатски, град со 165.000 жители на брегот на заливот Авача.
Епицентарот бил на повеќе од 100 км од најголемиот град Камчатка, кој, генерално, е еден од најретко населените региони во Евроазија. Полуостровот има вкупно население од речиси 342.000 жители, а фактот дека епицентарот бил на повеќе од 100 км од најголемиот град значително го намалил директното влијание врз поголемите популации.
Не се пријавени поголеми штети на клучната инфраструктура во градот. Исто така, беше потврдено дека Меѓународниот аеродром „Петропавловск-Камчатски“ работел нормално по катастрофалниот земјотрес.
Земјотресот оштетил градинка, но внатре немало никој.
Russia 🇷🇺!
The walls of the “Rodnichok” kindergarten in Petropavlovsk, Kamchatka Peninsula, collapsed following the 8.7-magnitude earthquake. No children were present at the time, as the building was under repair. pic.twitter.com/gQ0SaXlC9u
— Islamist Cannibal (@Raviagrawal300) July 30, 2025
„Според Геолошкиот завод на САД, областа има релативно мала популација, па затоа не се очекуваат поголеми штети или повреди на локалното население или имотот“, изјави научничката Каролина Орчистон, директорка на Центарот за одржливост на Универзитетот во Отаго, за Центарот за научни медиуми.
Руските научници нагласија дека иако земјотресот бил многу силен, неговата прецизна локација значително го намалила интензитетот на тресењето на земјата во областите во кои живеат луѓе, објавија руските медиуми.
Земјотресот од 1952 година уби над 2.000 луѓе во градот Северокурилск, истиот што сега е делумно потопен. Сепак, повеќето од тие жртви загинаа од цунамито, а не директно од земјотресот.
Камчатка и рускиот Далечен Исток се наоѓаат на Тихоокеанскиот Огнен Прстен, геолошки активна област позната по силни земјотреси и вулкански ерупции бидејќи неколку големи тектонски плочи се среќаваат и судираат таму. Камчатка е затоа една од најсеизмички активните области во светот и често доживува силни земјотреси.
Покрај фактот дека изградбата е приспособена на стандардите што им овозможуваат на зградите да издржат значителни сеизмички потреси, високото ниво на подготвеност на локалното население исто така одигра клучна улога во намалувањето на последиците.
Градоначалникот на округот, Александар Овсјаников, рече дека има доволно време за евакуација на сите од погодените острови. „Сите луѓе се во зоната за безбедност од цунами“, рече тој на кризниот состанок.
Гувернерот Валери Лимаренко им изјави на руските новински агенции дека најважно е да нема жртви. „Нашите Северокурилци се многу искусни, ова не е првпат да им се случи ова, 2.400 луѓе внимателно се искачија на повисоките области и сè уште се таму“, рече тој.
Експертите веруваат дека високиот степен на подготвеност на локалното население, вклучително и редовната едукација, вежбите за евакуација и навремениот одговор, е клучен фактор за намалување на последиците од толку силни земјотреси и цунами.
Свет
Намалено предупредувањето за Хаваите

Предупредувањето за цунами за Хаваите е намалено, објави Тихоокеанскиот центар за предупредување од цунами.
Ова значи дека постои можност за силни бранови, мали поплави и силни струи, но не се очекува големо цунами.
„Евакуираните може да се вратат дома“, рече гувернерот на Хаваи, Џош Грин.
На луѓето им се советува да возат полека и да бидат безбедни, а воедно да внимаваат на поплави во некои области.
Според Пацифичкиот центар за предупредување од цунами, бран од 1,74 метар досега беше регистриран во Кахулуи, Мауи, а бран од 1,5 метар беше регистриран во Хаила, Хаваи.
Свет
Земјотрес во Русија на 30 јули предизвика цунами во Америка на 29 јули

Силен земјотрес со јачина од 8,8 степени според Рихтеровата скала го погоди полуостровот Камчатка на рускиот далечен исток во средата наутро во 11.24 по локално време. Набргу четири брана го погодија Северокурилск во руската Сахалинска област.
Сепак, до моментот кога првите бранови стигнаа до Хаваите неколку часа подоцна, според локалното време, таму беше вторник вечер.
Тоа е затоа што брановите, во календарска смисла, се вратија во минатото.
Додека се движеле на исток, брановите oд цунамито ја преминале Меѓународната датумска линија, невидлива граница што го дели Тихиот Океан и разграничува еден ден од следниот.
Фото: Цунами во Русија по потресот