Свет
Над 100 кгр завршиле во маркетите во Шпанија
Над 100 килограми кокаин сокриени во пакети со банани, наместо на наркопазарот, завршиле во повеќе маркети ширум ШпанијаСпоред полицијата, шверцерите направиле грешка и по некоја случајност пакетите со банани завршиле во супермаркетите во шпанските градови.
Над 100 килограми кокаин сокриени во пакети со банани, наместо на наркопазарот, завршиле во повеќе маркети ширум Шпанија
Според полицијата, шверцерите направиле грешка и по некоја случајност пакетите со банани завршиле во супермаркетите во шпанските градови.
Властите во Мадрид претпоставуваат дека пакетите требало да бидат подигнати од пристаништето Сагунто во Валенсија, но тоа не се случило.
Најголемата количина од оваа пратка или приближно 25 тони кокаин се пронајдени во еден од супермаркетите на познатиот синџир маркети на „Лидл“ во Мадрид.
Ова е втора по ред заплена на наркотици во последните две недели во шпанскиот главен град.
Пред неполни десет дена шпанските власти открија поголема количина на наркотици сокриени во палети со цвеќе во еден авион што пристигна од Колумбија./крај/мф/вм
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

