Али Хасан ал Маџид наречен уште и „Хемичарот Али“ е осуден на смртна казна со бесење затоа што во 1988 наредил напад со гасни бомби врз курдското село Халабија кога се убиени околу пет илјади луѓе, јави ирачката државна телевизија al Iraqia.

Али Хасан ал Маџид наречен уште и „Хемичарот Али“ е осуден  на смртна казна со бесење затоа што во 1988 наредил напад со гасни бомби врз курдското село Халабија кога се убиени околу пет илјади луѓе, јави ирачката државна телевизија al Iraqia. Али Хасан ал Маџид го доби прекарот заради многу честото употребување на отровниот гас во акциите кои режимот на Садам Хусеин ги преземаше против курдското население во Ирак. Хемичарот Али е братучед на Садам Хусеин, врз кого веќе беше извршена смртна пресуда заради репресиите и убиствата по бунтот на Курдите која се водела под шифрата „Анфал“ во периoдот од 1987-88 г. Во овие акции биле убиени речиси 180 илјади лица. Садам беше осуден на смрт и за крвавото задушување на шиитската револуција по Заливската војна од 1991 г. и во 1999 г. „Хемичарот“ бешe заробен во август 2003 г., пет месеци откако американските сили извршија инвазија на Ирак и го соборија садамовиот деспотски режим. Тој доби смртна казна во декември 2008 г. за неговата улога во задушување на шиитски бунт по Заливската војна во 1991 година, а друг за неговата вмешаност во убиството и поместување шиитски муслимани во 1999 година. /крај/бе/да