Свет
Либан: Спасувачките служби засега без вести за преживеани
Спасувачките служби почнаа со извлекување на првите тела од местото на уривањето на етиопскиот авион кој со 90 патници и членови на екипажот рано утрово се урна во Средоземното море.
Спасувачките служби почнаа со извлекување на првите тела од местото на уривањето на етиопскиот авион кој со 90 патници и членови на екипажот рано утрово се урна во Средоземното море. Боингот 737 на „Етиопиан ерлајнс“ со 83 патници и седум членови на екипажот исчезна од радарите пет минути по полетувањето од Бејрут кон Адис Абеба при доста нестабилни временски услови. Авионот се урна три и пол километри од брегот, односно на 15 километри јужно од либанскиот главен град. Спасувачките служби, војската и полициската мисија на ООН досега извлекле девет тела. Работата е отежната поради лошите временски услови. Либанските медиуми пишуваат дека е можно некој да го преживеал падот, но засега нема официјална потврда за тоа. Либанскиот претседател Михел Сулејман изјави дека засега нема знаци дека се работи за терористички напад. Во авионот патувале 54 либански државјани, 22 етиопски, и државнјани на Ирак, Сирија, Велика Британија, Русија и Канада. На списокот на патници е и сопругата на францускиот амбасадор во Либан. Според една претпоставка, удар од гром е причината за уривањето на авионот. Очевидци тврдат дека слушнале силен удар и потоа виделе како авионот претворен во огнена топка паѓа на површината на морето. /крај/хи/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пациентите со задолжително здравствено осигурување во Германија повторно би можеле да плаќаат такса за лекување во ординации
Во борбата против постојано зголемувањето на трошоците за здравствена заштита во Германија, економските експерти предлагаат поголемо учество на обврзниците на здравственото осигурување и повторно воведување на надоместоци за здравствена заштита, односно лекување во ординациите на општа пракса, пишува магазинот Феникс.
Шефот на Одделот за здравствена компетентност при Институтот за економски истражувања во Рајнише Вестфален Лајбниц (РВИ), Борис Аугурски, за Билд изјави дека укинувањето на здравствената такса во лекарските ординации е грешка.
– Наместо таксата за претходна пракса од десет евра по посета на лекар, подобро е, на пример, да земете пет евра по посета на лекар. Исклучок треба да биде земање рецепти, рече Аугурски, пренесува магазинот Феникс.
Стефан Грес, здравствен економист од Фулда, се залага за значително зголемување на прагот на придонесот.
Постепено треба да се зголеми од сегашните 62.100 евра годишно на 90.600 евра годишно.
– Тоа значи дека компаниите за здравствено осигурување би можеле да заработуваат околу десет милијарди евра повеќе годишно, изјави Грес за Билд.
Од друга страна, економистот од Фрајбург, Бернд Рафелхусен, повикува на здравствени придобивки независно од платата.
– Доколку сакате да платите помала такса, мора да ја зголемите месечната здравствена такса. Компаниите за здравствено осигурување мора да се вклучат за да им помогнат на луѓето кои не заработуваат доволно, рече Бернд Рафелхузен.
Пациентите со задолжително здравствено осигурување во Германија до крајот на 2012 година требаше да плаќаат квартален надоместок од десет евра за лекување и стоматолошки третман. Таксата беше укината во 2013 година.
Свет
Кина испраќа тројца астронаути во вселенската станица како дел од својата програма на Месечината
Кинеската вселенска агенција ги прави последните подготовки за испраќање на екипажот Шенжу-18 во ниската орбита на Земјата, како дел од нејзината вселенска програма која има за цел да испрати луѓе на Месечината до 2030 година.
Кинеската вселенска агенција за екипаж (CMSA) на денешната прес-конференција претстави тројца астронаути, командант Је Гуангфу, кој беше дел од мисијата Шенжу-13 2021, Ли Конг и Ли Гуангсу, кои за прв пат ќе одат во вселената, пренесува CRI. .
Вселенското летало со тројца луѓе се очекува да полета во четврток во 20:59 часот по локално време од центарот за лансирање на сателити Џиукван во пустината Гоби во северозападна Кина.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.