Свет
ММФ: Намалувањето на невработеноста мора да биде приоритет
Државите мора да спроведат политика за намалување на невработеноста која што поради рецесијата, многу брзо се зголеми во голем број земји во светот.
Државите мора да спроведат политика за намалување на невработеноста која што поради рецесијата, многу брзо се зголеми во голем број земји во светот.
Ова е ставот на првиот човек на Меѓународниот монетарен фонд (ММФ) Доминик Строс-Кан.
„Не можам да кажам дека кризата завршила се додека не се справиме со невработеноста. ММФ има многу цврста позиција кога се работи за овој проблем“, изјавил Строс-Кан за француското радио Ер Те Ел.
Според него, мерките за поткрепа на светската економија се краткорочни и треба да се направи долгорочен план за намалување на државните дефицити.
„Откако земјите ќе стават акцент на намалување на невработеноста, владите во следниот период треба да работат на намалување на долговите. Ова би требало да е приоритет во моментов“, смета генералниот директор на ММФ Строс-Кан./крај/бгн/ит/.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.