Двајца полицајци се осомничени дека учествувале во организирање канал за шверц со луге.

Двајца полицајци се осомничени дека учествувале во организирање канал за шверц со луге. Тие се упасени заедно со уште деветмина криминалци во голема полициска акција. Приведувањето на осумничените според кажување на очевидци , се одвивал под досега невидено обезбедување. Вистинска филмска рација., во која учествувале над 20 полицајци од редовната и од граничната полиција, но и од оделението за организиран криминал. Повеќе од седум часа траел распитот на девет лица кои во средата, еден час пред полноќ, со автобус на Граничната полиција биле пренесени до Основниот суд Скопје 1. Засега се приведени девет лица од групата што брои 11 лица, а се занимавала со криминални дејанија, во прв ред со илегално префрлање имигранти преку државната граница. Со оглед на тоа што групата ја сочинуваат македонски граѓани од неколку града, може да се каже дека станува збор за еден од најдобро организираните канали за транспорт на илегални минувачи на државната граница

 ЉУБИША СТАНКОВИЌ

 Двајца полицајци се осомничени дека учествувале во организирање канал за шверц со луѓе. Тие се упасени заедно со уште деветмина криминалци во голема полициска акција. Приведувањето на осумничените според кажување на очевидци, се одвивал под досега невидено обезбедување. Вистинска филмскаиnbsp; рација, во која учествувале над 20 полицајци од редовната и од граничната полиција, но и од оделението за организиран криминал.

 Повеќе од седум часа траел распитот на девет лица кои во средата, еден час пред полноќ, со автобус на Граничната полиција биле пренесени до Основниот суд Скопје 1.

 Засега се приведенииnbsp; деветиnbsp; лица од групатаиnbsp; што брои 11 лица, аиnbsp; се занимавала со криминални дејанија, во прв ред со илегално префрлањеиnbsp; имигранти преку државната граница. Со оглед на тоа што групата ја сочинуваат македонски граѓани од неколку града, може да се каже дека станува збор за еден од најдобро организираните канали за транспорт на илегални минувачи на државната граница. Од вкупниот број осомничени дури четворица се странски државјани, но двајца од нив, засега се недостапни за нашите органи на прогон.

 Од судски извори дознаваме дека четворица од нив решиле да дадат своја одбрана, додека преостанатите петмина одлучиле да се бранат со молчење. Истите сознанија говорат дека само првоосомничениот пред истражен судија говорел повеќе од два часа. Распитот на осомничените траел до шест часот наутро, по што тие биле притворени во истражниот затвор "Скопје" во Шуто Оризари.

Портпаролот на Основниот суд Скопје 1, судијата Милан Доганџиски, вчера, го потврди приведувањето, распитот и притворањето на деветтемина осомничени за повеќе кривични дела. Според Доганџински, станува збор за полициска акција која долго време била подготвувана, а во реализацијата биле користени посебни мерки: следење, тонско снимање и снимање со инфрацрвени камери. Досегашните сознанија со кој располага полицијата говорат дека транспортерите на имигранти, во неколку наврати, успеале да прошверцуваат 30 лица, а дека непосредно пред нивното апсење бил пресечен нов контингент илегалци кои доаѓале од Албанија. Според официјалната полициска потврда, станува збор за 16 имигранти кои биле превезувани во камион-влекач.

Министерството за внатрешни работи информира дека завчерашното приведување е, всушност, апсење на две групи. Така, во првиот случај се инволвирани осум лица, но на слобода сў уште се наоѓаат двајца од нив. Скопјанецот Дејан С.(33), беровчанецот Јане Б.(42) и Зоран В., сопственик на скопската фирма "Кристибал", со камион-влекач, организирале транспорт на 16 албански државјани чија крајна дестинација била Грција. Имигрантите биле организирани од нивните сограѓани Ѓона Г. (29) од Корча и од недостапните Ѓ.У.(44) и К.Е.(25). За организираниот шверц имигрантите платиле меѓу 1.200 и 1.500 евра, откако легално влегле во државава на граничниот премин Свети Наум. Таму биле пречекани од прилепските таксисти Игор П.(28) и Благоја Б.(26), кои со возила ги пренеле до превалецот Плетвар, а таму имигрантите биле натоварени во камионот кој се упатил кон граничниот премин Богородица кај Гевгелија.

Кога камионот пристигнал на Богородица, возачот Зоран В. декларирал празно возило, но по извршени дополнителни проверки бил пронајден специјално изработениот бункер во кој биле скриени имиграните, меѓу кои и еден малолетник.Сведоците што го виделе ова тврдат дека тоа било филмска слика на избезумени и уплашени емигранти кои како глувци излегнале од бункерот со кренати раце. Против нив веќе се поднесени прекршочни пријави ; по краткиот притвор тие ќе бидат протерани од државава. Засега останува нејасно учеството на полицајците во шверцот на луге.

Вториот случај се однесува на обид за транзитирање на украдено моторно возило кое во државава требало да влезе во вторникот, во вечерните часови.

Некаде околу 19,30 часот возилото БМВ Х-5 се појавило на преминот Богородица, а дотаму го управувал бугарскиот државјанин М.Н. кој, откако го напуштил, пеш ја поминал државната граница. Сепак, луксузниот автомобил добил возач, откако во него влегол Раци Б.(38) од Подуево, Косово. Според договорот возилото требало да биде транспортирано до внатрешноста на државава, но во непосредна близина на Прилеп, Раци Б. бил пресретнат од полицијата која по извршени проверки утврдила дека за луксузниот автомобил биле изготвени фалсификувани документи и дека тоа во Интерпол е пријавено како украдено во Мадрид, Шпанија.

Дополнителните проверки покажале дека возилото влегло во Македонија, откако полицискот работник Венци Н.(39) и раководителот на смена Горан В.(38) воопшто не го контролирале и не го евидентирале. Затоа, против Дејан С. и Раци Б. се поднесени пријави за фалсификувањеиnbsp; исправа, а за полицајците за сторена злоупотреба на службена должност и овластување. Инаку, сите четворица издржуваат мерка притвор.

Непотврдени информации говорат дека полицијата презела голема акција која се одвивала на самиот граничен премин Богородица. Сите кои се затекнале на работа биле приведени и распитани, но дека само двајца биле задржани. Наши непотврдени созанија говорат дека големата полициска акција не е комплетирана и дека е можно да има нови приведувања и притворања.