Свет
Aкутната фаза на пандемијата на коронавирусот ќе заврши во 2022, предвидува Бил Гејтс

Акутната фаза на пандемијата на коронавирусот ќе заврши во 2022 година, предвиде основачот на „Мајкрософт“, Бил Гејтс, на својот блог, но појавата на новиот сој омикрон ја нарече загрижувачка, пренесуваат агенците.
„Можеби не е паметно да се предвидат работите, но мислам дека акутната фаза на пандемијата ќе биде завршена во одреден момент во 2022 година“, напиша милијардерот на својот блог.
Фармацевтските компании во минатото имаа големи проблеми со продажбата на своите вакцини против грип бидејќи тие имаат релативно ниска ефикасност во споредба со другите вакцини бидејќи научниците треба да предвидат кој вид на вирусот ќе биде распространет во дадена година.
Гејтс, сепак, има цврст став кога станува збор за терапиите и истакнува дека фармацевтскиот гигант „Мерк“ неодамна доби одобрение од ФДА за својот антивирусен лек „молнупиравир“, кој им се препишува на луѓе со висок ризик од Ковид-19. Овој лек значително ги намалува шансите за хоспитализација или смрт од коронавирусот, напиша тој.
Гејтс призна дека, и покрај широката употреба на вакцини против Ковид-19 во светот, повеќе луѓе починале во 2021 година отколку во 2020 година додавајќи дека подобрувањето оваа година не било драматично како што се надевал.
Инаку, богатството на Гејтс се зголеми на 137 милијарди долари за време на пандемијата и тој стана четвртиот најбогат човек во светот.
Тој ја нарече појавата на новиот сој омикрон загрижувачка, но нагласи дека светот е подобро подготвен да се бори со потенцијално опасните варијанти отколку што беше. Инаку, јужноафриканските научници, кои ја открија варијантата омикрон, тврдат дека симптомите на болеста предизвикана од овој сој на вирусот се генерално поблаги.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.