Свет
Aмериканскиот моќен носач на авиони се движи кон Израел

Ударната група на носачи на американската морнарица е упатена кон источното Средоземно Море, потврди министерот за одбрана Лојд Остин, додека Израел се подготвува за голема кампања против Хамас во Газа.
„USS Gerald R. Ford“, носач на авиони на нуклеарен погон, пловел со италијанската морнарица претходно оваа недела, ставајќи го блиску до Израел.
САД, исто така, преземаат чекори за зајакнување на своето присуство на борбени авиони во регионот, вклучувајќи ги ескадрилите Ф-35, Ф-15, Ф-16 и А-10, јавува „Си-ен-ен“.
USS Gerald R. Ford чини 12,9 милијарди долари. Изградбата на моќниот носач почна во 2007 година, а на неа работеа повеќе од 5.000 луѓе. Може да носи 75 авиони и 4.660 луѓе. Достигнува брзина од 55 км/ч, а од него ќе може да полетува по еден авион на секои шест минути, што теоретски овозможува дури 220 воздушни напади дневно.
Гордоста на американската морнарица е долга повеќе од 330 метри и висока 76 метри. Името го носи по 38-от претседател на САД, Џералд Форд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Свет
Белата куќа: Секоја земја која неправедно се однесува кон САД ќе биде цел на дополнителни царини

Секоја земја што неправедно се однесува кон САД треба да очекува дека ќе биде цел на дополнителни царини, соопшти денеска Белата куќа, два дена пред американскиот претседател Доналд Трамп да ги објави, како што рече, сеопфатните, реципрочни царини.
„Секоја земја што се однесуваше неправедно со американскиот народ треба да очекува да добие царина во среда како реципрочна мерка“, им рече на новинарите портпаролката на Белата куќа Каролин Левит, одбивајќи да даде дополнителни детали, според Ројтерс.
На прашањето дали ќе има исклучоци за земјоделците, таа рече дека „во овој момент нема исклучоци“.
Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.