Свет
Берлин испрати јасна порака до Иран: Откажете се од нуклеарната програма и отворете го Ормускиот теснец
Германија се приклучи кон американската позиција кон Иран, откако германскиот министер за надворешни работи Јохан Вадефул побара Техеран повторно да го отвори Ормутскиот теснец и да ја прекине својата нуклеарна програма, пренесе Ал Џезира.
„Како блиски сојузници на Соединетите Американски Држави, ја делиме истата цел: Иран мора целосно и проверливо да се откаже од нуклеарното оружје и веднаш да го ослободи Ормускиот теснец, како што бара и американскиот државен секретар Марко Рубио“, напиша Вадефул на платформата X.
Изјавата доаѓа во период на зголемени тензии меѓу Вашингтон и европските сојузници, откако американскиот претседател Доналд Трамп изрази незадоволство од неподготвеноста на дел од европските лидери да се приклучат на американско-израелската линија против Иран.
Минатата недела и германскиот канцелар Фридрих Мерц упати критики за војната со Иран, оценувајќи дека иранското раководство ги „понижува“ САД и посочувајќи на недостаток на јасна стратегија од Вашингтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мелони по расправијата со Трамп: Време е за враќање во нормала
Италијанската премиерка Џорџа Мелони изјави дека односите меѓу Италија и САД треба да се вратат во нормала по минатонеделната јавна расправија со американскиот претседател Доналд Трамп.
„Немам намера да продолжам да ја разгорувам оваа расправија“, изјави Мелони во интервју.
Во петокот, Мелони го обвини Трамп дека измислил приказна за неа, откако американскиот претседател за италијанска телевизија изјави дека таа го „молела“ да се фотографира со неа на неодамнешниот самит на Г7 во Франција.
Мелони одговори дека „ниту таа, ниту Италија никогаш не молат“ и порача дека билатералната соработка меѓу Италија и САД треба да се врати во нормални рамки.
Таа нагласи дека не очекува негативни последици врз односите меѓу двете земји и оцени дека тие остануваат добри.
Спорот дополнително се заострил откако италијанскиот министер за надворешни работи Антонио Тајани соопштил дека го откажува планираното патување во САД поради навредливите изјави на Трамп.
Свет
(Видео) Пожар во облакодер во Мадрид
Пожар избувна во облакодерот Торе Моеве во Мадрид, каде што се наоѓа седиштето на шпанската енергетска компанија Moeve.
Поради густиот чад, зградата беше евакуирана, а вработените и другите присутни беа изведени надвор. Според полицијата, пожарот подоцна бил ставен под контрола и нема повредени.
Hace unos 15 minutos se oyó una explosión en la torre de Moeve, en la 4 torres en Madrid pic.twitter.com/gChyIEGIe1
— ArturoCrosby (@ArturoCrosby) June 23, 2026
Сведоци изјавиле дека чадот почнал да се шири уште пред да се вклучи противпожарниот аларм. Причината за пожарот засега не е позната.
Hace unos 15 minutos se oyó una explosión en la torre de Moeve, en la 4 torres en Madrid pic.twitter.com/gChyIEGIe1
— ArturoCrosby (@ArturoCrosby) June 23, 2026
Свет
Зеленски му предложил на Трамп да го донесе Путин на самит во САД
Украинскиот претседател Володимир Зеленски му предложил на американскиот претседател Доналд Трамп да организира самит во САД на кој би присуствувал и рускиот претседател Владимир Путин.
Според украински извори, Зеленски смета дека на Путин би му било многу потешко да одбие покана од Трамп отколку директна покана од Киев. Наводно, Трамп позитивно ја примил идејата, но американски претставници посочуваат дека таква средба не треба да се очекува во блиска иднина.
Предлогот доаѓа во време кога Украина ги засилува нападите врз руска територија, со цел да изврши притисок врз Кремљ за посериозни мировни преговори.
За време на неодамнешната средба, Зеленски и Трамп разговарале и за противвоздушната одбрана на Украина и можноста за лиценцирано производство на ракети за системот Патриот во Украина.
