Центарот на Денвер, Јонас Валанчунас (34), ќе ја продолжи својата кариера таму каде што сè започна, во Литванија.

Според порталот „Баскетњуз“, Литванецот ги брои последните денови како член на Денвер и последните денови воопшто во најсилната лига, по што повторно ќе биде слободен да избере нов клуб.

Кога официјално ќе се раздели со Денвер на 8 јули, ќе потпише двегодишен договор со литванскиот шампион Жалгирис, објавува истиот извор, и, без сомнение, ќе биде големо засилување за Евролигата.

Валанчунас веќе се договорил со најтрофејниот литвански клуб, па останува само да се официјализира соработката, што сега е само прашање на време. Се очекува дека ќе има два милиони евра по сезона во Жалгирис.

Вкупно, Валанчунас заработил 156.151.944 долари преку НБА во 14 сезони од својата кариера.

Тој во најсилната лига имаше просек од 12,8 поени и 9 скока по натпревар, како и 1,4 асистенции и една блокада за 24,4 минути. Одигра 1002 натпревари во НБА.

Португалија ја забележа првата победа на Светското првенство и обезбеди место во нокаут фазата. Португалците со 5:0 (3:0) го победија аутсајдерот Узбекистан.

Кристијано Роналдо постигна два гола. Првиот во шестата минута со што ја прекина серијата од 10 натпревари без постигнат гол на светските и европските првенства. Роналдо воедно стана вториот најстар стрелец во историјата на Мундијалите.

По голот на Роналдо во шестата минута, во 17-та Нуно Мендеш од слободен удар зголеми на 2:0.

Узбекистан потоа малку ја презеде контролата врз топката, Галиев постигна фанатстичен гол во 29-та минута, но ВАР-от се активираше, пресуди дека имало претходно фаул врз Кансело.

До крајот на првиот дел Роналдо го постигна вториот гол, негов 10-ти на Мундијалите, со што стана најефикасниот Португалец кога се во прашањето натпреварите на Мундијалите.
Во вториот дел Португалците постигнаа уште два гола, Неметов во 60-та минута ја погоди сопствената мрежа, а во 87-та Леао стави точка на натпреварот.

Во последното коло, во групата, Португалија ќе игра против Колумбија, а Узбекистан против ДР Конго.

Foto/ EPA

За Топспорт од Вимблдон: Ненад Живановски-Столиќ

Со успешен настап во првото коло на квалификациониот турнир во Вимблдон, во кој Лина Ѓорческа ја совлада шпанската тенисерка Анхела Фита Болудо со 6-2 и 6-4 во сетови, таа обезбеди пласман во второто коло во кое ќе игра против Португалката Франциска Жорге.
По натпреварот Ѓорческа во разговор за Макфакс ги сподели впечатоците од мечот:

„Уште пред мечот бев добро подготвена, со тренерот имавме соодветна тактика испланирано, знаевме дека Франциска игра со лева рака, што е многу незгодно за нас кои играме со десна, и тоа не само на трева туку и на било која друга подлога. Но, тоа е особено забележливо на оваква подлога, каде топката се лизга и се движи многу побрзо. Затоа, нејзиниот сервис најмногу можеше да ми направи проблеми, но, исто така, таа упатува и многу слајс топки. Како и да е, штом е победа, значи дека сè добро се завршило и дека добро сме се подготвиле за мечот“.

Наредниот меч Лина го игра против Франциска Жорге, против која се има сретнато еднаш на ВТА турниорот во Скопје, во кој нашата тенисерка била поуспешна. За очекувањата од овој настап таа ни изјави:

„Очекувам добар меч. Сити ние кои сме овде дојдени, знаеме да играме тенис, и сме горе-доле на исто ниво, така што очекувам занимлив меч. За разлика од денешната противничка, наредната игра поагресивен тенис и ќе видиме што ќе покаже теренот. Во овие квалификации одам меч по меч и воопшто не размислувам за патот до главниот турнир. Сметам дека подготвена дојдов на турнирот, иако никогаш не можеш доволно добро да се подготвиш за тревнат терен. Ние во Скопје успеавме да најдеме терен со вештачка трева, но таа е многу поразлична од оваа на Вимблдон. Во такви околности ни беа подготовките, така што, на крајот од денот, добро се заврши“.

После Вимблдон, иако е лето, за Лина нема одмор и таа ја продолжува сезоната на други турнири.

„Ме чекаат три 125 ВТА турнири, еден во Франција и два во Италија, Рим и Палермо. Се надевам дека со добар резултат на овие турнири ќе напредувам на ВТА листата, особено што во овој период немам поени за бранење.“

Следниот меч Лина Ѓорческа го игра во среда, и овој натпревар не би требало да почне пред 17 часот.