Свет
Депардје смета дека Трамп за разлика од Буш не е идиот

Новоизбраниот претседател на САД, Доналд Трамп, за разлика од поранешниот републикански претседател Џорџ В. Буш, не е идиот, смета славниот францускиот актер Жерар Депардје кој предизвикува реакции во јавноста со своите политички оцени.
„За разлика од Џорџ В. Буш, тој (Доналд Трамп) не е идиот, зборува работи кои се поголеми од него“, вели Жерар Депардје во интервјуто за неделникот Journal du Dimanche.
„Никој не знае за што е способен“, истакнува актерот кој смета дека за подемот на Трамп во власта е виновно се поголемото отуѓување на политичарите од обичните гласачи.
„Тоа е добар урок за политичарите коишто веќе подолго време ништо не работат“, вели 67-годишниот француски актер.
„Довербата е изневерана, луѓето сакаат да ја преземат контролата“, појаснува Депардје.
Како и Доналд Трамп, и Жерар Депардје има позитивно мислење за рускиот претседател Владимир Путин, и во 2013 година прими руско државјанство во знак на протест против законот на францускиот социјалистички претседател Франсоа Оланд за зголемување на данокот на богатите во Франција, од каде што најпрво се пресели во соседна Белгија.
Во споменатото интервју Депардје, вели дека не верува оти челничката на француската крајна десница Марин Лепен, може да победи на француските претседателски избори кои ќе се одржат за шест месеци.
„Марин Лепен не претставува закана. Тоа се глупости. Таа е дел од колатералната штета на општеството кое не успева да ги контролира новите средства за комуникација и го минува времето градејќи кули во воздух“, заклучува Депардје./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Аеродромот во Загреб затворен за сообраќај – мал авион слета надвор од пистата

Аеродромот „Фрањо Туѓман“ во Загреб денеска попладне беше затворен за сообраќај поради инцидент со приватен авион кој се излизгал од пистата, пишува Индекс.
Инцидентот се случил околу 15:21 часот, при слетување на приватен авион од типот Cessna 525.
Леталото проклизнало и завршило на тревната површина покрај пистата.
Според информации од авиокомпанијата, авионот бил празен и во инцидентот нема повредени.
Во моментот се преземаат мерки за отстранување на леталото од пистата, а аеродромот останува затворен до понатамошно известување.
Од Аеродромот „Фрањо Туѓман“ се извинија на патниците за доцнењата на пристигнувачките и поаѓачките летови и најавија дека јавноста ќе биде навремено информирана кога сообраќајот повторно ќе биде воспоставен.
Свет
Масовни протести во Шпанија против корупција

Повеќе од десетици илјади луѓе се собраа денес во Мадрид на демонстрации организирани од главната конзервативна опозициска партија, против владата на социјалистичкиот премиер Педро Санчез, обвинувајќи ја за корупција.
Демонстрантите се собраа на Шпанскиот плоштад во центарот на главниот град, велејќи му на Санчез да „поднесе оставка“.
Народната партија го свика собирот откако протечените аудио снимки наводно покажуваат дека член на Социјалистичката партија води кампања за клевета против полициска единица што истражува обвинувања за корупција, во која наводно се вклучени сопругата, братот и поранешната десна рака на Педро Санчез.
Социјалистичката членка ги негираше обвинувањата, кажувајќи им на новинарите дека спроведувала истражување за книгата и дека не работи во име на партијата или на Педро Санчез, а потоа ја напуштила Социјалистичката партија.
Лидерот на Народната партија, Алберто Нуњез Феихо, ја обвини владата за „мафијашки практики“ во аферата, тврдејќи дека Санчез е во центарот на повеќе корупциски скандали.
Народната партија процени дека повеќе од 100.000 луѓе присуствувале на денешниот митинг под слоганот „Мафија или демократија“.
Владин претставник во Мадрид процени дека на демонстрациите имало помеѓу 45.000 и 50.000 луѓе.
Свет
Тропската бура Барбара се формираше покрај брегот на Мексико

Тропската бура Барбара се формираше покрај југозападниот брег на Мексико, соопшти Националниот центар за урагани во Мајами рано утрово. Не се издадени предупредувања за крајбрежна опасност.
Брзината на ветерот беше околу 75 километри на час со повремени силни налети. Се очекува бурата да прерасне во ураган во понеделник.
Во делови од мексиканските држави Гереро, Мичоакан, Колима и Халиско можни се обилни врнежи од дожд од 5 до 10 сантиметри, а на некои места и до 15 сантиметри. Врнежите од дожд можат да доведат до поплави и лизгање на земјиштето.