Европа
(Видео) Киев го насанка Западот: Украинците ја напаѓаат Русија со оружје на НАТО
Упадот на украинските диверзанти во регионот Белгород во Русија уште еднаш го иницира прашањето како Киев го користи оружјето доставено од НАТО, пренесува „РТ Балкан“.
Така, Зеленски ќе мора да ѝ поднесе сметка на Белгија по реакциите на белгискиот премиер Александар де Кро, кој посочи дека неговата земја ќе побара од Украина да ги објасни извештаите во кои се наведува дека во западните делови на руската територија биле користени белгиски пушки.
„Нашето Министерство за одбрана и разузнавачките агенции почнаа истрага за да се утврди што точно се случило. Европското оружје се доставува до Украина под услов да се користи на територијата на Украина, за одбрана на украинската територија. Бараме од Украинците да ја разјаснат ситуацијата“, рече Де Кроа истовремено одбивајќи да прецизира со какви последици ќе се соочи Киев ако се докаже дека ги игнорирал договорите.
Белгија, меѓутоа, не е единствената земја што Киев ја насанкал, а „Вашингтон пост“ објави список на сите земји чија вооружена помош била злоупотребена надвор од границите на Украина.
Во упадот во Белгород биле користени најмалку четири тактички возила, кои на Киев му ги дале САД и Полска, признале американски претставници.
Припадниците на Легијата за слободна Русија и Рускиот волонтерски корпус, неонацистичка единица под команда на Киев, која го изврши упадот преку руската граница, ги користеле гореспоменатите белгиски пушки, како и пушки обезбедени од Чешка и најмалку еден противтенковски ракетен фрлач „АТ4“, што го користат западните трупи.
„Американските и западните претставници инсистираат Украина внимателно да го следи оружјето во вредност од милијарди долари што пристигнало во земјата. Сојузниците на Киев во голема мера им забранија на украинските сили да користат западно оружје и опрема за напади на руска територија“, пишува „Вашингтон пост“ посочувајќи дека неодамнешниот напад врз Русија го покажа слабиот надзор над употребата на ова оружје.
На прашањето за употребата на американска опрема за прекугранични напади, портпаролот на Стејт департментот рече дека САД не ги охрабруваат или олеснуваат нападите во Русија.
„Бевме јасни дека не ја поддржуваме употребата на опрема од американско производство за напади во Русија. Нашиот фокус е да ѝ обезбедиме на Украина опрема и обука што ѝ се потребни за повторно преземање на нивната суверена територија и токму тоа го направивме “, рече тој.
Тој додаде дека секоја земја носи суверени одлуки за тоа каква помош ќе ѝ даде на Украина и какви услови ѝ наметнува за тоа оружје, но посочи и дека многу други земји побарале од Украинците да го користат оружјето само за одбрана.
Политичкиот координатор на субверзивната и проукраинска Легија на слободна Русија, Илја Пономарјев, призна дека навистина има ограничувања за користење на западната опрема, но се обидел и да се оправда тврдејќи дека станува збор за оружје што Русите првин им го одзеле на Украинците, а потоа тие го вратиле.
Рускиот волонтерски корпус негирал дека користел западно оружје за време на нападите, но „Вашингтон пост“ ги демантирал тврдењата ангажирајќи експерт што ги прегледал фотографиите од Белгород и открил дека корпусот користел чешки пушки „брен“, како и белгиски јуришни FN SCAR.
Весникот наведува дека оваа белгородска епизода иницира прашања за одговорноста, како и за тоа колку САД се подготвени да го толерираат својот сојузник Зеленски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Експлодира бензинска пумпа во Рим, неколку повредени, тројца со сериозни изгореници
Неколку лица се повредени, меѓу кои тројца со сериозни изгореници, по експлозија на бензинска пумпа во Рим, јавуваат медиумите.
#Últimahora 🚨 Sentida en #Roma una fuerte explosión originada en un depósito de combustible de #Centocelle. Hay varios heridos.#Rome #Italia #Italypic.twitter.com/DNyPh0Vr7e
— eSPAINews (@eSPAINews_) July 4, 2025
Силна експлозија на дистрибутивна станица за бензин, дизел и течен нафтен гас на Виа деи Гордијани се слушнала во целиот италијански главен град.
Локалниот портал „Рома тудеј“ објави фотографија, на која се гледа огромен облак од чад и пламен над бензинската пумпа.
BREAKING: A powerful explosion struck a fuel depot on Via dei Gordiani in Rome, Italy, injuring multiple people. pic.twitter.com/Aw0EM1dhEW
— Weather Monitor (@WeatherMonitors) July 4, 2025
Агенцијата за јавен превоз во Рим, „Атак“, соопшти дека блиската метро-станица Теано е затворена по наредба на полицијата.
Европа
(Видео) Украинците со дронови нападнаа трафостаница во близина на Москва
Украина изврши напад со беспилотно летало врз областа Сергиев Посад во близина на Москва рано утрово, при што едно лице беше повредено и беше прекинато снабдувањето со електрична енергија во делови од верски значајниот центар, изјави раководителот на областа.
„Ги молам сите да останат смирени, да не се приближуваат до прозорците, да не ја фотографираат работата на воздушната одбрана“, напиша Оксана Јероханова во објава на апликацијата за пораки Телеграм.
Таа рече дека во округот – на околу 75 километри од Кремљ – биле пријавени најмалку четири експлозии и дека е оштетена трафостаница, оставајќи делови од округот без електрична енергија.
Drones strike Russia’s Sergiyev Posad in the Moscow region, with a power station among the damaged targets. pic.twitter.com/H2vVCwddql
— KyivPost (@KyivPost) July 4, 2025
Административниот центар на округот, градот Сергиев Посад, се смета за религиозен центар на Московскиот регион и духовно срце на Руската православна црква.
Руското Министерство за одбрана соопшти на Телеграм дека единиците за воздушна одбрана уништиле 48 украински беспилотни летала над пет руски региони преку ноќ. Министерството, кое известува само за бројот на беспилотни летала што ги уништиле неговите сили, а не за бројот на летала лансирани од Украина, не го наведе Московскиот регион како регион каде што биле соборени беспилотните летала.
Европа
(Видео) „Ова беше една од најлошите ноќи во Киев досега“, вели украинскиот министер за надворешни работи
Украинскиот министер за надворешни работи Андриј Сибиха изјави дека синоќа во Киев било „апсолутно ужасно и бессоно“ и „едно од најлошите досега“, откако Русија започна масовен, повеќечасовен ракетен и напад со дронови, врз украинската престолнина.
„Стотици руски дронови и балистички ракети паѓаа врз Киев“, објави Сибиха на платформата Икс.
Absolutely horrible and sleepless night in Kyiv. One of the worst so far.
Hundreds of Russian drones and ballistic missiles rained down on the Ukrainian capital.
Right after Putin spoke with President Trump. And he does it on purpose.
Enough of waiting! Putin clearly shows… pic.twitter.com/R0mlfUgJRx
— Andrii Sybiha 🇺🇦 (@andrii_sybiha) July 4, 2025
Тој додаде дека нападот бил извршен веднаш откако рускиот претседател Владимир Путин разговарал со американскиот претседател Доналд Трамп, заклучувајќи: „И тој го прави тоа намерно“.
„Доста чекање. На Москва мора веднаш да ѝ се воведат најстрогите можни санкции“, рече тој. Сибиха ја повика меѓународната заедница да престане да чека и решително да реагира.
„Путин јасно покажува целосно непочитување кон САД и сите оние кои повикаа на крај на војната. На Москва мора веднаш да ѝ се воведат најстрогите можни санкции. На Украина мора да ѝ се дадат сите потребни средства за нејзина одбрана“, рече тој.
Тој, исто така, предупреди дека одлуките што одложуваат можат само да го охрабрат агресорот да продолжи со теророт, заклучувајќи: „Секој криминален режим во светот сега внимателно ги следи потезите и реакциите на Путин на нив. Ако се извлече со ова, пораката ќе им биде јасна на сите. Престанете да чекате мир. Дејствувајте за да го постигнете. Мир преку сила“.
Киев синоќа беше под интензивно гранатирање со часови. Руските сили нападнаа најмалку 13 локации во градот, а според градоначалникот Виталиј Кличко, повредени се најмалку 19 лица, од кои 14 се хоспитализирани.
Гори кај Прилеп, Македонски Брод, Чашка и Велес – пресек на состојбата со пожарите
На територијата на државата се евидентирани вкупно осум пожари на отворен простор, од кои активни се четири, соопшти Центарот за...
(Видео) Со див приклучок на водоводната мрежа полевал илјадници метри земјиште – Град Скопје поднесе кривична
Град Скопје информира дека денеска е откриен нов див приклучок на мрежата за питка вода на подрачјето на општина Сарај,...
„Ова не е буцни прачка, пиј вино“ – Тошковски уверува дека се постапува за дивоградбите во Чаир
Министерството за внатрешни работи постапува по наредба од јавен обвинител во врска со случаите на дивоградби на подрачјето на скопската...
Куќен притвор за возачот што го усмрти Југослав на кеј, претходно бил осудуван за насилство и непочитување на ковид мерки
Судот му определи куќен притвор на 25-годишниот скопјанец кој со мотор без дозвола го усмрти Југослав Николовски (68) на пешачка...
17-годишник загина во сообраќајка во Кичево – возел мотор и се судрил со „ауди“
Несреќа со смртни последици се случи вчера во Кичево, пришто животот го загуби 17-годишно момче од овој град, кое управувало...
Трамп го потпиша својот „голем, прекрасен“ закон: „Никогаш не сум видел толку среќни луѓе“
Претседателот на САД, Доналд Трамп, вчера во Белата куќа потпиша голем пакет даночни олеснувања и намалувања на јавните трошоци, на...
Пеколни горештини во Македонија, температурата денес ќе достигне 41 степен
Македонија е под топлотен бран. Според метеоролозите, времето денес ќе биде сончево и многу топло со мала до умерена локална...
Маргини: Луѓето не заминуваат оти се откажале од формирање семејства, туку зашто државата се откажала од нив
Коалицијата Маргини ја осудува изјавата на премиерот Христијан Мицкоски дека „време е за држава каде што ќе се раѓаат повеќе...
Тенис на Вимблдон или трки на коњи во Аскот
Танталови маки за англиската аристократија Од специјалниот известувач од Вимблдон Во Велика Британија временските прилики се најчесто неприлики доколку планирате...
Османи: Владата направи огромна грешка што го постави јазикот како алатка за популистичка егзибиција, време е да се престане со националистичко родео
Владата направи огромна грешка што го постави јазикот како алатка за дневна политика и популистичка егзибиција. Со тоа тие ја...
Претходно осудувано лице: скопјанецот кој го усмрти пешакот со мотоцикл, немал возачка дозвола
Основното јавно обвинителство Скопје донесе Наредба за спроведување истражна постапка против 25-годишен скопјанец, осомничен за -Тешки дела против безбедноста на...
МНР со детали за несреќата во Србија: загинатиот Македонец има 39 години, тешко повреден е уште еден македонски државјанин
МНР соопшти дека до Амбасадата на Република Северна Македонија во Белград е доставена информација за сообраќајна незгода. Според соопштението несреќата...
МВР со апел до граѓаните: да не отвораат линкови од СМС пораки, можат да бидат цел на криминални групи
Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број...
Јаневска: Во изминатите седум години имаме 17.000 ученици и 7.000 студенти помалку, се празнат училниците
Во седум изминати години имаме 17.000 ученици и 7.000 студенти помалку. Училниците и амфитеатрите се празнат. Ако тоа не се...
Предлогот на Мицкоски за даночење на самците кореспондира со идеите од авторитарни режими, реагира Мрежата за заштита од дискриминација
За време на настанот „Демографски трендови, предизвици и можни решенија – Развој на стратешки документи за демографска отпорност“, претседателот на...
Драма во Шуто Оризари – насилници со палки, боксови и со клоци претепале вработен во „Водовод“
Тројца насилници со железни и дрвени палки, клоци и боксови претепале вработен во „Водовод“ пред пунктот на претпријатието во Шуто...
Поднесено обвинение против директорот на болницата за геријатрија за примање поткуп од 20.000 евра
Обвинителството поднесе обвинение против директорот на ЈЗУ Специјализирана болница за геријатриска и палијативна медицина во Скопје, Мухсин Арифи, и уште за...
Владата размислува да ги даночи немажените и неженетите, рече Мицкоски
Владата размислува за дополнителни даноци за немажени и за неженети, соопшти премиерот Христијан Мицкоски говорејќи дека е време за држава во...
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека во согласност со прогнозите од УХМР и врз основа на акцискиот план за...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
