Контакт

Европа

Објавена фотографија од руски дрон во Полска

Објавено пред

Порталот Defence24 објавува дека руски дрон е пронајден во градот Чешники, во близина на Замошќ и на 40-ина километри од границата со Украина.

dobivaj vesti na viber

Читател ја испратил фотографијата од леталото до редакцијата, а според неофицијални информации, станува збор за дрон од типот „Гербер“, кој Русија го користи за преоптоварување на украинската воздушна одбрана.

Во текот на ноќта Русија изврши масовен напад врз Украина, а повеќе од десет дрона влегоа во полскиот воздушен простор. Полската војска потврди дека оние што претставуваа директна закана биле соборени. Бројот и начинот на движење на леталото, според Defence24, укажуваат на намерна руска провокација.

фото: принтскрин

Европа

Големо враќање на легендарната руска шпионка, за која целиот свет пишуваше во 2010 година: Путин ѝ довери нова мисија!

Објавено пред

Поранешната руска шпионка Ана Чепмен, некогаш најпознатата тајна агентка во светот, повторно влезе во светот на шпионажата, овој пат со сосема нова задача од Москва.

dobivaj vesti na viber

Според руските медиуми, 43-годишната Чепмен, сега под името Ана Романова, е назначена за директорка на новоотворениот Музеј на руската разузнавачка служба, проект директно поврзан со елитната тајна служба на Владимир Путин, СВР (наследникот на поранешната КГБ).

Од британски државјанин до симбол на руската шпионажа
Чепмен стекна меѓународна слава во 2010 година, кога ФБИ ја уапси во Њујорк како дел од руска „скриена ќелија“. По кратко судење, таа беше вратена во Русија во размена на шпиони во која, меѓу другите, беше испратен и двојниот агент Сергеј Скрипал во Велика Британија. Скрипал подоцна беше отруен во Солсбери во напад за кој западните служби ја обвинија Москва.

Нејзиниот нов музеј е регистриран во близина на московскиот парк Горки, во зграда што ѝ припаѓа на Службата за надворешно разузнавање (СВР), и има за цел да ја прикаже „историјата и успесите на руската шпионажа“, со посебен акцент на операциите против Западот.

Чепмен и претходно се прослави во Лондон, каде што го искористи својот шарм и врски за да влезе во круговите на богати бизнисмени, политичари и олигарси. Таму, наводно, била регрутирана од руски агент кој дејствувал од британскиот главен град.

Таа станала британски државјанин преку бракот со Алекс Чепмен, но бракот завршил бурно. Нејзиниот поранешен сопруг, кој подоцна починал, еднаш се обидел да ја нападне Ана со дупчалка, објавија британските таблоиди.

Во својата автобиографија објавена минатата година, Чепмен се прикажува себеси како „женски Џејмс Бонд“ – таа е, како што вели, самоуверена, заводлива и пресметлива.

„Природата великодушно ми даруваше: тесен струк, гради и долга црвена коса. Сè што требаше да направам беше да ја нагласам со едноставна, но секси облека и лесна шминка. Најважно беше што не се трудев премногу. И тоа функционираше како магија“, напиша таа во своите мемоари.

Во мемоарите, таа опишува и патувања, раскошни забави и средби со влијателни луѓе, а меѓу деталите се споменува и како наводно се вработила во лондонски хеџ фонд – по партија стриптиз-покер.

Сепак, Чепмен не открива какви информации можеби ѝ пренела на Москва, ниту пак ги споменува британските политичари и милијардери со кои наводно се зближила.

фото: принтскрин

Прикажи повеќе...

Европа

(Видео) Руските сили го нападнаа Харков, една од целите приватна градинка

Објавено пред

Руските сили утрово го нападнаа Харков со беспилотни летала, а една од целите беше приватна градинка во округот Холоднохир. Во нападот беа повредени деца, едно лице беше убиено, а на местото на нападот избувна пожар, потврди градоначалникот Игор Терехов. Според последните информации, повредени се пет лица.

dobivaj vesti na viber

Според првите информации, помеѓу 10.55 и 10.57 часот во градот одекнаа три силни експлозии. Неколку беспилотни летала, за кои се верува дека се ирански „Шахеди“, беа видени на небото. Сите деца беа успешно евакуирани од погодената градинка до 11.18 часот. Сè уште гори местото на кое беше извршен напад.

Шефот на регионалната воена администрација, Олег Синегубов, извести за уште две жртви – маж и жена, кои беа пренесени во болница. Тој нагласи дека жената е во сериозна состојба и има тешки изгореници.

Напади во Украина
Руските ракетни напади во текот на ноќта предизвикаа пожари, а од остатоците од оружјето, кои паднале во неколку области на украинскиот главен град, биле запалени автомобили и искршени се прозорци, изјави градоначалникот на Киев, Виталиј Кличко.

Службите за итни случаи се испратени на неколку локации, каде што паднале остатоци од уништено воздушно оружје, рече Кличко на апликацијата за пораки „Телеграм“. Сведоците на „Ројтерс“ слушнале експлозии, кои изгледале како да се од воздушна одбрана во акција. Локалните медиуми објавија дека две лица се убиени, а 13 се повредени.

Киев беше под силен напад со балистички ракети и беспилотни летала во текот на ноќта и рано наутро, а градоначалникот Виталиј Кличко редовно даваше информации за ситуацијата на терен. Експлозиите одекнуваа во целиот град, а воздушната одбрана беше активна, рече Кличко на своите официјални канали.

Обемот на нападот и главната цел сè уште не се познати. Русија сè уште не коментира.

фото: принтскрин

Прикажи повеќе...

Европа

(Видео) Потрагата по крадците во „Лувр“ е во тек: „Ако не бидат фатени за една недела, дијамантите ќе исчезнат засекогаш“

Објавено пред

Музејот „Лувр“ во Париз беше принуден да ги затвори вратите вчера по грабежот во кој беа украдени непроценливи кралски скапоцености.

dobivaj vesti na viber

Полицијата почна масовна потера и е во трка со времето за да ги пронајде непроценливите предмети, објавува „Скај њуз“.

Светски познатиот музеј беше затворен откога крадци влегле во галеријата во која се сместени француските крунски скапоцености вчера околу 9.30 часот. Според францускиот министер за внатрешни работи, крадците влегле користејќи корпа со кран, скршиле прозорец и избегале со скапоценостите, за кои францускиот министер рекол дека се „од вистинска вредност на наследство и, се всушност, бесценети“.

Кражбата на деценијата
Детективот Артур Бренд го опиша инцидентот како кражба на деценијата додавајќи дека полицијата има само една недела да ги пронајде сторителите пред предметите да исчезнат засекогаш.

„Овие крунски скапоцености се толку познати што, едноставно, не можете да ги продадете“, изјави Бренд за „Скај њуз“. „Единственото нешто што може да го направат е да ги стопат среброто и златото, да ги расклопат дијамантите, да се обидат да ги исечат. Така, веројатно, ќе исчезнат засекогаш“.

„Полицијата има една недела. Ако ги фатат крадците, работите би можеле сè уште да бидат таму. Ако потрае подолго, пленот веројатно е исчезнат и расклопен. Тоа е трка со времето“.

Список на украдени вредни предмети
Француското Министерство за култура објави список од осум украдени предмети, а деветтиот предмет, иако украден, беше пронајден на местото на настанот.

Меѓу украдените накити се тијара и ѓердан од комплетот на кралицата Мари-Амели, смарагдниот ѓердан и обетките на царицата Мари Луиз, тијарата на царицата Евгенија и нејзиниот голем брош за корсет со 2.438 дијаманти.

Професионално извршена кражба
Властите открија детали за грабежот откога музејот, кој привлекува до 30.000 посетители дневно, објави на социјалните мрежи дека се затвора од вонредни причини.

Министерката за култура Рашида Дати рече дека снимката покажува оти крадците „немале намера да нападнат луѓе, тие влегле мирно за четири минути, ги скршиле витрините, го зеле пленот и си заминале“. Таа ги опиша како професионалци и дека не изгледаше насилно.

Министерот за внатрешни работи Лоран Нуњез потврди дека крадците користеле кран-корпа монтирана на камион. Бандата била добро подготвена откога претходно ја извидувала локацијата и го исекла стаклото на прозорецот со аголна брусилка пред да избега со два мотоцикла, веројатно „јамаха ТМАКС“.

Форензичката работа е во тек и се составува детален список на украдените предмети.

По влегувањето во музејот, крадците се упатиле кон галеријата „Аполон“, дом на француските крунски скапоцености. Во оваа раскошна сала се наоѓа и кралската колекција од скапоцени камења, слики и таписерии, како и три историски дијаманти.

Францускиот претседател Емануел Макрон напиша на „Икс“: „Ќе ги вратиме делата, а сторителите ќе бидат изведени пред лицето на правдата. Се прави сè, насекаде, за да се постигне ова“.

Историја на грабежите во „Лувр“
Ова не е првпат „Лувр“ да биде цел на крадци. Во 1911 година познатата „Мона Лиза“ беше украдена од нејзината рамка и беше пронајдена дури две години подоцна.

Во 1983 година беа украдени два ренесансни оклопи, кои беа вратени дури во 2021 година, речиси четири децении подоцна.

фото: принтскрин

Прикажи повеќе...

Најново

Македонија55 минути

„Додека Данела сака да биде инфлуенсерка и троши време на театар, претпријатијата и штрајкуваат, а вработените немаат плати“, велат од ВМРО-ДПМНЕ

„Со длабоко разбирање за состојбата во која се наоѓа и за предизвиците од лична природа на кои е изложена, нема...

Топ1 час

Жени се истепаа во автобус на ЈСП, во друг инцидент, скопјанец нападнат од четири лица

Вчера во 14:20 часот во СВР Скопје е пријавено дека во автобус на ЈСП на подрачјето на Центар, бил нарушен...

Македонија2 часа

Сметам дека и во првиот круг Левицата имаше поддршка од ДУИ, а коалицијата со СДСМ e веќе jавна, вели Ѓорѓиевски

Кандидаттот за градоначалник од ВМРО-ДПМНЕ и коалицијата, Орце Ѓорѓиевски, смета дека неговиот противкандидат во вториот круг, Амар Мециновиќ од партијата...

Македонија2 часа

Истрага против 32 физички и правни лица за злоупотреби при јавни набавки во прилепската болница

По поднесена кривична пријава од Управата за финансиска полиција, Основното јавно обвинителство Прилеп денеска донесе наредба за спроведување истражна постапка...

Македонија3 часа

Mицкоски се сретна со кралот Чарлс: „Беше искрено и содржајно“

Премиерот Христијан Мицкоски на социјалните мрежи објави дека во рамките на престојот во Лондон остварил средба со Неговото Кралско Величество,...

Македонија4 часа

Полицијата претресува на повеќе локации во Скопје поради лихварство и перење пари

Под раководство на предметен обвинител од Основното јавно обвинителство за гонење организиран криминал и корупција (ОЈО ГОКК), полициски единици на...

Македонија5 часа

И СДСМ излезе со процени: со ваков резултат ВМРО-ДПМНЕ би имала 52 пратеници, а СДСМ 21

СДСМ реагираше на тврдењата на ВМРО-ДПМНЕ дека се апсолутни победници на локалните избори, посочувајќи дека бројките, според нивната анализа, покажуваат...

Македонија7 часа

ВМРО-ДПМНЕ: Ако утре би биле парламентарните избори, ние би освоиле над 60 пратеници, а СДС во некои изборни единици би бил трета партија

ВМРО-ДПМНЕ со 550 советници низ Македонија и градот Скопје, како и со над 300.000 гласови, е апсолутен победник на локалните...

Свет8 часа

Трамп: Не сакав бесмислен состанок со Путин

Американскиот претседател Доналд Трамп изјави дека не сакал да одржи бескорисен состанок со рускиот лидер Владимир Путин, откако планот за...

Свет8 часа

(Видео) Украина со ракети „сторм шедоу“ нападна хемиска фабрика во Русија

Украинските сили на 21 октомври изведоа масовен напад со британски ракети „сторм шедоу“ врз хемиската фабрика во руската област Брјанск,...

Свет8 часа

Кремљ реагира по изјавата на полскиот министер: „Ова е закана за тероризам“

Москва ја обвини Полска дека се заканува со „терористички акт против авионот на Владимир Путин“, откако полскиот министер за надворешни...

Македонија19 часа

Во тек голема акција: Финансиската полиција ја тресе прилепската болница, има приведени

Во тек е голема акција на финансиската полиција во Прилеп, поврзана со сомнежи за криминал во работењето на прилепската болница....

Македонија21 час

Еден осуденик месечно ја чини државата околу 1.000 евра, Пандов рече дека пробацијата не се користи доволно

Директорот на Управата за извршување на санкции, Александар Пандов, изјави дека државата месечно троши околу 1.000 евра за еден осуденик,...

Свет22 часа

Пропадна најавениот самит меѓу Трамп и Путин

Планираниот самит меѓу американскиот претседател Доналд Трамп и рускиот претседател Владимир Путин, кој требаше да се одржи во Будимпешта до...

Македонија23 часа

Ѓорѓиевски и Мециновиќ ќе се соочат на дебата

Кандидатот на ВМРО-ДПМНЕ за градоначалник на Град Скопје, Орце Ѓорѓиевски, ја прифати поканата за телевизиска дебата со својот противкандидат Амар...

Македонија23 часа

Министерството за здравство: Немаме долг кон „Комунална хигиена“

Министерството за здравство соопшти дека, како правен субјект, нема никаква обврска или долг кон ЈП „Комунална хигиена – Скопје“, демантирајќи...

Македонија24 часа

Арсовска: Мицковски несреќо, на кого се закануваш, за ѓубрето низ Скопје се одговорни твоите градоначалници

„Мицковски несреќо, на кого се закануваш, објави на социјалните мрежи градоначалничката нa град Скопје во заминување, Данела Арсовска, откако Владата...

Македонија1 ден

Владата го задолжи МВР во соработка со ДКИ, ДИЖС, ДСЗИ и ИЈЗ веднаш да отпочнат со координиран вонреден инспекциски надзор во Град Скопје и ЈП Комунална хигиена

Во врска со проблемот со собирање и транспортирање на комуналниот отпад на територијата на Град Скопје, Владата на денешната седница...

Македонија1 ден

Над 3.000 евра за квадратен метар – стан во Центар од 91 м2 е продаден за 280.000 евра

Најголема постигната цена на стан за квадратен метар во периодот јули – септември е 189.231 денар или речиси 3.000 евра,...

Македонија1 ден

Ново поглавје во неврохирургијата: на Клиниката во Скопје првпат изведена операција на мозок со помош на системот за стереотаксија

Mинатата недела на Клиниката за неврохирургија првпат се изведе операција на мозокот со помош на системот за стереотаксија (framed stereotactic...