Контакт

Европа

Францускиот сенат потврди алармантно зголемување на недостигот од лекови

Објавено пред

Недостигот од лекови се зголемува со алармантна стапка во изминатите пет години во Франција, од речиси 800 во 2018 година на приближно 3.000 денес, предупреди во средата Соња дела Провоте, претседателката на Истражниот комитет за недостигот од лекови на Сенатот.

dobivaj vesti na viber

Ситуацијата главно се должи на проблемите во набавката на молекули за производство на лекови, од кои повеќето (80-85 %) доаѓаат од Кина и од Индија.

„Во Франција во 2018 година меѓу 700 и 800 лека имаа проблеми во снабдувањето во споредба со 2.500 до 3.000 денес“, рече Дела Провоте.

Министерот за еколошка транзиција, Ањес Пание-Рунашер, која беше министер во индустрија за време на пандемијата на Ковид-19, изјави за време на сослушувањето во сенатот во средата дека „Ковид ја истакна комплексноста и концентрацијата на синџирите на снабдување.“

Во борбата против недостигот од лекови Пание-Рунашер предлага да се гарантира пристап до третмани преку јавниот здравствен систем, безбедно снабдување преку индустријата и поттикнување на иновациите преку регулатива.

„Но, дури и пред реиндустријализацијата треба да ги реинтегрираме вештините – од техничари до инженери и менаџери – за да можеме повторно да бидеме самоодржливи во хемиското производство“, рече таа.

Недостигот од лекови влијае и на другите европски земји, како Италија, која зимава пријави ограничувања во снабдувањето со повеќе од 3.000 лека, од кои 554 воопшто ги немаше.

Сепак, францускиот случај е чуден бидејќи Франција беше водечки производител на лекови во ЕУ до 2008 година, но сега е рангирана на четвртото место по Швајцарија, Германија и Италија, според податоците на Елисејската палата.

Во наредните недели Комитетот ќе го сослуша министерот за здравство Франсоа Браун за да ги оцени неговите мерки во борбата против недостигот од лекови пред да го достави својот извештај во јули.

Европа

(Видео) Британскиот министер за одбрана се сретна со Зеленски во Киев

Објавено пред

Британскиот министер за одбрана го посети Киев и се сретна со украинскиот претседател Володимир Зеленски. Посетата на Грант Шапс на главниот град на Украина беше прикажана во видео споделено од Зеленски на Твитер.

dobivaj vesti na viber

Во објавата придружена со видеото, украинскиот претседател напиша дека е „длабоко благодарен на Обединетото Кралство за сета финансиска, хуманитарна и воена поддршка, вклучително и клучните долгорочни способности“.

Прикажи повеќе...

Европа

(Видео) Морнарица, елитни трупи, воздухопловни сили: Ирците запленија најмногу дрога досега

Објавено пред

Елитна единица на ирската армија претресла товарен брод под панамско знаме во близина на југоисточниот брег на Ирска и пронашла 2.253 килограми кокаин, кој на пазарот вреди околу 136 милиони фунти. Според ирската полиција, тоа е најголемата заплена на дрога во историјата на земјата.

dobivaj vesti na viber

„Ова е најголемата заплена на дрога во историјата на земјата“, изјави портпаролот на ирската полиција на брифинг со новинарите.

Уапсени се три лица, а истрагата се уште е во тек.

Се верува дека не целата дрога била наменета за ирскиот пазар, туку требало да биде истоварена во Ирска и потоа да се пренесе понатаму. Инспекторите веруваат дека станува збор за кокаин кој потекнува од јужноамерикански картел.

„Тоа беше исклучително сложена операција во која беа вклучени морнарицата, воздухопловните сили, елитна единица, сите надгледувани од Штабот на одбранбените сили. Времето беше исклучително лошо, операцијата беше многу тешка“, изјави првиот човек на ирската морнарица.

Како што пишува Скај њуз, ирските специјалци со хеликоптер се спуштиле на бродот, а потоа започнала акцијата.

Прикажи повеќе...

Европа

(Видео) Украинска офанзива кај Бахмут: „Ја пробиваме нивната одбранбена линија“

Објавено пред

„Двајца украински војници се собираат околу контролорот на дрон во мракот, а нивните лица се осветлени само од екранот. „О, нешто гори“, вели еден. Само што фрлија бомба на руска цел. Нападот во текот на ноќта е дел од координираната украинска офанзива во близина на опколениот источен украински град Бахмут“, до кој на Си-ен-ен му беше дозволен ексклузивен пристап.

dobivaj vesti na viber

„Ќе ја погодиме нивната линија на фронтот и нашите момци ќе напредуваат кон непријателот“, вели еден од пилотите на дронот, кој себеси се нарекува „Грув“. Украинските копнени трупи се опремени со западна опрема за ноќно гледање и имаат предност во ноќните операции, но авионите на Киев не се погодни за темница, па оваа единица на беспилотни летала, со прекар Код 9.2, се зајакнува.

„Дроновите гледаат ноќе како и дење. Гледаме пешадија, целиме возила, топови, сè што треба да уништиме“, објаснува Грув. Тие користат беспилотни летала „Вампир“ од украинско производство, хексакоптер што го набави владата во Киев како дел од иницијативата на Министерството за дигитална трансформација за снабдување на украинските сили со технологија на бојното поле.

„Секое беспилотно летало е опремено со термичка слика, така што може ефикасно да работи ноќе. Тие можат да носат до 15 килограми товар. Армијата ќе ги користи за уништување оклопни возила и тенкови, како и непријателски одбранбени структури, утврдувања или складишта за муниција “, рече вицепремиерот на Украина и министер за дигитална трансформација Михајло Федоров во август, кога најави дека 270 од овие уреди ќе бидат испратени во првите редови.

Тоа е тоа што го прави Грув и неговата единица. Видео снимките направени од камерите за ноќно гледање на нивните беспилотни летала и доставени до Си-ен-ен покажуваат дека беспилотните летала фрлаат бомби врз неколку руски оклопни возила, вклучително и неодамнешниот напад кој уништи модерен руски тенк Т-90 – еден од поновите и понапредните модели што Русија ги испрати на теренот во Украина.

„Понекогаш ги има многу“, вели Грув, скенирајќи ја областа со својот дрон и обидувајќи се да ги открие руските сили. Беспилотните летала бркаат неколку руски возила, фрлајќи бомби врз нив додека се движат: „Во моментов не гледаме многу од нив. Таму имаше возило, но не го погодивме“.

Како што се засилува нападот со беспилотни летала, на бојното поле се приклучуваат и други единици: се слуша тешка артилерија, која ги опсипува руските позиции осветлени од месечината со касетна муниција донирана од САД.

Повеќецевните ракетни системи „Град“ го исполнуваат небото со нивните брзи ракети со подсвиркване, минофрлачките единици се приклучуваат, гаѓајќи ја војската на Москва со ракети, а борбените возила на пешадијата се тркаат кон руските линии, пишува Си-ен-ен.

Тоа е сеопфатен напад, а во нивниот штаб, командантот на единицата Код 9.2, наречен Флинт, вели дека оваа операција трае со недели. „Се подготвуваме повеќе од еден месец“, вели Флинт, додека неговите луѓе подготвуваат муниција за фрлање на руските позиции.

„Тоа е комбиниран напад“, додава Флинт, објаснувајќи дека притисокот јужно од Бахмут е дизајниран да ги искористи неодамнешните успеси во областа, каде што Украина успеа да ослободи важна територија.

Киев концентрираше голем дел од пристигнатото западно оружје на југ, каде што украинските сили напредуваа по две оски: од Орихив до Мелитопол и од Велика Новосилка до Бердјанск.

Меѓу другото, во областа беа испратени тенкови Леопард 2 од германско производство и американски борбени возила Бредли за поддршка на украинските сили кои ги напаѓаат руските позиции. Крајната цел е да се стигне до Црното Море и да се прекине руската рута за снабдување до Крим. Досегашното напредување беше бавно и скромно, а Украина зазеде само неколку мали села на југ.

Многу помалку е кажано за операциите во источниот дел на земјата, каде силите на Киев полека, но сигурно вратија десетици квадратни километри по бруталниот напад на Русија врз Бахмут минатата зима. „Ние овде ја пробиваме нивната одбранбена линија и ги победуваме прилично добро“, вели Грув, додавајќи дека руската платеничка група Вагнер, одговорна за повеќето од придобивките на Русија во текот на зимата, се вратила во областа.

„Да, и Вагнер е тука. Тие се вратија, брзо ги сменија командантите и се вратија овде“, вели Грув. Тој смета дека присуството на Вагнер е делумна компензација за недостатокот на работна сила на руската страна: „Русија собра војници од околните области и ги донесе овде. Немаат многу мажи овде“.

Сепак, тоа е војна на трошење, и со помалку напредна западна опрема од нивните сонародници на јужниот фронт, украинските сили овде се принудени повеќе да се потпираат на мозокот отколку на мускулите. „Постојано ја менуваме тактиката. Тоа е како бокс. Одиме по телото, па удираме со главата“, објаснува командант Флинт.

Прикажи повеќе...

Најново

Македонија11 минути

Спречен шверц на 20 рачни часовници од познати модни брендови

Дваесет часовници во вредност од 178.050 денари со потпис на познати модни брендови се запленети од страна на царинските службеници...

Македонија1 час

ЦУК: Во последното деноноќие 24 пожари, до утрово – активни само два

Во текот на вчерашниот ден, според извештаите во Секторот за операции и координација во Центарот за управување со кризи, противпожарните...

Европа2 часа

(Видео) Морнарица, елитни трупи, воздухопловни сили: Ирците запленија најмногу дрога досега

Елитна единица на ирската армија претресла товарен брод под панамско знаме во близина на југоисточниот брег на Ирска и пронашла...

Европа2 часа

(Видео) Украинска офанзива кај Бахмут: „Ја пробиваме нивната одбранбена линија“

„Двајца украински војници се собираат околу контролорот на дрон во мракот, а нивните лица се осветлени само од екранот. „О,...

Македонија2 часа

Левица: Уставниот суд ги поништи „двојазичните изводи“ на наша иницијатива

„Откако Левица, преку претставка, го оспори Упатството за водење матични книги донесено од Министерство за правда, Уставниот суд одлучи да...

Европа2 часа

Шолц ја блокира испораката на ракети Таурус во Украина поради страв од Русија, пишува Волстрит журнал

Германскиот канцелар Олаф Шолц ја блокираше испораката на ракетите со долг дострел Таурус за Украина, бидејќи стравува дека тоа ќе...

Топ4 часа

Претрес во Скопје, запленета дрога, приведен дилер

Вчера околу 13.30 часот полициски службеници од Одделот за криминалистичка полиција- Сектор за недозволена трговија во содејство со Единицата за...

Македонија12 часа

Обвинителството не било консултирано, но мора да ги применува измените на кривичниот законик, вели Јовески

Државниот обвинител Љубомир Јовески, вели дека Обвинителството не било консултирано за измените во Кривичниот законик, но се донесени во Собранието...

Регион14 часа

Бугарија ќе и’ донира на Украина неисправни советски ракети С-300

Бугарскиот парламент денеска одлучи да ѝ донира ракети С-300 од советската ера на Украина, откако претходно го одобри испраќањето оклопни...

Македонија16 часа

Администрацијата на јавните обвинителства штрајкува за повисоки плати

Администрацијата на јавните обвинителства штрајкува за повисоки плати. Бараат зголемување на месечните примања за 78 проценти по примерот на функционерите,...

Топ17 часа

Пукано кон маж на улица во Ѓорче Петров, МВР со детали за настанот

Доцна по полноќ, на подрачјето на Ѓорче Петров во Скопје, две лица пукале кон А.В.(31) и му нанеле прострелна рана....

Топ17 часа

Малолетничко насилство во училиштен двор: натепани двајца тинејџери

Двајца малолетници биле физички нападнати во двор на средно училиште во скопската населба Карпош. Како што информираа од МВР, утрово...

Македонија20 часа

МВР демантира дека не постапило по пријавите на сега веќе убиените жени во Кочани и Куманово: да не се пласираат дезинформации

Министерството за внатрешни работи ги демантира дезинформациите изнесени од граѓански здруженија дека полицијата наводно не постапила по пријавите на жените...

Македонија21 час

Мицкоски: Уште незалечени раните за случајот на Онкологија, има нова афера

Во услови кога не се залечени раните од оној траур и гнев што секој од нас го чувствува поврзан со...

Топ22 часа

Прегазен пешак во Скопје: во него удрил мопед управуван од малолетник

Вчера, во 15.30 часот, во СВР Скопје било пријавено дека на крстосницата од улицата Благоја Паровиќ и улицата Никола Милошевски...

Топ23 часа

Починат маж пронајден паднат на улица во Гостивар

Утрово, во 7.30 часот, во СВР Тетово било пријавено дека во гостиварската Општа болница „Ферид Мурад“ бил донесен починат 66-годишниот...

Македонија23 часа

Најстрога казна за сторителот и одговорност од институциите за убиството на жените, бара Националната мрежа против насилството

Националната мрежа против насилството врз жените и семејното насилство бара најстрога казна за сторителите на убиствата врз жените, што се...

Македонија1 ден

ЦУК: Вчера 33 пожари на отворено, денеска пожарите почнаа од мугрите

Во текот на вчерашниот ден биле регистрирани 33 пожари во 23 општини, од кои 30 се изгаснати. Според информациите што...

Регион1 ден

(Видео) Дачиќ за снимката на која се гледаат напаѓачите од Косово: Тоа е измама, можете да видите снег

Српскиот министер за надворешни работи и вицепремиер, Ивица Дачиќ, за време на гостувањето на РТС изјави дека Аљбин Курти е...

Свет1 ден

(Видео) Во пожарот на свадба во Ирак загинаа и младенците, најмалку 50 лица се во критична состојба

Во пожарот на свадба во Ирак, во кој настрадаа најмалку сто лица, загинаа и младенците, изјави Ахмед Дубардани, заменик-шеф на...