Европа
(Видео) Аналитичар за масакрот во источна Украина: Ова не беше случаен напад
![](https://makfax.com.mk/wp-content/uploads/2023/10/ukraina-napad2.jpg)
„Тешко е да се поверува дека нападот на Хроза беше нешто друго освен намерен, насочен напад“, рече воен аналитичар. Мајкл Кларк, одбранбен и безбедносен аналитичар и поранешен директор на институтот Кралски Обединети Сервиси, изјави за Скај њуз дека обемот на штетата исто така сугерира дека не е направена од обична ракета.
Хроза, мало село во Харков, каде што попладнево беа убиени повеќе од 50 луѓе, е „во средината на никаде“ зад линијата на фронтот, рече тој.
During the missile attack, a funeral dinner was taking place at the cafe in the village of Hroza. There were 60 guests in total. There may still be people trapped under the rubble, said Minister of Internal Affairs Ihor Klymenko.
"The village population was only 330 residents.… pic.twitter.com/M1UJXon5He
— Hromadske Int. (@Hromadske) October 5, 2023
„Можете да видите на сликите колку голема била експлозијата“, рече професорот Кларк, додавајќи дека огромниот обем на уништувањето сугерира дека можеби станува збор за противбродска ракета.
„Просечниот проектил продира длабоко, но никаква штета не оди толку широко“, додаде тој.
„Што и да беше, претпоставувам дека беше цел. Тешко е да се поверува дека ова можеше да биде погрешно насочен проектил“, заклучи тој.
At least 49 people were killed by a russian missile strike on a cafe and a grocery store in the village of Hroza, Kharkiv region. Among them is a 6-year-old boy. The terrorists deliberately carried out the attack during lunchtime, to ensure a maximum number of casualties. There… pic.twitter.com/vjluqThoZn
— Defense of Ukraine (@DefenceU) October 5, 2023
Бројот на загинати се искачи на 51
Украинскиот министер за внатрешни работи Ихор Клименко извести дека уште едно лице загинало како последица на рускиот напад во селото Хрозе. Лицето починало додека му укажувале лекарска помош, додаде тој.
Така, бројот на загинатите се искачи на 51. Тоа е еден од најсмртоносните руски напади од почетокот на војната на крајот на февруари минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Столтенберг: НАТО беше однапред информиран за одењето на Орбан во Москва
![](https://makfax.com.mk/wp-content/uploads/2024/06/stoltenberg.jpg)
Генералниот секретар на НАТО, Јенс Столтенберг, денеска изјави дека алијансата била однапред информирана за заминувањето на унгарскиот премиер, Виктор Орбан, во Москва на разговори со рускиот претседател, Владимир Путин.
Столтенберг на самитот на НАТО истакна дека Орбан патува во својство на премиер на Унгарија и дека нема да го претставува НАТО, чиј член е Унгарија, во Москва, пренесува „Ројтерс“. Орбан рано денеска пристигна во Москва и по пристигнувањето рече дека со оваа посета ја продолжува мировната мисија откако неодамна го посети Киев, каде што разговараше со украинскиот претседател, Володимир Зеленски.
Столтенберг рече и дека НАТО работи на подготовка на Украина за приклучување кон алијансата.
„Сè што правиме, правиме за да ја направиме Украина посилна и поподготвена да се приклучи на нашиот сојуз“, рече тој додавајќи дека очекува земјите членки да обезбедат повеќе воздушна одбрана и муниција на Украина.
Столтенберг додаде дека Украина треба да одлучи, кои се прифатливите услови за мировни преговори. Од друга страна, според него, нема индиции дека Путин е подготвен за мир.
Европа
Кир Стармер официјално назначен за нов премиер на Обединетото Кралство
![](https://makfax.com.mk/wp-content/uploads/2024/07/Screenshot-2024-07-05-141137.jpg)
Британскиот крал Чарлс денеска му го довери мандатот за формирање на новата влада на Велика Британија на лидерот на Лабуристичката партија, Кир Стармер, по убедливата победа на неговата партија на парламентарните избори.
Назначувањето на Стармер за премиер беше потврдено од Бакингемската палата.
„Кралот го прими уважениот Кир Стармер и побара од него да формира нова влада. Стармер ја прифати понудата“, соопшти Бакингемската палата, пренесува „Гардијан“.
По Бакингемската палата, Стармер се упати кон Даунинг стрит, каде што се наоѓа седиштето на британската влада. На општите избори во ОК, Лабуристичката партија освои 410 од 650 места во долниот дом, со што стави крај на 14-годишната влада предводена од конзервативците.
Претходно денеска, сега веќе поранешниот премиер Риши Сунак му поднесе оставка на кралот Чарлс.
Европа
Сопругата на шпанскиот премиер на суд под обвинение за корупција и вршење влијание
![](https://makfax.com.mk/wp-content/uploads/2024/07/begona-pedro-sancez.jpg)
Бегона Гомез, сопруга на шпанскиот премиер Педро Санчез, денеска се појави пред судот во Мадрид за да одговори на прашања поврзани со наводите за корупција и вршење влијание во случајот поради кој нејзиниот сопруг размислуваше да поднесе оставка во април.
Сослушувањето в петок е дел од прелиминарната истрага за тоа дали Гомез ја злоупотребила својата позиција како сопруга на премиерот за да влијае на своите деловни активности, соопшти судот пред сослушувањето.
Ниту Гомез ниту нејзиниот адвокат не разговараше со новинарите надвор од судницата пред Гомез да се појави зад затворени врати пред судијата, кој по неколку минути го одложи рочиштето за 19 јули.
Гомез јавно не го коментира случајот, но Санчез постојано остро ги отфрли обвинувањата против неговата сопруга велејќи дека тие се неосновани и оркестрирани од неговите десничарски политички ривали.