Европа
(Видео) Голем пожар во италијанско пристаниште, изгореа неколку складишта
Голем пожар избувна синоќа во близина на пристаништето Анкона, италијански град на јадранскиот брег. Огромен чад и оган можеле да се забележат на самото место, пренесува „Ројтерс“, но засега нема извештаи за жртви.
https://t.co/xQVtA0dZGP L’incendio è iniziato alle 00:35 all’interno del… #16settembre #Ancona #Incendio pic.twitter.com/1inSqJoTfY
— alive.giornalesocialista (@LiveAvanti) September 16, 2020
Пожарникарите известија дека пожарот избувнал во близина на пристаништето триесетина минути по полноќ. Пожарот зафати неколку магацини, а 16 екипи со пожарникари биле испратени на самото место.
Пожарникарите превентивно остануваат и понатаму на пристаништето, кое целосно е затворено. Полицијата патролира во тој дел од градот на јадранскиот брег.
Un vasto incendio è divampato, per causa ancora in corso di accertamento, nella zona portuale di #Ancona. Il Comune ha chiuso in via precauzionale le scuole, i parchi e gli impianti sportivi all'aperto, in attesa delle verifiche sulla tossicità del fumo: https://t.co/uEsFa5xWu2 pic.twitter.com/KZU7V6ws0n
— Sky tg24 (@SkyTG24) September 16, 2020
„Кориере дела сера“ пишува дека причината за пожарот засега е непозната, но дека експлозијата во магацинот со ацетилен се разгледува како една од опциите.
Густ чад се ширел низ градот и бил видлив со километри, а силна миризба може да се почувствува во Анкона, известуваат медиумите.
Furioso incendio nella zona produttiva portuale di Ancona. pic.twitter.com/hc1Il3JS3t
— Tgr Rai Marche (@TgrMarche) September 15, 2020
Властите апелираат до граѓаните да не ги отвораат прозорците на своите куќи и станови, а градските паркови и јавните површини се затворени.
Корисниците на социјалните мрежи објавија фотографии од пожарот споредувајќи ја Анкона со Бејрут, каде што неодамна се случи голема трагедија кога експлодира амониумнитрат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците објавија снимка: „Уништивме моќен руски систем вреден 45 милиони долари“
Украинските сили успешно лоцираа и уништија еден од најнапредните руски противвоздушни ракетни системи, „Бук-М3“, чија вредност се проценува на 45 милиони долари. Веста беше објавена синоќа од копнените сили на украинската армија, пишува „Киев индепендент“.
Fighters of the 15th Separate Artillery Brigade “Chornyi Lis” struck a Russian Buk-M3 air defense system with a combat drone.#Ukraine #BukM3 #UAF #ChornyiLis #DroneStrike #WarInUkraine pic.twitter.com/3vtBnJ47P5
— Chronicles (@chronicleslive) October 26, 2025
Според военото соопштение, прецизниот удар бил извршен на неодредена локација од страна на украинската бригада „Црна шума“. Бригадата исто така сподели видео од операцијата, но „Киев индепендент“ не можеше независно да ги потврди тврдењата.
фото: принтскрин
Европа
(Видео) Путин се пофали со летачкиот „чернобил“, Трамп: Треба да ја завршите војната во Украина, а не да тестирате ракети
Американскиот претседател Доналд Трамп изјави дека најавата на неговиот руски колега Владимир Путин за тестирање на крстосувачка ракета со нуклеарен погон е „несоодветна“.
„Треба да ја завршите војната во Украина. Војната што требаше да трае една недела сега влегува во својата четврта година. Тоа е она што треба да го правите, а не да тестирате ракети“, им рече Трамп на новинарите на авионот „Ер Форс Уан“.
Што објави Путин вчера?
Рускиот претседател Путин вчера објави дека Русија успешно ја тестирала својата крстосувачка ракета со нуклеарен погон „Буревестник“, способна да носи нуклеарна боева глава, за која Москва тврди дека може да го избегне секој одбранбен систем, и дека ќе започне со распоредување на оружјето. Американците ја нарекуваат ракетата „летачки Чернобил“.
Рускиот генерал Валериј Герасимов, началник на Генералштабот на руските вооружени сили, му рекол на Путин дека ракетата прелетала 14.000 км и била во воздух околу 15 часа, кога беше тестирана на 21 октомври.
🇷🇺‼️🚨 BREAKING: Putin in military camo declares the readiness of a new nuclear cruise missile!
The new "Burevestnik" (Storm bringer) cruise missile is using a nuclear motor and has unlimited fight time and range!
The Chief of the General Staff of the Russian army, Gerasimov,… pic.twitter.com/B8EFNAzowm
— Lord Bebo (@MyLordBebo) October 26, 2025
Русија тврди дека ракетата 9M730 Буревестник – наречена SSC-X-9 Skyfall од НАТО – е „непобедлива“ за сегашната и идната противракетна одбрана, со речиси неограничен дострел и непредвидлива патека на летот.
„Тоа е уникатно оружје што никој друг во светот го нема“, рече Путин, облечен во камуфлажна униформа, на состанокот на командниот пункт со генералите што ја надгледуваат војната во Украина, во соопштение објавено од Кремљ во неделата.
Путин рече дека некои руски експерти еднаш му кажале дека такво оружје веројатно никогаш нема да биде можно, но сега, рече тој, неговото „клучно тестирање“ е завршено.
Герасимов рече дека ракетата е на нуклеарен погон и дека овој тест е различен затоа што летала на толку голема далечина, иако нејзиниот дострел е во суштина неограничен. Тој рече дека може да ја победи секоја ракетна одбрана.
фото: принтскрин
Европа
Полскиот премиер: Русите имаат една голема предност пред Европа
Полскиот премиер Доналд Туск откри дека украинскиот претседател Володимир Зеленски му рекол во неодамнешен разговор дека Украина е подготвена да продолжи да се спротивставува на руската инвазија уште неколку години. Туск ја сподели оваа информација во интервју за „Сандеј тајмс“, според „Украинска правда“.
Подготвеност за повеќегодишна борба
Туск пренесе директна порака од украинскиот претседател, нагласувајќи ја неговата решителност. „Не се сомневам дека Украина ќе преживее како независна држава. Сега главното прашање е колку жртви ќе видиме. Претседателот Зеленски ми рече во четврток дека се надева дека војната нема да трае десет години, но дека Украина е подготвена да се бори уште две или три години“, рече Туск.
Долгорочни последици и ситуацијата во Русија
Според него, Киев сè уште е загрижен за долгорочното влијание на војната врз населението и економијата доколку конфликтот продолжи. Полскиот премиер се осврна и на ситуацијата во Русија, нагласувајќи дека војната ѝ штети и на руската економија. Сепак, тој предупреди дека внатрешната дестабилизација во Русија не мора нужно да ја заврши војната, туку може да го направи претседателот Владимир Путин уште поагресивен.
„Русите се во навистина сериозни економски проблеми. Дали тоа значи дека можеме да кажеме дека победуваме? Воопшто не. Тие имаат една голема предност пред Западот, а особено пред Европа: тие се подготвени да се борат…“, додаде Туск.
Важноста на европското единство
Ова не е прв пат Туск да ја нагласува важноста на поддршката на Киев. Тој претходно изјави дека никој не треба да врши притисок врз претседателот Зеленски да направи територијални отстапки во војната со Русија и постојано ја нагласува важноста на европската солидарност со Украина.
фото: принтскрин

