Европа
(Видео) Невреме во Австрија и Швајцарија
Обилниот дожд и зголемувањето на нивото на реките и водотеците предизвикаа големи проблеми во Тирол. Во моментов најпогодени се окрузите Имст и Инсбрук-Ленд.
Im Ötztal wurde heute Vormittag HQ100 überschritten, ein Wasserstand der Ache, der statistisch alle 100 Jahre erreicht wird. Das Tal ist derzeit nicht erreichbar. Und auch im Stubai-, Wipp- und Zillertal gibt es Überflutungen und Murenabgänge.
🎥 Tirols Wetter- und Infodienst pic.twitter.com/Xs5v5JjHsD— Manuel Oberhuber (@manu_oberhuber) August 28, 2023
Патиштата и железницата беа затворени по поплавите и лизгањето на земјиштето. 2.500 пожарникари се ангажирани во поплавите во Тирол. Ситуацијата во областа Имст е особено тешка. Според проценките, таму може да се очекува повторно да се зголеми нивото на реката, пишува Кронен Цајтунг.
Es fällt weiter #Starkregen. In #Biasca gingen seit Samstagmittag schon rund 360 mm #Regen nieder. im #Locarnese stellenweise mehr als 200 mm. Bis Mitternacht kann es im #Tessin, im südlichen #Wallis und im südlichen Kanton #Uri nochmals lokal 80 mm Regen geben.
^FB pic.twitter.com/bTTQgGtFQh— SRF Meteo (@srfmeteo) August 28, 2023
30 домаќинства со околу 70 луѓе беа евакуирани во Тумпен во Оцтал. Тие се наоѓаат во локалниот дом и во противпожарната станица. Во познатиот зимски спортски центар Зелден, сите мостови се затворени како мерка на претпазливост. Три куќи се евакуирани и во Јерзенс. Во тој реон снемало и струја.
Железничката линија помеѓу Грис ам Бренер и Бренер е затворена. Локален пат е оштетен од поплави и исто така е затворен.
🚨EXTREME WEATHER🚨
📍SWITZERLAND 🇨🇭
⚡️⚡️Stormy rains are intense in southern Switzerland. It fell more than 250 mm in 24 hours in Biasca, here the waterfall of Santa Petronilla.
💥Note: Switzerland is higher than Germany. This means the Rhine could flood due to heavy rain.… pic.twitter.com/lN7uPPUlGq
— {Matt} $XRPatriot (@matttttt187) August 27, 2023
Утринава оперативното раководство на противпожарната служба во Инсбрук одлучи да ја активира мобилната заштита од поплави во областа Сил. Затворена е пешачката и велосипедската патека од Раполдипарк до мостот Прадлер. Мостовите ги контролираат пожарникари, пишуваат австриските медиуми. „Ситуацијата останува тензична и внимателно се следи. За да се обезбеди најдобра можна координација низ целата земја, сега е активирано и државното управување со операциите“, рече советничката за државна безбедност Астрид Меир.
Bei #Diepoldsau/SG ist das #Rheinvorland nun geflutet. Kein Wunder, im Einzugsgebiet des #Rhein/s gab es in den letzten 2 Tagen 100 – 200 mm.
Merci Parma Graf-Kuster für #SRFMeteoVideo. ^gf pic.twitter.com/ZmMYSzKKcS— SRF Meteo (@srfmeteo) August 28, 2023
Силно невреме ја зафати и Баварија, во Бад Баерсоиен ветрот ги разнесе покривите од куќите. Во меѓувреме, повеќе од 350 милиметри дожд наврнаа во швајцарскиот кантон Тичино во последните 72 часа. Пообилни врнежи денеска се предвидуваат главно за Предарље, Тирол, Солнограшка и Корушка, каде на места веќе врне дожд. Метеоролошката служба Геосфера Австрија предупредува на можност од лизгање на земјиштето и поплави.
Der #Hinterrhein bei #Andeer führte gestern Abend sehr viel Wasser. Das Überqueren dieser Brücke wird nicht empfohlen. ^gf pic.twitter.com/zof2mKnQUh
— SRF Meteo (@srfmeteo) August 28, 2023
Невремето веќе прави проблеми во Тирол. Поради свлечиштето мораа да ја затворат и железничката врска со Бренер на границата со Италија, која ќе биде затворена до вечер. Во долината Оцтал, потокот веќе се излеа од коритото, поради што регионалниот пат таму е затворен. Наскоро се очекува да почнат да поплавуваат и некои други потоци.
Според прогнозите врнежите од дожд во поголем дел од земјата ќе траат до вторник. Може да падне од 60 до 100 милиметри врнежи, на некои места од 150 до 200 милиметри, особено во централниот дел на Алпите. Во австриските региони Штаерска и Градишка се очекуваат повремени обилни врнежи и грмежи. Во среда се очекува врнежите да престанат насекаде. Во четврток се очекува променливо сончево, иако се уште се можни врнежи од дожд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Масакр во Донецк: Русите погубија пет цивили, застрелаа жена во вилицата, таа преживеа
Руски војници погубија пет цивили во селото Жвановка во Донецката област, објави канцеларијата на регионалниот обвинител. Злосторството, кое се случи на 20 октомври, беше опишано како семеен масакр што потсетува на методите на Гестапо, објавува „Киев пост“.
Според извештајот, двојката и нивниот постар син се криеле во подрумот на нивната семејна куќа, додека помладиот син отишол да донесе вода од соседот. Руските војници влегле во куќата, го пронашле скривалиштето и почнале да го испрашуваат семејството за позициите на украинските бранители. Кога не ги добиле информациите што ги барале, војниците си заминале, велат обвинителите.
Но, набргу потоа, еден од војниците се вратил и отворил оган врз семејството со автоматско оружје. Убеден дека сите се мртви, тој го напуштил местото на злосторството. Сепак, мајката, која претрпела прострелна рана во вилицата, преживеала.
И покрај сериозните повреди и загриженоста за помладиот син, жената отишла во куќата на соседката. Таму, го пронашла безживотното тело на својот син во подрумот, покрај телата на нејзината соседка (62) и нејзиниот 30-годишен син. Преживеаната успеала да стигне до територијата контролирана од Украина, каде што била хоспитализирана. Таму, таа дала изјава за воениот злостор извршен од руските сили.
Селото Жванивка, кое се наоѓа на околу триесет километри од Бахмут, е на фронтовската линија речиси од почетокот на руската инвазија во февруари 2022 година. Во јуни истата година, селото беше цел на артилериски и ракетни напади врз цивилни цели. Во јуни 2023 година, осум жители беа повредени во нападите врз Жванивка и околните градови.
фото: принтскрин
Европа
(Видео) Дрон удри во зграда во Московската област: станот е целосно уништен, петмина повредени
Пет лица, меѓу кои и едно дете, се повредени во напад со беспилотно летало врз станбена зграда во Красногорск, Московска област, соопшти регионалниот гувернер Андреј Воробјов.
A Ukrainian drone crashed into an apartment in Krasnogorsk
The impact hit the 14th floor, injuring five people.
Local residents say the explosion was so powerful that fragments of the building’s facade and shattered glass were scattered all over the courtyard. pic.twitter.com/A2asEfNUOP
— NEXTA (@nexta_tv) October 24, 2025
„Станбена зграда во Красногорск е оштетена во напад со беспилотно летало. Дронот се урна во стан на 14-тиот кат. Пет лица се повредени, меѓу кои и едно дете. Четворица се веднаш однесени во болници, каде што добиваат потребна медицинска помош“, напиша Воробјов на својот телеграм-канал.
Тој истакна дека детето претрпело полесни повреди на долниот дел од ногата и исчанчено колено, а другите повредени лица имаат трауматски повреди на мозокот, фрактури и рани од шрапнели.

Инцидентот оштети и делумно уништи три стана. Фрагменти од облогата на зградата и стаклените прозорци беа расфрлани на растојание од 100-ина метри. Станарите на зградата изјавија за руската државна новинска агенција „Тасс“ дека експлозијата била многу моќна.
фото: принтскрин
Европа
Захарова ја нападна Полска: „Сакаат да ги вовлечат САД во опасен потфат“
Русија верува дека одредени членки на НАТО, со акцент на Полска, сакаат да се откажат од ограничувањата поврзани со распоредувањето нуклеарно оружје на нивна територија, што би ги влошило „стратешките ризици“ и дополнително би ги зголемило тензиите, изјави портпаролката на руското Министерство за надворешни работи, Марија Захарова.
Захарова истакна дека полските претставници веќе се обратиле до Соединетите Држави „во обид да го вклучат Вашингтон во обврска поврзана со распоредувањето американско нуклеарно оружје на полска територија“.
„Со прибегнување кон вакви потези, формално ненуклеарните членки на НАТО повторно го покажуваат своето пркосно непочитување на Договорот за неширење на нуклеарно оружје“, рече таа на брифингот, како што објави руската државна новинска агенција ТАСС. Таа додаде дека не може да се исклучи можноста некои од овие земји, кои сè уште се придржуваат кон националните ограничувања, целосно да ги напуштат овие обврски во иднина.
Захарова, исто така, ја нарече овогодишната вежба на НАТО за нуклеарно одвраќање, „Steadfast Noon“, во која учествуваат 14 земји-членки и до 60 авиони, „длабоко дестабилизирачка“. Таа тврди дека „оваа шема и соодветните капацитети на земјите-членки на НАТО“ ќе доведат до „понатамошно влошување на стратешките ризици и зголемени тензии“.
Нејзините коментари доаѓаат во време на зголемени тензии околу Украина и пропаѓање на договорите за контрола на оружјето, поттикнувајќи стравувања од нова трка во вооружување. На ова предупреди и рускиот заменик-министер за надворешни работи Сергеј Рјабков, кој во среда изјави дека „непријателските политики на земјите-членки на НАТО“ би можеле „да доведат до директна конфронтација меѓу нуклеарните сили“.
Ситуацијата е дополнително комплицирана од фактот дека американскиот претседател Трамп ја одложи средбата со рускиот претседател Владимир Путин оваа недела, додека Путин надгледуваше голема нуклеарна вежба со интерконтинентални балистички ракети.
фото: принтскрин

