Европа
(Видео) Објавени снимки од противникот на Орбан: „Лажни се, ѝ платиле на мојата поранешна“

Унгарските медиуми објавија видео на кое лидерот на опозицијата Петер Маџар ги навредува своите приврзаници. Маѓар и неговата опозициска партија Тиса тврдат дека снимката е незаконски добиена и манипулирана.
На објавената снимка се слуша како Петер Маѓар и неговата поранешна партнерка Евелин Вогел разговараат за време на еден од протестите. Во видеото Маѓар се жали дека луѓето лошо мирисаат и се шегува дека луѓето чии внуци заминале во странство, едноставно, можеле да си купат нови.
#magyarhang #kérdés 👉 https://t.co/fBJV9qy6QT
Kérdés, a nemzetbiztonsági bizottságnak van-e dolga Magyar Péter állításaival. Egyelőre az Országgyűlés nemzetbiztonsági bizottságának elnöke is vizsgálódik és tájékozódik, hogy van-e dolga az általa vezetett testületnek Magyar Péter… pic.twitter.com/DVdpxOAtzt— Magyar Hang 🇭🇺 (@MagyarHang) November 12, 2024
Маѓар подоцна изјави дека снимката е манипулирана и дека на неа има реченица што не ја кажал, но не објасни за која станува збор.
Претседателот на партијата Тиса тврди дека неговата поранешна партнерка Евелин Вогел снимила 11 часа разговори со него и барала 30 милиони форинти (околу 73.000 евра) за да не ги користи снимките против него.
На снимката се слуша разговор меѓу Маѓар и Вогел на протест во Будимпешта. Маѓар со вулгарен речник се жали дека се потел за време на протестот на 40 степени. „Што по ѓаволите правам овде“, рече тој.
Маѓар рече и дека народот лошо мириса, а уште полошо им мириса устата. Маѓар на шега ѝ рекол на својата партнерка дека таа е единствената што не го цени.
BREAKING:#Hungarian Opposition leader Peter Magyar releases voice recording of ex-girlfriend Evelin Vogel threatanig his party.
Evelin said she has 11 hours of footage that could ruin his reputation.
Peter says he’s not afraid, and will take Evelin to court. #Hungary 1/2 pic.twitter.com/7hs78aRwDK
— Atlantic Patriot 🇪🇺🇨🇦 (@Noirsoldat_) November 11, 2024
Маѓар спомнува и извесен Марк за кого вели дека пишува глупости наместо да дојде. Не е јасно за кој Марк се работи, но заменик-претседателот на партијата се вика Марк Раднаи.
Маѓар излезе со соопштение во кое напиша дека веќе неколку дена знаел дека „ќе се обидат да го дискредитираат“ него и партијата со незаконски добиени и манипулирани снимки. Тој вели дека тоа се случува затоа што првпат опозициската партија има реални шанси да ја смени владата на Орбан. Тој ѝ се извини на унгарската јавност „бидејќи мора да ја слушаат оваа манипулирана гадост“.
„Снимката е очигледно монтирана и манипулирана. Јас секако не кажав ниту една реченица“, рече Маѓар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Запечатена резиденција на папата, во Ватикан владее седисвакација

Ватикан ја запечати официјалната резиденција на папата Франциско, симболично започнувајќи период на жалост.
На снимката објавена од Ватикан се гледа кардиналот Кевин Џозеф Фарел, камерленгото, како гледа како службеник на Ватикан става црвена лента на вратата од резиденцијата на папата, ја врзува, а потоа става восочен печат на лентата. После тоа, Фарел ја проверува пломбата и се уверува дека вратата е цврсто затворена.
The papal apartments in the Apostolic Palace — unused during Pope Francis’ pontificate — have been officially sealed by Cardinal camerlengo Kevin Farrell following the Pope’s death. This act marks the beginning of the “sede vacante” period, during which the See of Peter remains… pic.twitter.com/p3PcYqN050
— EWTN Vatican (@EWTNVatican) April 21, 2025
Запечатувањето на папската резиденција е традиционален обред што го изведува камерленго, привремениот управител на Ватикан, а историски служел за да се спречи ограбувањето на папските одаи.
Овој чин го симболизира официјалниот крај на понтификатот на папата Франциско и почетокот на периодот на седисвакација – период без папа.
Европа
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата

Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо во базиликата Свети Петар во Ватикан, каде што многу од неговите претходници го најдоа своето последно почивалиште.
Во тестаментот објавен од Ватикан, Франциско јасно ја изразил својата желба да биде погребан „во земја, без посебни украси“, а над неговиот гроб треба да стои едноставна плоча со неговото папско име на латински: Franciscus.
Папата исто така напишал дека договорил неименуван добротвор да ги покрие трошоците за неговиот погреб.
„Трошоците за подготовка на погребот ќе бидат покриени од сумата што ја обезбеди добродетелот, кој договорив да биде префрлен во базиликата Света Марија Велика“, стои во тестаментот.
Европа
Ватикан: Папата почина од мозочен удар и срцево затајување

Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со електрокардиограм“, пишува во изводот на смртта потпишан од директорот на Одделот за здравје и хигиена на Ватикан, професор Андреа Аркангели.
„Потврдувам дека Неговата Светост Франциско (Хорхе Марио Бергољо), роден во Буенос Аирес (Аргентина) на 17 декември 1936 година, жител на Ватикан, државјанин на Ватикан, почина во 7:35 часот на 21 април 2025 година, во неговиот стан во резиденцијата Санта Марта“, напиша тој.
Аркангели наведува дека папата по мозочниот удар прво паднал во кома, а потоа починал. Причините за смртта се „мозочен удар“, „кома“ и „неповратна кардиоциркулаторна инсуфициенција“, се вели во соопштението. Во документот се додаваат и претходните здравствени проблеми на папата, „епизоди на акутна респираторна инсуфициенција со билатерална мултимикробна пневмонија, хипертензија и дијабетес тип II“.
Папата Франциско почина околу 90 минути откако утрово го разбудил будилникот, јавија италијанските медиуми. Тој наводно се разбудил кога алармот му се вклучил во 6 часот, му се слошило во 7 часот наутро, а починал од мозочен удар во 7:35 часот, пишува „Кориере дела Сера“. Лекарите претходно објавија дека тој „починал мирно“.