Европа
(Видео) Познат идентитетот на напаѓачот од Брисел, уби двајца, па се огласи во живо на „Фејсбук“: „Ги одмаздив муслиманите“

Напаѓачот, кој во терористички напад во Брисел уби две лица, шведски фудбалски навивачи, а рани уште едно лице, сè уште е во бегство.
Судејќи според снимката, убиецот избегал со скутер.
En direct de Bruxelles, yser pic.twitter.com/w9jNKWEnkP
— 𝑫𝒐𝒖𝒂𝒂. 🇲🇦 (@bonnetsLv) October 16, 2023
Со истиот скутер, според расположливите информации, тој пристигнал во делот на центарот „Сентелтеплеин“, каде што отворил оган од автоматска пушка.
Убиецот, според новите информации што белгискиот ХЛН ги дознал од полицијата, првин пукал во такси-комбе, во кое убил двајца шведски навивачи, кои пристигнале на натпреварот меѓу Белгија и Шведска. Потоа отишол да пука во третата жртва, која ја ранил.
Осомничен за нападот е 45-годишниот Абдесалем Л. од Шаарбек за кој се знае дека е радикализиран. Го користел псевдонимот Слајем Слоум. Добро информиран извор за HLN изјавил дека тој е од Тунис. „Тој побара азил, што беше одбиено и му беше наредено да ја напушти земјата“, се вели во соопштението. Според федералните обвинители, тој најверојатно имал терористички мотиви.
На својот „Фејсбук“, по нападот, се појави видео во кое тој вели дека „убил тројца Швеѓани“. Едно од трите лица во кои пукал е рането и според последните информации е надвор од животна опасност.
Во видеото човекот на арапски вели дека е член на ИСИС (Исламската држава) и се фали дека убива неверници.
🚨🚨 Brüssel Mass Shooting 🚨🚨
Suspect of Brussel mass shooting dedicates his act to almighty (Allah).
Watch what he says with proper English subtitles. @TheQuotes93 #Brussel #Masshooting #IslamicTerror pic.twitter.com/GoCRPGaYGL
— Sky (@Cursedbuoy) October 16, 2023
„Во својот многу насилен говор тој рече дека убил две лица за да им се одмазди на муслиманите и дека ‘ние живееме и умираме за нашата религија’“, се вели во соопштението.
По нападот, тој побегнал, а полицијата сè уште не може да му влезе во трага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
НАТО: Ова се вистинските загуби на Русите во Украина, ситуацијата е многу тешка

Русија претрпе околу 900.000 жртви откако ја започна својата инвазија на Украина пред повеќе од три години, изјави во четвртокот висок претставник на НАТО. Според податоците на НАТО, до 250.000 војници загинале во конфликтот што избувна на 24 февруари 2022 година.
Украина се брани од руска инвазија со широка поддршка на нејзините западни сојузници. Откако киевските сили успеаја да ја вратат контролата врз дел од територијата што првично ја зазеде Русија, двете страни се најдоа во повеќемесечна војна на исцрпување, при што Русите постепено остваруваа територијални придобивки.
Според оценката на НАТО, „ситуацијата на бојното поле е сè уште многу тешка“.
– Иако не очекуваме голем пробив на украинските одбранбени линии во следните неколку месеци, дури и ако Москва продолжи да напредува, веруваме дека Русија ќе продолжи да го зголемува притисокот долж линијата на фронтот и врз Украина воопшто – рече функционерот на маргините на состанокот на министрите за надворешни работи на земјите членки на НАТО во Брисел.
Укажувајќи на неодамнешните територијални придобивки на руските сили во источна Украина, вклучително и Торецк и во близина на Покровск, официјалниот претставник рече дека Русија ја продолжува својата стратегија за „големи загуби во замена за бавни придобивки“.
Русија претрпе 35.140 жртви само во февруари, според официјални лица. Во меѓувреме, украинскиот претседател Володимир Зеленски изјави дека го смета минатогодишниот ненадеен упад на непријателска територија за успешен и покрај општото повлекување на неговите војници од рускиот регион Курск.
Киев одлучи да ја донесе војната во Русија со започнување на сопствена ограничена инвазија во август.
– Целосно е фер војната да се врати таму од каде што дојде – рече Зеленски во видео обраќањето.
Европа
(Видео) Зеленски: Успехот во Курск ги спаси регионите Суми и Харков

Успехот на операцијата Курск спаси многу животи и ги заштити украинските региони Суми и Харков, рече украинскиот претседател Володимир Зеленски за време на состанокот со војниците на 36-та одвоена поморска бригада, именувана по контраадмиралот Михаил Билински, и 82-та одвоената воздушна јуришна бригада, кои учествуваат во Курск, пренесе УНН.
Според украинските медиуми, Зеленски ги сослушал извештаите за напредокот на борбените операции во одбранбената зона, а особено за тактиката на севернокорејските единици вклучени во конфликтот. Со командантите разговараше и за обуката на војниците, развојот на системи за беспилотни летала, употребата на беспилотни летала со оптички влакна и соработката во рамките на проектот Линија на дроновите.
Our warriors, our defense.
I was briefed on the course of the Kursk operation – our active operations in designated areas on enemy territory.
We continue to defend the Sumy and Kharkiv regions by destroying the occupiers on the approaches to our land.
I’m grateful to all the… pic.twitter.com/xxYcYZSkzs
— Volodymyr Zelenskyy / Володимир Зеленський (@ZelenskyyUa) April 3, 2025
Зеленски истакна дека му претставува чест лично да им се заблагодари на војниците и да им додели државни награди. „Цела Украина е благодарна за вашата храброст и издржливост“, додаде претседателот.
Европа
Унгарија се повлекува од Меѓународниот кривичен суд

Владата на Унгарија објави дека се повлекува од Меѓународниот кривичен суд, објави „Ројтерс“.
Гергели Гуљас, висок функционер во владата на премиерот Виктор Орбан, го објави потегот неколку часа откако израелскиот премиер Бенјамин Нетанјаху – по кого Меѓународниот кривичен суд издаде налог за апсење – пристигна во земјата во официјална посета.
Орбан му се јави на израелскиот лидер штом беше издадена наредбата минатиот ноември велејќи дека одлуката нема ефект во Унгарија.
Во ноември судиите на Меѓународниот кривичен суд рекоа дека има разумни основи да се верува дека Нетанјаху има кривична одговорност за наводните воени злосторства и злосторствата против човештвото за време на војната меѓу Израел и Хамас.
Нетанјаху ја осуди одлуката на Меѓународниот кривичен суд како антисемитска.
Унгарија е еден од основачите на Меѓународниот кривичен суд, кој има 125 земји членки. САД, Русија, Кина и Израел не ја признаваат неговата јурисдикција, како и некои други држави.
Меѓународниот кривичен суд има овластување да гони поединци обвинети за геноцид, злосторства против човештвото и воени злосторства на територијата на државите потписнички на Римскиот статут, неговиот основачки договор.