Европа
(Видео) Се шират снимки од Курск: „Абрамс и Бредлис се борат со руски тенкови“

Нова снимка која кружи на социјалните мрежи се чини дека покажува американски тенк и оклопно возило во Курск.
Украинската 47-ма механизирана бригада вчера на социјалните мрежи објави снимка за која тврди дека покажува американски тенк Абрамс и борбено возило на пешадија Бредли во акција во руската област Курск. „Украинските сили спроведоа операција во пограничниот регион, вклучително и напади врз руски позиции со американски противтенковски ракети“, соопшти бригадата.
Videos of Bradley IFVs and Abrams tank from Ukraine’s 47th Brigade engaging Russian positions in a tree line and deploying smoke grenades in Kursk. The assault also reportedly involved BMP-2 from the 130th Battalion, infantry from the 33rd Assault Battalion, and artillery fire… pic.twitter.com/Lm1t4wRlgf
— Rob Lee (@RALee85) October 28, 2024
„Дали некој замислуваше пред половина година дека американската опрема ќе биде на непријателска територија“, праша 47-та механизирана бригада преку соопштение.
Автентичноста на снимките не е независно проверена.
Украинскиот пробив во Курск на почетокот на август го означи најзначајниот напредок на руска територија од почетокот на војната. Овој потег изненади многу меѓународни набљудувачи, вклучувајќи ги и најблиските сојузници на Украина, а Русија првично реагираше бавно на брзиот напредок на Киев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.