Европа
(Видео) Силен ветер и дожд го погодија најголемиот шпански остров Мајорка

Силен ветер и дожд го погодија најголемиот шпански остров Мајорка, пишува „Дејли Меил“.
Así se ha visto venir la tormenta de Mallorca pic.twitter.com/1XhMQfhjTt
— Dstyle Zaragoza (@DStyleZgz) August 27, 2023
Жителите и туристите објавија видеа на социјалните мрежи на кои може да се види дека ветрот ги носи лежалките, покрај базените. Дождот и ветровите ги направија хотелите на островот непрепознатливи.
The terrifying winds storm in Mallorca of Balearic Islands, Spain 🇪🇦 (27.08.2023)
TELEGRAM JOIN 👉 https://t.co/yY0dMMK1fg pic.twitter.com/bpe7ZGDmw6
— Disaster News (@Top_Disaster) August 27, 2023
Локалните медиуми јавуваат дека во текот на вчерашниот ден во рок од еден час биле пријавени повеќе од 80 инциденти поврзани со поплави предизвикани од дожд.
Strong storm wreaking havoc in #Mallorca #Mallorca #unwetter #Balearic #tormenta #Weather #TropicalStorm
pic.twitter.com/N4e0qcCG6w— Chaudhary Parvez (@ChaudharyParvez) August 27, 2023
Ветерот уриваше палми, а возачите се пробиваа низ поплавени улици.
BREAKING: Severe thunderstorms just moved through Mallorca, Balearic Islands, Spain with very strong winds. There are reports of structural damage. This area is under a Level 3 risk of extremely severe thunderstorms today. pic.twitter.com/LWBccXJn5Y
— Nahel Belgherze (@WxNB_) August 27, 2023
Метеоролозите прогнозираат дека невремето ќе продолжи да го зафаќа најголемиот шпански остров уште некое време. Во неделата беа издадени предупредувања за Мајорка, Ибица, Менорка и Форментера – сите Балеарски Острови.
Crazy end to the holiday #Mallorca #Storm pic.twitter.com/FnyQQaNmuj
— Daragh Irwin (@Daragh_Irwin) August 27, 2023
Метеоролозите велат дека во Мајорка дувале ветрови со брзина од 120 километри на час.
Strong winds storm hits in Mallorca of Balearic Islands, Spain 🇪🇦 (27.08.2023)
TELEGRAM JOIN 👉 https://t.co/yY0dMMK1fg pic.twitter.com/35fWZcNqwq
— Disaster News (@Top_Disaster) August 27, 2023
Туристите кои престојуваат во Мајорка објавија снимки на социјалните мрежи на кои може да се видат како се кријат зад автомобилите од невремето.
strong thunderstorm hits the Island of #Mallorca, Palma de Mallorca#hurricane #majorca #mallorca #storm #Mallorca #unwetter #Balearic #tormenta #Weather #TropicalStorm #Palma pic.twitter.com/SMs84yrsgN
— Ratnesh Mishra 🇮🇳 (@Ratnesh_speaks) August 27, 2023
Покрај тоа, водата навлегла во многу подруми на островот.
⚡️A strong storm hit Spanish Mallorca, about 84 incidents recorded, – Mallorca Informa.*
"A pregnant woman was injured by a road sign that fell on her due to the wind. Two children were blown off the beach onto rocks by the wind", – the publication writes.
According to Mallorca… pic.twitter.com/I08sRKzu56
— FLASH (@Flash_news_ua) August 27, 2023
Бремена жена во Калвија била пренесена во болница откако врз неа паднал уличен знак.
"This is the current state of the island of #Mallorca , #Spain 🇪🇸 after a severe #storm passed through. #Storm #Thunderstorms #WeatherAlert" pic.twitter.com/o71KchjUcg
— ChroniBuzz (@liv59224) August 27, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Шефот на германската разузнавачка служба: Имаме докази, Русија планира напад врз НАТО

Шефот на германската служба за надворешно разузнавање, Бруно Кал, предупреди дека Германија има „конкретни“ разузнавачки докази дека Русија планира напад врз територијата на НАТО за да ја тестира клучната клаузула во алијансата – Член 5, кој гарантира заемна одбрана.
Во ретко интервју за германскиот подкаст „Table Briefings“, Кал рече дека руското раководство повеќе не верува дека НАТО ќе застане на страната на своите членки и дека Москва би можела да се обиде да провери дали таа обврска всушност се почитува.
„Многу сме сигурни, а имаме и разузнавачки докази за ова, дека [руската инвазија на] Украина не е крај, туку само чекор на патот на Русија кон Западот“, рече Кал.
Тој додаде дека ова не значи дека Германија очекува „големи тенковски единици да се движат од исток кон запад“, туку дека има луѓе во Москва кои сериозно се сомневаат во ефикасноста на Член 5.
Неговите изјави се надоврзуваат на претходните предупредувања на германскиот министер за одбрана Борис Писториус, кој постојано нагласуваше дека Германија „мора да биде подготвена за војна“ до крајот на оваа деценија. „Во моментов не верувам дека е веројатен руски напад“, изјави Писториус за „Тагесшпигел“ минатата година. „Нашите експерти проценуваат дека ова би можело да стане можно во рок од пет до осум години“.
Слична проценка даде данското воено разузнавање во извештај објавен во февруари. Според нив, ако војната во Украина заврши, Кремљ би можел да ослободи значајни воени капацитети и да започне нов конфликт во соседната земја во рок од шест месеци.
Кал, кој наскоро ќе ја преземе својата нова функција како амбасадор на Германија во Светата столица, рече дека Москва сака да го врати НАТО на границите од 1990-тите, да ги истисне САД од Европа и да го прошири своето влијание со сите расположиви средства. „Мора да го спречиме ова додека сè уште можеме“, предупреди тој.
Тој истакна дека соработката со Соединетите Американски Држави останува стабилна и покрај повремените тензии. „Американците го сфаќаат Член 5 многу сериозно“, рече Кал, „но тие со право инсистираат дека Европа мора да го преземе својот дел од одговорноста“.
Иако војната е сè уште ограничена на украинска територија, германската агенција за внатрешна безбедност, Федералната канцеларија за заштита на уставниот поредок (BfV), предупредува дека Русија сè повеќе го шири конфликтот на Запад преку кибернапади и шпионажа.
Според годишниот извештај на BfV, презентиран во Берлин, Москва користи таканаречени агенти со низок профил за извршување саботажи. Овие агенти се осомничени за испраќање запаливи направи во пратки, што предизвика серија пожари во логистичките центри низ Европа минатата година.
„Забележуваме дека агресијата на Русија против Украина сè повеќе ги тестира нашите одбранбени способности во областите на кибер и разузнавачки операции“, рече Синан Селим, заменик-претседател на BfV.
Европа
Словачка се заканува дека ќе ги блокира новите санкции кон Русија

Словачка би можела да го блокира новиот пакет санкции на Европската Унија кон Русија доколку Европската комисија не понуди решение за загриженоста на земјата-членка во врска со снабдувањето со енергија, изјави вчера премиерот Роберт Фицо.
„Словачката Република нема да го поддржи предложениот 18-ти пакет санкции против Руската Федерација доколку Европската комисија не понуди вистинско решение за кризата што ќе ја зафати Словачка по целосното прекинување на снабдувањето со гас, нафта и нуклеарно гориво од Русија“, напиша Фицо на Фејсбук.
Словачка, која граничи со Украина и е членка на ЕУ и НАТО, е во голема мера зависна од руската енергија. Прекинот на протокот на руски гас низ Украина влијаеше на снабдувањето, предизвикувајќи спорови со Киев и загриженост во Братислава.
Словачкиот парламент минатата недела со тесно мнозинство одобри необврзувачка резолуција со која се повикуваат владините претставници да се спротивстават на какви било идни санкции што се сметаат за штетни за економијата на земјата.
Фицо, левичарски националист, постојано јавно ги критикуваше поединечните санкции на ЕУ, тврдејќи дека тие ќе ѝ наштетат на Словачка повеќе отколку на Русија. Но, за разлика од конзервативниот премиер на Унгарија, Виктор Орбан, Фицо и други словачки владини претставници на крајот ги поддржаа сите санкции против Русија без исклучок.
Европа
Жителите на Грац запалија свеќи во центарот на градот за да оддадат почит на жртвите од нападот

Граѓаните на Грац се собраа на главниот плоштад во градот за да запалат свеќи и да им оддадат почит на жртвите од пукањето.
Фотографиите покажуваат како луѓето оддаваат почит во тишина додека градот се обидува да го разбере трагичниот напад.
Се огласи училиштето каде што се случи масакрот
БОРГ Драјершуценгасе, средното училиште во северозападен Грац каде што се случи пукањето, објави порака на Инстаграм по трагедијата. Пораката е напишана на германски јазик, официјалниот јазик на Австрија.
„Ова беше ужасен ден кој длабоко нè погоди и шокираше сите нас. Да продолжиме да се држиме заедно како училишна заедница и да се поддржуваме едни со други. Вашите наставници и вашиот директор“, се вели во пораката.
Според првичните извештаи, во училиште во Грац околу 10 часот вчера наутро се случило пукање. Најмалку 11 лица се мртви, вклучувајќи го и напаѓачот. Уште 11 лица се повредени во нападот, од кои седум се во критична состојба.