Европа
(Видео) Снимен е рускиот напад на клучната брана во Украина

Браната кај Киев, која е дел од хидроцентралата лоцирана во близина на главниот град на Украина, беше погодена за време на денешниот масовен руски напад врз Украина. Тимофиј Милованов, советник во кабинетот на претседателот Володимир Зеленски, потврди дека браната претрпела удар.
❗️❗️❗️Ukraine under massive Russian attack: Current information
Russia is launching a massive combined attack on Ukraine. In the evening, Russia launched Shaheds, and in the morning, missiles. Explosions were heard in Kyiv and many other cities and regions. Ukrainian local… pic.twitter.com/g3N2BWGOXf
— RBC-Ukraine (@NewsUkraineRBC) August 26, 2024
Зеленски претходно изјави дека Русија употребила најмалку 100 проектили и 100 беспилотни летала во нападот. Во нападите загинаа најмалку четири лица, а повеќе од десет се повредени.
The dam holds. If the dam were to collapse, a significant portion of Kyiv would be flooded, and the number of casualties could be in the hundreds of thousands, though it’s difficult to predict. pic.twitter.com/dlTO8SUFJm
— Tymofiy Mylovanov (@Mylovanov) August 26, 2024
Милованов рече дека браната „држи“, но изјави дека во нападот е оштетена електраната.
„Доколку попуштеше браната, голем дел од Киев ќе беше под вода“, рече Милованов.
Тој објави уште едно видео на социјалната мрежа Х, за кое вели дека не е јасно дали го претставува моментот кога Русите ја промашиле браната или се обидувале да го таргетираат долниот дел од браната.
Не е јасно колкава штета е предизвикана на електраната, пишува Киев Индепендент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.