Европа
(Видео) Страшно невреме во Европа: завеани Алпи, Венеција поплавена, а во бурата во Хрватска исчезна сурфер
Лошото време што беснее во Европа овие денови однесе шест животи во Италија, додека во Хрватска едно лице е исчезнато.
Бурите, дождот, силните ветришта, високите плими создадоа вистински хаос. Сепак, во Италија беше најлошо, особено во Венеција, каде што водата достигна рекордно ниво. Беа поплавени ресторани и станови, а поради невремето се затворија многу училишта.
Life goes on in Venice. Even at high water. Video: @Simone Sciascia
Gepostet von Severe Weather Europe am Montag, 29. Oktober 2018
На плоштадот на Свети Марко не можеше да се пристапи неколку часа, па многу туристи одлучија да одат низ водата што беше над нивните колена.
Venice, northeast Italy today, October 29. Report via Enrico Stomeo.
Gepostet von Severe Weather Europe am Montag, 29. Oktober 2018
Освен во Венеција, алармантна состојба беше прогласена речиси во цела Италија: црвена тревога во северниот дел (Лигурија, Ломбардија, Венето, Фриули и Трентино) и во Абруцо, и портокалова на добар дел од остатокот на полуостровот и во Сицилија.
Thick snow high in the central Alps
Thick snow high in the Alps of north Italy yesterday, October 29! Report: SKI AREA PEJO 3000 – Val di Sole
Gepostet von Severe Weather Europe am Montag, 29. Oktober 2018
Од друга страна, на Алпите во северниот дел на Италија вчера осамна висока снежна покривка. Бура има и во Хрватска, во областа на Савудрија исчезнаа во понеделникот попладне двајца млади луѓе кои отидоа на сурфање и покрај предупредувањата за невремето.
Bili smo uživo na Rtu Kamenjaku, jedna od najluđih oluja! Reporteri: Petar&Livio
Gepostet von IstraMet am Montag, 29. Oktober 2018
Според ХРТ, пронајден е жив еден од младите луѓе, хрватски државјанин, кој успеал сам да исплива на брегот. За момчето од Словенија, потрагата ќе продолжи и денес, кога ќе дозволат временските услови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Партизаните објавија снимка: „Русите ги палат своите камиони, не сакаат да се борат во Покровск“
Руски војник наводно запалил камион што ѝ припаѓал на неговата единица за да спречи нејзино распоредување во Покровск, украински град на истокот од земјата во кој се водат жестоки борби. Русија со години се обидува да го освои клучниот логистички центар за силите на Киев во регионот Донецк, а неодамнешните засилени напади ја пробија одбраната на градот, објави „Киев пост“.
Украинската партизанска група „Атеш“ објави видео на кое се гледа како еден од нејзините оперативци од руската 115. посебна моторизирана стрелачка бригада пали камион за да спречи негово распоредување на фронтовската линија во близина на Покровск.
Видеото, снимено без нарација, покажува лице како пали запалива супстанција на руски воен камион со прорускиот воен симбол „З“ насликан на неговата врата.
Од „Атеш“ наведуваат дека единицата е стационирана во близина на Авдиивка, уште едно клучно бојно поле во регионот Донецк, што руските сили го освоија во февруари 2024 година. Според мапата на бојното поле со отворен код DeepState, седиштето на 115. Одделна моторизирана стрелачка бригада се наоѓа во селото Ласточкин, северозападно од Авдиивка.
Партизанската група тврди дека лошата руска команда ги поттикнува своите агенти да извршуваат слични саботажни операции. „Агентите го одложија распоредувањето на единицата и си го осигураа сопствениот живот. Војниците гледаат дека нивната команда ги остава да умрат, не им дава време да се одморат и да се евакуираат“, се вели во објавата.
Овие тврдења се поткрепени со неодамнешна истрага од независни руски медиуми, која идентификува повеќе од 100 команданти обвинети за мачење и егзекуција на сопствените војници во Украина, од причини што се движат од непослушност до одбивање да се предаде дел од нивната компензација за повреди.
фото: принтскрин
Европа
Куче уби деветмесечно бебе во Велика Британија
Деветмесечно бебе почина во недела вечерта кога беше нападнато од куче во Велс, Велика Британија. Полицијата и службите за итни случаи беа повикани на адресата во Рогиет околу 18 часот, но, за жал, детето не можеше да се спаси и беше прогласено за мртво на местото на настанот, пишува „Скај њуз“.
Полицијата потврди дека кучето поврзано со нападот е запленето и отстрането од имотот.
Главниот началник на полицијата во Гвент, Џон Дејвис, се обрати до јавноста.
„Разбираме дека ќе има загриженост во врска со овој инцидент, но полицајците се на местото на настанот и ќе поведат дополнителни истраги како што напредува истрагата“, рече тој. „Доколку имате какви било загрижености или информации, ве молиме, контактирајте не“.
фото: принтскрин
Европа
(Фото) Русите отвораат театар на местото на едно од најстрашните злосторства
Русите во окупираниот Мариупол планираат повторно да го отворат Драмскиот театар до крајот на оваа година, истиот што го уништија со две воздушни бомби во март 2022 година.
Во нападот загинаа повеќе од 300 украински цивили, кои побараа засолниште во зградата, а првата претстава на местото на ужасното злосторство треба да се одржи веќе во декември, соопшти Градскиот совет на Мариупол.

„Окупаторите тврдат дека реконструкцијата на театарот е при крај. Местото на едно од најстрашните руски воени злосторства сега се трансформира во простор за руски претстави и концерти“, соопшти Градскиот совет.

Службениците додадоа дека Русите го опколиле театарскиот простор по смртоносниот воздушен напад за да го скријат отстранувањето на урнатините што содржат тела и да спречат документирање на доказите за нивните злосторства.

На 16 март 2022 година руските сили фрлија две воздушни бомби од 500 килограми врз театарот во Мариупол. Во тоа време зградата се користеше како засолниште за стотици цивили.

Зборот „деца“ беше напишан со големи букви на предната и на задната страна од зградата за да биде видлив од воздух и да ги предупреди пилотите дека внатре има цивили, но нападот сепак се случи.

Окупациските власти подоцна го демонтираа уништениот театар оставајќи ја само предната фасада како темел за реконструкција. Во август оваа година руските власти објавија дека ги завршиле надворешните поправки и дека преминуваат на внатрешно уредување најавувајќи дека првата претстава ќе се одржи до крајот на 2025 година.
фото: принтскрин

