Европа
(Видео) Шумски пожари беснеат во близина на Марсеј: „Ситуацијата е загрижувачка“

Шумскиот пожар, кој стигна до северозападните предградија на вториот по големина град во Франција, Марсеј, го изгуби својот интензитет преку ноќ, но пожарникарите сè уште се борат со пламените јазици.
На жителите на кои вчера им беше кажано да останат во своите домови поради сопствена безбедност, повторно им е дозволено да излегуваат.
„Со оглед на тоа што пожарот на север од Марсеј сега очигледно е под контрола, можеме да објавиме утрово дека 16-тиот арондисман повеќе не е во карантин“, изјави градоначалникот на Марсеј, Беноа Пајан.
🇫🇷🧑🚒 A fast-moving #fire that began Tuesday morning near #Marseille has spread into the city, causing the airport to close, stopping trains, and forcing people to stay indoors pic.twitter.com/cxmGsW0SGi
— FRANCE 24 English (@France24_en) July 8, 2025
„Додека службите за итни случаи работат напорно, ги повикувам сите жители на Марсеј во областа да бидат исклучително внимателни“, рече тој.
Мартин Васал, раководител на регионалниот совет, рече дека пожарникарите работеле цела ноќ за да го стават под контрола пожарот, за кој, според неа, сè уште е причина за загриженост. „Не е завршено. Временските услови нè загрижуваат“, изјави Васал за телевизијата БФМ.
#Marseille fire turning the city into an apocalyptic view. Ash falling from the sky as smoke fills the streets pic.twitter.com/ykYXric9qm
— h (@zwaigy) July 8, 2025
Локалните власти изјавија дека аеродромот во вториот по големина град во Франција би можел да биде затворен за комерцијални летови за да им се даде приоритет на воздушните ресурси ако пожарот повторно се разгори. Прерано е стотици жители, кои избегаа од пожарот, да се вратат, изјавија властите.
Стотици пожарникари, потпомогнати од хеликоптери и авиони, се борат со пламените јазици, кои се разгоруваат од ветрови до 70 км/ч испраќајќи облаци чад над јужниот крајбрежен град. Официјалните лица изјавија дека пожарот е предизвикан од автомобил кој се запалил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Данските власти поставија воен радар на аеродромот во Копенхаген за откривање дронови

Откога неидентификувани дронови беа забележани над данските аеродроми и воени бази речиси секоја вечер минатата недела, данските власти презедоа низа мерки за да се осигурат дека претстојниот состанок на лидерите на Европската Унија во Копенхаген ќе помине без безбедносни закани.
Откога минатата сабота беше забранета целата активност на дронови над Данска, фрегатата на германската морнарица „ФГС Хамбург“ се закотви во пристаништето во Копенхаген во неделата. Германскиот брод ќе придонесе за надзор на данскиот воздушен простор за време на самитот на Европската Унија, објавија данските медиуми.
Најновата мерка на данските власти е инсталирање современ радар за откривање и следење дронови „Вајбел Ксента“ на аеродромот „Каструп“ во Копенхаген.
Данската полиција и Генералштабот на вооружените сили не сакаа да дадат подетаљни информации за радарот што може да се види зад оградата кај „Каструп“. Познато е само дека станува збор за уред од данската компанија „Вајбел саентифик“, што може да детектира сите летала на растојание до 30 километри.
фото: принтскрин
Европа
Орбан: Секој друг извор на нафта и гас, освен рускиот, е несигурен и поскап

Снабдувањето на гас и нафта од Русија е загарантирано за Унгарија, а секој друг извор на енергија е несигурен и поскап, изјави денес унгарскиот премиер, Виктор Орбан.
„Ниеден разумен човек не би разменил нешто сигурно за нешто неизвесно“, рече Орбан денес во поткастот Fight Hour, како што објави унгарската агенција MTI. Унгарскиот премиер рече дека испораката на енергија од Русија е загарантирана и дека цената е пониска отколку од другите земји. Доколку Унгарија купува нафта и гас од други земји по повисока цена, ќе мора да им наплаќа повеќе на своите жители, рече Орбан.
Унгарија, Словачка и Чешка се трите европски земји на кои им се дадени ослободувања од европските санкции за увоз на руска нафта. Чешка оттогаш обезбеди други извори на снабдување, но Унгарија и Словачка продолжуваат да увезуваат нафта од Русија преку нафтоводот „Дружба“.
фото: принтскрин
Европа
Рекорден премин на Ла Манш: 125 мигранти пристигнаа со еден брод

Рекорден премин на Ламанш беше забележан во саботата кога дури 125 лица пристигнаа во еден мал брод, што е досега најголем број патници во еден брод. Вкупно, речиси 900 мигранти го преминаа Ламанш во саботата, пишува Би-би-си.
Со ова е соборен претходниот рекорд од август, кога во еден брод имаше 106 лица. Официјалните податоци од Министерството за внатрешни работи потврдуваат дека 895 мигранти пристигнале во 12 бродови во саботата, со што вкупниот број на преминувања од почетокот на 2025 година достигна приближно 33.000.
Во сенка на нова трагедија
Веста доаѓа откако уште еден мигрант почина обидувајќи се да премине, а неговото тело беше пронајдено во неделата наутро на плажа во близина на Булоњ-сур-Мер во северна Франција, објави новинската агенција АФП.
Возраста и националноста на починатиот сè уште не се познати. Обвинителката на пристанишниот град, Сесил Гресиер, изјави за АФП дека истрагата ќе утврди дали постои врска помеѓу оваа смрт и обидот за премин во близина на Екиен-Плаж, каде што беше пронајдена 49-годишна жена и однесена во болница поради хипотермија.
Во саботата, две жени од Сомалија исто така ги загубија животите откако нивниот импровизиран чамец наиде на проблеми. Со ова, бројот на смртни случаи при обид за нелегално преминување од Франција во Велика Британија оваа година се искачи на најмалку 27.
фото: принтскрин