Европа
Во Киев одекнуваат експлозии, нападната и Одеса, руските сили влегле во Мелитопољ
Според најновите информации од светските известувачи продолжуваат нападите врз Киев и Одеса. Украинскиот претседател Володимир Зеленски во вечерашното драматично обраќање предупреди преку видео изјава дека Русите ќе го нападнат Киев во наредните часови, јавува Би-би-си.
Градоначалникот на Киев, Виталиј Кличко вели: слушаме експлозии, Русите се блиску до градот.
Русија ја нападна Украина.
Од вчера се водат жестоки борби. Руските сили напаѓаат од повеќе правци, поддржани од сепаратистите и Белорусија. Проектили паѓаат врз украинските градови, се слушаат сирени, а голем број луѓе ги напуштаат градовите.
НАЈНОВИ ВЕСТИ:
23:55 Зеленски: Русите вечерва ќе се обидат да го нападнат Киев, ноќта ќе биде тешка
Украинскиот претседател Володимир Зеленски во вечерашното драматично обраќање предупреди преку видео изјава дека Русите ќе го нападнат Киев во наредните часови, јавува Би-би-си.
23:05 Руските сили влегле во Мелитопољ
Според агенциските извештаи, руската армија без отпор влегла во украинскиот град Мелитопољ на југот на Украина, соопшти вечерва руското Министерство за одбрана.
21:56 Украина побара од Израел да посредува во преговорите со Русија
Зеленски тоа го побарал при синоќешниот телефонски разговор со Нафтали Бенет. Ова не е прв пат Зеленски да упати вакво барање, но е првпат од почетокот на руската инвазија.
21:39 ( Видео) Додека бомби паѓаат врз градот, бебињата ги кријат во подрум
Новородените бебиња во источниот украински град Днепар се префрлени во импровизирани засолништа во болница додека руските сили ја напаѓаат Украина.
20:45 (Видео) Започнат напад на Одеса?
Нападот на Одеса започна, Русите се во близина на Киев, пренесуваат медиумите во регионот.
20:15 Ходорковски: Само револуција ќе го собори Путин
„Само револуцијата ќе го собори Владимир Путин“, рече Михаил Ходорковски, некогаш најбогатиот човек во Русија пред да падне во немилост на Кремљ додавајќи дека очекува Путин да продолжи да ги задушува протестите во Русија по инвазијата на Украина.
Захарова, како што пишуваат медиумите, попладнево на прес-конференција во Москва предупредила дека приемот на Финска или Шведска во НАТО ќе предизвика сериозен одговор од Москва.
19:46 Конашенков: Руската армија собори 12 украински авиони, уништи 67 тенкови
Руската армија собори 12 украински авиони за време на специјални операции во Украина, изјави денеска портпаролот на Министерството за одбрана Игор Конашенков, пренесуваат медиумите во регионот.
19:30 „Целта на Путин не е само Украина“- Лидерите на НАТО испраќаат нови војници во Источна Европа
Ги активиравме одбранбените планови на НАТО за да се подготвиме да одговориме на серија непредвидени ситуации и да ја обезбедиме територијата на Алијансата, вклучително и употребата на нашите сили за одговор, се вели во соопштението објавено денеска.
18:45 Украински војници пукаат во воздух додека луѓето се туркаат во возовите за евакуација
Украинските војници испукаа неколку истрели во воздух за да го спречат стампедото на главната железничка станица во Киев додека илјадници луѓе се обидоа насилно да влезат во возовите за евакуација, пишуваат агенциите.
18:11 Оклопно возило преминува преку автомобил во Киев, очевидците во паника
Бројни медиуми објавија снимка од оклопно возило кое поминува над цивилен автомобил во Киев, за време на борбите меѓу украинските и руските сили.
17:53 „Ова е можеби последен пат да ме видите“, Зеленски стравува за својот живот
За време на синоќешниот разговор, украинскиот претседател Володимир Зеленски наводно им рекол на европските лидери дека тоа може да биде последен пат да го видат жив.
17:37 Во Украина потврдена смртта на три деца
Организацијата „Save the Children International“ објави дека во Украина е потврдена смртта на три деца.
17:10 Огромен број граѓани се обидуваат да го напуштат Киев со воз, бегаат од војната
Во главниот град на Украина се забележани големи толпи на луѓе во подземните станици. Граѓаните на секој начин се обидуваат да го напуштат Киев, а голем број од нив решија да си ја пробаат среќата во возови.
Поранешната германска канцеларка Ангела Меркел остро го осуди рускиот напад врз Украина и оцени дека станува збор за очигледно кршење на меѓународното право и војна за агресија.
Воената операција не е закана за цивилите, прекинувањето на дипломатските односи со Киев не е наш избор. Целта на операцијата на Русија во Украина е да го повика марионетскиот режим во Киев на одговорност за злосторствата врз цивили, вклучително и руски државјани, извршени во претходните години, изјави портпаролката на руското Министерство за надворешни работи, Марија Захарова.
16:40 – Франција испраќа воена опрема
Франција ќе обезбеди одбранбена опрема за Украина, рече францускиот претседател Емануел Макрон во говор пред двата законодавни тела на земјата во петокот. Нема детали за опремата.
16:38 – Тешки борби околу Чернигов
Има извештаи за тешки борби меѓу руските и украинските сили околу градот Чернигив, на околу 105 километри северно од главниот град Киев.
16:36 – Кулеба ги повика Американците на помош
Украинскиот министер за надворешни работи Дмитро Кулеба ги повика САД да го искористат своето влијание врз „колебливите европски земји“ кои се противат на забраната на Русија да го користи платниот систем SWIFT.
Another call with my American friend and counterpart @SecBlinken on the need to use all US influence on some hesitant European countries in order to ban Russia from SWIFT. We also discussed further supply of defensive weapons to Ukraine.
— Dmytro Kuleba (@DmytroKuleba) February 25, 2022
16:30 – Советот на Европа ја суспендира Русија?
Советот на Европа иницираше процес за суспендирање на членството на Русија, изјави полскиот премиер Матеуш Моравјецки, пренесува Ројтерс.
Русија е членка на 47-членото тело за човекови права од 1996 година. Таа беше исклучена од Парламентарното собрание на Советот на Европа поради анексијата на Крим во 2014 година, но во 2019 година беше вратена со целосни права.
16:15 Путин им се обрати на украинските војници: Земете ја власта во свои раце
Рускиот претседател, Владимир Путин, штотуку им се обрати на украинските војници и ги повика да се свртат против нивната влада, јавува Би-Би-Си.
Рускиот претседател тврди дека Русија главно се бори против „националистите“ и ги повикува украинските вооружени сили да се предадат. „Преземете ја власта во свои раце. Се чини дека ќе ни биде полесно да се договориме со вас отколку со оваа банда на наркомани и неонацисти“, рече тој.
16:10 Украинците тврдат: Русија ракетираше градинка
„Киев Индепендет“ објави дека руски проектили погодиле засолниште и градинка во североисточниот украински град Охтирка. Тие наведуваат дека има загинати и повредени, а меѓу нив има и деца.
Шефот на украинската дипломатија на својот Твитер профил напиша дека руските напади врз засолништето и градинката се воени злосторства и кршење на Римскиот статут.
„Заедно со државниот обвинител собираме докази и се ќе му предадеме на Хаг“, напиша Кулеба.
15:59 Украина соопшти дека убиле 1.000 руски војници
Украинските сили убиле над 1.000 руски војници, објави украинската армија.
„Руските мајки ги испраќаат своите синови во сигурна смрт, бидејќи украинските вооружени сили ги држат линиите и ќе ја бранат својата земја од окупаторите“, се наведува во соопштението.
Украинските трупи во меѓувреме влегоа во Киев со тешка воена опрема за да го одбранат главниот град.
15:40 Кличко: Влеговме во одбранбена фаза
Украински воени возила влегоа во Киев за да се одбранат од напредувањето на руските сили. Градоначалникот на Киев, Виталиј Кличко, претходно изјави дека градот влегол во одбранбена фаза.
Руските проектили паднаа и денеска во Киев, на чии жители им беше кажано да подготват молотови коктели и да го бранат градот. Првите руски единици претходно влегоа во северната област Оболон во Киев. Москва тврди дека го вратила аеродромот Хостомел северозападно од градот, витална точка за планираниот напад врз градот.
„Градот е во фаза на одбрана. Летаат куршуми, во некои населби одекнуваат експлозии“, рече Кличко.
15: 16 Русија и’ предаде на Франција докази за воени злосторства на Киев во Донбас
Руската амбасада во Париз објави дека доставила докази до француското Министерство за надворешни работи за вршени злосторствата против човештвото и воени злосторства на украинските сили во Донбас.
„Руската амбасада во Париз му предаде на француското Министерство за надворешни работи фотографски докази за воени злосторства и злосторства против човештвото во Донбас, за кои е одговорно раководството на Украина“, соопшти руската дипломатска мисија.
15:07 Ердоган: НАТО требаше да преземе порешителен чекор во однос на Украина
Турскиот претседател Реџеп Таип Ердоган денеска изјави дека НАТО требало да преземе порешителен чекор во однос на кризата во Украина, јавува Агенција Анадолија.
Ердоган го критикуваше ставот на Западот за рускиот напад врз Украина, коментирајќи дека премногу советува, а малку презема.
15:00 ЕУ е подготвена да го замрзне имотот на Путин и Лавров
Европската унија се подготвува да го замрзне имотот на рускиот претседател Владимир Путин и рускиот министер за надворешни работи Сергеј Лавров, како дел од спроведувањето на третата рунда санкции, пишува Фајненшл тајмс.
Министрите за надворешни работи на ЕУ попладнево планираат да воведат нови санкции кон Русија, заедно со голем број мерки против руските банки и индустријата.
14:57 ОН: Поради руската инвазија, пет милиони Украинци би можеле да побегнат во странство
Руската инвазија може да принуди пет милиони Украинци да побегнат во странство, соопшти хуманитарната агенција на ОН.
Најмалку 100.000 луѓе во Украина беа принудени да ги напуштат своите домови откако Русија ја започна инвазијата вчера, а неколку илјади луѓе веќе побегнаа во соседните земји како Молдавија, Романија и Полска, изјави портпаролката на Агенцијата за бегалци на ОН, Шабија Манту.
14:35 Русите тврдат дека освоиле уште еден град
Руското Министерство за одбрана соопшти дека нивните сили го опколиле градот Чернихив, околу 150 километри северно од главниот град Киев.
„Блокадата на градот Чернихив заврши“, изјави портпаролот Игор Конашенков.
14:20 Руските напади во Украина се корекција на историјата, вели сирискиот претседател
Сирискиот претседател Башар ал Асад во телефонски разговор со неговиот руски колега Владимир Путин ја поздрави руската инвазија на Украина, оценувајќи ја како „корекција на историјата“.
„Противењето на проширувањето на НАТО е руско право“, рече тој, додавајќи дека НАТО е „глобална закана“ и „инструмент за спроведување на неодговорни западни политики насочени кон дестабилизација на светот“.
14:15 Портпаролот на ЕУ: Путин е на пат да изврши геноцид
Портпаролот на ЕУ, Петер Стано, денеска изјави дека никој не може да ја превиди крајната цел на руската воена инвазија на Украина и ги отфрли објаснувањата на рускиот претседател дека се работи за спречување на геноцид и „денацификација“ на Украина.
14:00 Путин: Русија е подготвена на преговори на високо ниво со Украина
Рускиот претседател Владимир Путин во телефонски разговор со кинескиот претседател Си Џинпинг, изразил подготвеност за преговори со Украина.
„Русија е подготвена да води преговори со Украина на високо ниво“, рече Путин, пренесе кинеското Министерство.
13:55 – Естонија испраќа воена опрема во Украина
Естонија соопшти дека ќе испрати дополнителни противоклопни проектили во Украина за да ја зајакне одбраната на земјата.
Русите го зазеле аеродромот Хостомел
Руското Министерство за одбрана соопшти дека руските сили го зазеле аеродромот Хостомел во близина на Киев.
Русите на аеродромот испратиле 200 хеликоптери и војска.
Околу 200 руски хеликоптери учествуваа во операцијата за напад на аеродромот, познат и како аеродром Антонов, соопшти руското Министерство за одбрана.
Кличко: Киев е во фаза на одбрана
Градоначалникот на Киев, Виталиј Кличко, објави дека градот влегол во одбранбена фаза додека руските трупи напредуваат.
Новинарка од Киев: Патот го блокираат автомобили, луѓе заминуваат и пеш
Новинарски екипа си заминуваат од Киев додека руската војска влегува во градот.
Во Киев се подготвуваат молотови коктели: „Се чекаат руските тенкови“
Неколку гајби полни со молотови коктели се подготвени, се наведува во прилог на фотографија што ја објави украинскиот новинар Илија Пономаренко на „Твитер“.
Проектил паѓа на станбена населба
Објавена е снимка, проверана од Би-би-си, на која проектил погоди станбена зона во Буча, северозападно од Киев.
Зеленски го повика Путин на преговори
Украинскиот претседател Володимир Зеленски го повика рускиот претседател Владимир Путин на преговори, пренесоа руските медиуми.
Претходно Украина соопшти дека е подготвена да преговара за неутрален статус со Русија, но бара безбедносни гаранции.
Русија ќе воведе санкции кон западните земји
Русија ќе воведе санкции кон западните земји врз основа на реципроцитет, изјави денеска портпаролот на Кремљ, Дмитриј Песков.
Русија го напаѓа Киев од белорускиот аеродром Гомел
Генералштабот на украинската армија денеска соопшти дека Русија го користи аеродромот Гомел во Белорусија за да ги подготви своите војници за нападот на Киев, иако тие го контролираат аеродромот Гостомел во близина на главниот град на Украина.
Ukrainian military police in full combat gear running to defend the city as Russian troops close in on Kyiv. pic.twitter.com/UDe9YIhWTN
— Ian Pannell (@IanPannell) February 25, 2022
УЕФА му го одзеде на Санкт Петербург финалето во Лигата на шампионите
Европската асоцијација реши финалето да биде одиграно во Париз
Украина соопшти за зголемено ниво на радијација од Чернобил
Зголемената радијација се припишува на „нарушување на горниот слој на почвата поради движењето на големо количество тешка воена опрема низ зоната на исклучување и испуштањето на контаминирана радиоактивна прашина во воздухот“.
Русите стигнаа до државните институции – Украинците повикуваат на масовна мобилизација
Во близина на владиниот кварт во Киев се слуша пукање, пренесе агенцијата АП. Украинските одбранбени сили повторно се огласија и ги повикаа сите цивили да се приклучат без разлика на нивната возраст.
Снимка од радио комуникација по која загинаа 13 украински војници на остров во Црното Море
Секој војник кој го чуваше Змискиот остров на Црното Море загина, изјави украинскиот претседател Володимир Зеленски и додаде дека постхумно ќе им оддаде почит на загинатите.
Талибанците повикаа на крај на војната во Украина: Загрижени сме за цивилите
Министерството за надворешни работи на Авганистан објави соопштение во кое се наведува дека талибанците внимателно ја следат ситуацијата во Русија и Украина и се загрижени за можни цивилни жртви.
(Видео) Руски оклопни возила во Киев, властите им порачаа на граѓаните да спремаат молотови коктели
Руски сили влегоа во главниот град на Украина. Според украинските власти, Русите влегле во населбата Оболон каде се водат борби.
An armed #Russia‘s vehicle ran over a civilian car just on the streets of Obolon district in Kyiv.#Ukraine pic.twitter.com/JgbshmBEhN
— Alexander Khrebet/Олександр Хребет (@AlexKhrebet) February 25, 2022
Зеленски: Русија сака да ме убие, јас сум цел број еден
„Според нашите информации, непријателот ме означи како цел број 1, моето семејство како цел број 2“, вели украинскиот претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Италијанец се преправал дека е слеп 50 години, ја измамил државата за повеќе од еден милион евра
76-годишен маж од областа Виченца во Италија се преправал дека е целосно слеп повеќе од 50 години за да добие надомест за инвалидитет измамувајќи ја државата за повеќе од еден милион евра. Измамата е откриена кога финансиската полиција го снимила како извршува секојдневни задачи без никакви проблеми, како што се градинарство и пазарување на пазарот, објавува „Кориере дел Венето“.
На снимката објавена од финансиската полиција човекот е снимен како внимателно избира овошје и зеленчук на пазарот. Дома е снимен како врши градинарски активности, вклучувајќи кастрење и полевање растенија. Сите овие задачи ги извршувал со целосна леснотија, иако официјално бил регистриран како 100 % инвалид поради слепило.
Жителот на Монтекио Маџоре е обвинет за сериозна измама против државата.
Според обвинението, човекот незаконски примал бенефиции и надоместоци наменети за слепи лица повеќе од педесет години, со што стекнал незаконска бенефиција од повеќе од еден милион евра. Истрагата е поведена по вкрстена проверка на податоците на корисниците на социјално осигурување, а членовите на финансиската полиција од Арзињано поминале повеќе од два месеца следејќи го. Утврдено е дека тој почнал да прима пензија и надомест за придружба уште во 1972 година по наводна несреќа на работа.
#GdiF #Vicenza Denunciato un falso invalido per truffa ai danni dello Stato, avendo percepito indebitamente, per più di 50 anni, indennità e sussidi per un importo superiore al milione di euro.#NoiconVoi pic.twitter.com/DvqBzrir2l
— Guardia di Finanza (@GDF) October 13, 2025
Старецот е снимен како извршува голем број секојдневни задачи, без ничија помош, вклучително и користење опасни алатки, како што се ножици за кастрење и тримери за жива ограда. Тој исто така редовно одел сам на градскиот пазар избирајќи продукти и плаќајќи во готово од сопствениот паричник.
Врз основа на цврсти докази, поткрепени со сведочење на експерти, судската власт во Виченца поднесе обвинение против лажно слепиот човек. Финансиската полиција ги извести надлежните институции сите бенефиции веднаш да му бидат суспендирани. Даночната ревизија утврди нелегален приход од над 200 илјади евра во последните пет години, период за кој може да се направи процена, и е предложено да се конфискува овој износ.
„Оваа операција сведочи за континуираната посветеност на Финансиската полиција во борбата против измамите во секторот за социјална помош и пензиско осигурување. Јавните средства наменети за поддршка на најранливите и навистина сиромашните социјални групи неправедно се одземаат“, соопшти Покраинската команда на Финансиската полиција во Виченца.
фото: принтскрин
Европа
Зеленски: Русија ја таргетира енергетската инфраструктура со 300 дрона и 37 ракети
Украинскиот претседател Володимир Зеленски денеска објави дека Русија употребила 300 беспилотни летала и 37 ракети за напад врз украинската инфраструктура во текот на ноќта.
„Оваа есен Русите го користат секој ден за да ја таргетираат нашата енергетска инфраструктура“, напиша тој на „Икс“.
Украинската приватна енергетска компанија ДТЕК претходно соопшти дека постројка за производство на гас во регионот Полтава е затворена по рускиот напад врз енергетската инфраструктура во текот на ноќта.
Извори од индустријата за „Ројтерс“ изјавија дека руските напади предизвикале значајна штета на гасниот сектор на Украина.
Главниот извршен директор на украинската државна компанија „Нафтогас“ рече дека нападите го нарушиле работењето на неколку клучни постројки.
Тој нагласи дека тие имале директно влијание врз домашното производство на гас и дека Киев ќе мора да ги покрие загубите преку увоз.
фото: принтскрин
Европа
Путин почнува брутална зимска тактика против Украина
Русија ги засили нападите врз енергетската и гасната инфраструктура на Украина во последните денови, во кампања што потсетува на најлошите зимски удари во последниве години. За само неколку дена, десетици електрани низ целата земја беа погодени, оставајќи милиони без електрична енергија, вода и греење – бидејќи температурите штотуку почнуваат да паѓаат.
Украина вчера воведе итни прекини на електричната енергија во речиси сите региони. Националниот оператор Укренерго соопшти дека далноводите и трафостаниците се оштетени и дека се потребни ограничувања на потрошувачката за стабилизирање на системот. ДТЕК, најголемиот приватен производител и дистрибутер, соопшти дека ја вратил електричната енергија на речиси два милиони корисници за само неколку дена, главно во регионите Киев, Одеса и Дњепропетровск.
Во главниот град, прекините на електричната енергија, исто така, предизвикаа пад на притисокот на водата, додека делови од метрото работеа на резервна електрична енергија. Во неколку региони, вклучувајќи ги регионите Суми и Черкаси, властите воведоа ротирачки прекини на електричната енергија и ги повикаа граѓаните да штедат енергија.
Зеленски: „Путин се обидува да предизвика хаос пред зимата“
Украинскиот претседател Володимир Зеленски рече дека Русија го користи студот како оружје.
„Тие немаат што да покажат на бојното поле, па затоа се обидуваат да го уништат нашиот енергетски сектор. Нивната цел е да сеат хаос и страв пред зимата“, рече тој. Тој додаде дека руските сили лансирале повеќе од 150 беспилотни летала и десетици ракети за само неколку дена, насочени кон електрани, трафостаници и гасни постројки.
Министерот за енергетика Герман Галушченко рече дека нападите оваа недела ги погодиле и постројките на државната компанија Нафтогаз и неколку термоцентрали во централна Украина. „Нивната цел е да ги исцрпат нашите залихи на гас и да нè принудат да увезуваме во средината на зимата“, рече тој.
Повторување на бруталната тактика
Според проценките на воените и енергетските аналитичари објавени од Ројтерс и Блумберг, Русија ја повторува бруталната тактика што ја користеше во минатите зими – систематски напаѓајќи ги електроенергетските и гасните постројки за да ја намали отпорноста на Украина и да го ослаби моралот на населението.
Целта не е моментален прекин на електричната енергија, туку долгорочно осиромашување преку постојани поправки, преоптоварувања и недостиг на делови.
Нападите се темпирани да се совпаднат со промената на сезоната: како што паѓаат температурите, секоја штета има поголемо влијание, а работата на мрежата се забавува. Аналитичарите предупредуваат дека Москва користи тактика на „заситеност во одбраната“ – користејќи масивни бранови беспилотни летала и ракети за да ги истроши украинските ракети за воздушна одбрана, а потоа прецизно ги таргетира клучните точки на пренос.
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
