Европа
Во Русија почна гласањето на изборите, кои ќе траат три дена, Путин нема конкуренција

Руските гласачи утринава почнаа да излегуваат на гласачките места на тридневните претседателски избори, кои сигурно ќе му донесат на Владимир Путин уште еден шестгодишен мандат на власт бидејќи нема вистински противници. Гласањето почна со отворање на избирачките места на рускиот далечен исток.
Изборите во земјата што опфаќа 11 временски зони ќе траат до недела вечер кога последните избирачки места во Калининград на Балтичкото Море се затвораат во 20 часот по локално време. Веднаш потоа се очекуваат првите прогнози. Руските државни агенции за истражување на јавното мислење веќе прогнозираа дека 71-годишниот Путин, кој е на власт речиси четвртина век и бара петти мандат, ќе добие повеќе од 80 отсто од гласовите. Тоа би бил неговиот најголем резултат досега.
Путин има тројца формални ривали, што на изборите им дава привид на кредибилитет. Но, тие не само што немаат шанси туку имаат и политички ставови кои се про-Кремљ и обично го поддржуваат Путин. На кандидатите што се изјаснија против војната на Путин во Украина им беше забрането да се кандидираат.
Изборните набљудувачи од Организацијата за безбедност и соработка во Европа (ОБСЕ) не беа поканети да ги следат изборите. Москва го проценува бројот на гласачи во Русија на 112 милиони, но таа бројка, всушност, вклучува 4,5 милиони луѓе во окупираните делови на украинските региони Донецк, Луганск, Запорожје и Херсон. Покрај тоа, два милиона Руси, кои живеат во други земји, имаат право на глас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски: На прекин на огнот ќе одговориме со прекин, а на напади со напади

Украинскиот претседател Володимир Зеленски изјави дека Русија не била способна да одговори ниту на предлогот за 30-дневно примирје по Велигден, ниту на поограничената верзија на примирјето.
Тој истакна дека Русија речиси 3.000 пати го прекршила сопствениот прекин на огнот за време на Велигден.
„Овој ден не беше доволен за Москва да одговори ниту на предлогот за целосно 30-дневно примирје по Велигден, ниту на предлогот барем да се продолжи примирјето на небото, со воздржување од ракетни и беспилотни напади врз цивилната инфраструктура“, напиша Зеленски на платформата „Икс“.
„Природата на украинските дејствија ќе остане симетрична: ние ќе одговориме на прекин на огнот со прекин на огнот, а на руските напади – со нашите сопствени, во одбрана. Дејствата секогаш зборуваат погласно од зборовите“, рече тој.
Европа
(Видео) Вака папата Франциско се молеше сам на дожд

Меѓу неговите многубројни должности и одлуки, покојниот папа Франциско особено уживаше во друштвото на другите луѓе, црпејќи енергија од средбата со нив и возвраќајќи им ја наклонетоста со зборови на охрабрување или едноставно со грижлива насмевка, пишува „Ватикан Њуз“.
Папата Франциско сакаше да биде меѓу луѓето. Тоа беше видливо секоја среда наутро на општите аудиториуми, како и кога тој се појавуваше напладне во недела на прозорецот од својата работна соба во Апостолската палата и се молеше на Ангелот Господов. Иако беше физички оддалечен од собраните на плоштадот Свети Петар, весело мавташе и поздравуваше бројни групи верници, пренесува „Ватикан Њуз“.
Кога избувна пандемијата на коронавирус, а Ватикан беше затворен за јавноста, папата служеше миса секое утро во 6 часот во капелата на неговата резиденција што беше емитувана од Дикастеријата за комуникации преку социјалните медиуми, телевизија и радио. На секоја миса, тој се молеше за различни групи погодени од пандемијата – од медицински персонал до наставници и затвореници.
🔴#Covid 5 anni fa la “Statio Orbis” di #PapaFrancesco in Piazza #SanPietro.
👉Era il #27marzo 2020 nel pieno della pandemia e la preghiera del #Papa da solo, sotto la pioggia, in una Piazza San Pietro deserta fa il giro del mondo.
👉Accanto a lui il #Crocifisso di San Marcello… pic.twitter.com/xcMT5JrQcU— Tv2000.it (@TV2000it) March 27, 2025
„На 27 март 2020 година, папата Франциско го одржа историскиот Statio Orbis: сам на пуст и дождлив плоштад Свети Петар, благословувајќи го целиот свет со Светата Тајна, нудејќи го Христос како единствен извор на живот и надеж во момент на голема глобална неизвесност“, пишува „Ватикан Њуз“.
Европа
За прв пат по повеќе од 300 години, папа нема да биде погребан во базиликата Свети Петар

Базиликата Св. Марија Велика, каде што одлучи да биде погребан папата Фрањо, е импозантна црква од 5 век во срцето на Рим, која веќе содржи гробници на седум папи. Аргентинскиот папа, кој почина денеска на 88-годишна возраст, кон крајот на 2023 година изјави дека сака да биде погребан во оваа базилика, а не во криптата на базиликата Свети Петар, што ќе биде прв пат по повеќе од три века таму да биде погребан папа.
„Веднаш зад скулптурата на кралицата на мирот (Богородица) има мала вдлабнатина, врата што води до просторијата каде што се чувале свеќниците. Ја видов и помислив: ‘тоа е местото’.
„И таму e подготвено место за погреб“, му рече тој на шпанскиот ватикански експерт Хавиер Мартинез-Брокал во неговата книга „Наследникот“ од 2024 година.
Во оваа базилика се погребани седум папи. Последен беше Клемент IX, во 1669 година. Тоа е последното почивалиште на некои други познати личности, како што е архитектот и скулптор Бернини, градителот на колонадата на плоштадот Свети Петар.